Presidenti italian Mattarella viziton Tiranën

Presidenti i Italisë Sergio Mattarella do të zhvillojë një vizitë zyrtare 2 ditore në Shqipëri. Pas mbërritjes së tij një ditë më parë në vendin tonë, Mattarella sot do të pritet nga kreu i shtetit Bajram Begaj me ceremoni shtetërore në Pallatin e Brigadave në orën 10.00.

Pas takimit, mes dy Presidentëve do të ketë një deklaratë për median e dy homologëve. Gjatë kësaj vizite Presidenti Mattarella do të zhvillojë takime edhe me zyrtarë të lartë të shtetit shqiptar.

Mattarella mbërriti dje në vendin tonë dhe u prit në aeroportin ndërkombëtar ‘Nënë Tereza’, ministrja e Arsimit, Evis Kushit dhe ambasadori italian në vendin tonë, Fabrizio Bucci.

Në vizitën e tij, Mattarella shoqërohet nga Ministrja e Universitetit dhe Kërkimit Shkencor Maria Cristina Messa.

…

Presidenti i Italisë pritet me ceremoni nga homologu shqiptar, nis takimi Sergio Mattarella – Bajram Begaj

Presidenti i Italisë Sergio Mattarella u prit me ceremoni

Presidenti i Italisë Sergio Mattarella u prit me ceremoni në Pallatin e Brigadave nga presidenti shqiptar Bajram Begaj, ku më pas nisën takimin zyrtar. Pas takimit pritet të mbahet një konferencë e përbashkët për shtyp e dy presidentëve.