‘Policia, shpejt janë tre hajna me kallashnikov’, video-ja e grabitjes në Suharekë ku u plagos polici

Dalin pamjet nga grabitja e argjendarisë në Suharekë, pasditen e kësaj të mërkure, ku mbeti i plagosur një polic. Siç shihet edhe në videon më poshtë, disa persona të armatosur hyjnë në argjendari ndërsa njëri prej tyre ruan me kallashikov te dera. Në videon e publikuar, dëgjohet një person duke bërtitur “o ik more”, i cili më pas telefonin policinë.

“Sot rreth ores 15:45 Eshtë marrë informate së në Suhareke ne një argjentari është një grabitje me armë ne zhvillim e sipër. Patrullat policore të Stacionit të policisë së Suharekës janë informuar menjëherë dhe kanë shkuar në vendngjarje. Rreth orës 16:03 min kemi marrë informatën se vetura e dyshimtë është një veturë e pasagjerëve. Sapo policia ka mbërri në vendngjarje të dyshuarit kanë shtënë me armë zjarri në drejtim të policisë, një zyrtar policor është plagosur, ai ka marr tretman mjekësor dhe është jashtë rrezikut për jetë. Në grabitje dyshohet se janë të përfshirë 4 të dyshuar të cilët për momentin kanë arrit që të largohen nga vendi i ngjarjes”, thuhet në njoftimin nga policia.

Policia po punon për identifikimin dhe arrestimin e tyre.