Pranohet Kosova/ Vendoset në tryezën e KiE

Kryetari i Partisë Popullore serbe, Vuk Jeremic,  ka deklaruar se që nga viti 2011, në Këshillin e Evropës kërkohet një shumicë prej dy të tretash për pranimin e Kosovës, por sipas tij procedura e pranimit për Kosovën do të nis të hënën e 24 prillit duke u bazuar në marrëveshjen franko-gjermane.

Për këtë ai ka thënë se nisja e procedurës se  pranimit të Kosovës në Këshillin e Evropës është dëshmi se zbatimi i atij planit evropian ka nisur.

“Zbatimi I planit evropian duhet të ndalet derisa të shkaktohet dëmi i pariparueshëm për interesat kombëtare të Serbisë dhe derisa Kosova të bëhet anëtare e OKB-së dhe e vetmja mënyrë për ta ndalur këtë është referendumi për refuzimin e marrëveshjes franko-gjermane”, ka thënë Jeremiq

Sipas tij këtë të hënë në Strasburg do të mbahet takimi i Komitetit të Ministrave të vendeve anëtare të Këshillit të Evropës, ku do të shqyrtohet pranimi i Kosovës në KiE.