Pse disa njerëz nuk e pranojnë kurrë se e kanë gabim: Psikologët shpjegojnë se si të silleni me njerëz të tillë…

Çfarë duhet bërë me njerëzit që patjetër duhet të kenë gjithmonë të drejtë?

Arsyet pse dikush nuk mund të pranojë se e ka gabim thjesht sillen nga mungesa e vetëdijes deri te çrregullimet serioze të personalitetit.Nëse keni një person në jetën tuaj që duhet të ketë gjithmonë të drejtë, me siguri një komunikim i tillë është i lodhshëm për ju dhe do të dëshironit të gjenit një zgjidhje.Të kuptuarit pse dikush e bën këtë, çfarë e shtyn dhe çfarë e motivon atë, është hapi i parë.Frika është një nga arsyet më të zakonshme pse njerëzit në momentin e duhur nuk mund të pranojnë kur gabojnë. Shqetësimi në lidhje me dëmtimin e reputacionit dhe besueshmërisë së tyre e prish vetëdijen dhe pranimin e tyre për faktin se ata e kanë gabim – thotë Siddart Kumar, ekspert i lidhjeve dhe marrëdhënieve midis njerëzve.Ndonjëherë njerëzit bien viktimë e imazheve joreale dhe jopraktike për veten. Ky imazh i rremë rezulton në pamundësinë për të pranuar faktin se ata nuk kanë gjithmonë të drejtë, transmeton Telegrafi.Njerëzit që e kanë të vështirë të pranojnë se e kanë gabim, në fakt e kanë të vështirë ta shohin realitetin përtej vetvetes. Shumë prej tyre janë të pasigurt, kanë ego të fortë dhe kanë frikë se do të duken budallenj.Gjithashtu, njerëzit që kanë nevojë për ndihmë për të pranuar gabimet e tyre nuk kanë një bazë të mirë, janë të paqëndrueshëm.Kur jemi të mbërthyer në personalitetin tonë, atëherë nuk kemi akses të plotë në mençurinë tonë të brendshme dhe për këtë arsye mbetemi në frikë, ndërsa më pas faji vështirë pranohet.Një nga arsyet më toksike pse njerëzit nuk mund të pranojnë se e kanë gabim është mungesa e vetëdijes, sipas psikologut Blair Nicole Nastasi.Njerëzit të cilëve u mungon vetëdija mund të kenë vështirësi në vetë-reflektim të thellë. Pa këtë vëzhgim, ata mund të mos kuptojnë se si veprimet e tyre ndikojnë tek të tjerët, duke çuar në një sërë sjelljesh toksike. Arsyet e tjera që njerëzit nuk mund të pranojnë se e kanë gabim përfshijnë turpin dhe mbrojtjen, perfeksionizmin dhe shmangien e konflikteve, shpjegon Nastasi.Mund të jetë për manipulim dhe një ego të fortë.Disa njerëz me qëllim luajnë lojëra mendore për t’ju manipuluar dhe kontrolluar. Gjithashtu, njerëzit me një ego të ngurtë nuk mund të pranojnë asnjë informacion që kundërshton besimet e tyre para-ekzistuese, thotë Gloria Braim, terapiste. Ka edhe narcistë që duhet të fitojnë çdo argument, pavarësisht fakteve të përfshira, shton ajo.