Rezolutë për Iranin, Rama: Javën e ardhshme e shpallim sponsor të terrorizmit

Javën e ardhshme Shqipëria do të votojë një rezolutë që Republika Islamike e Iranit të shpallet shtet sponsor të terrorizmit, bëri me dije kryeministri Rama në konferencën për shtyp. Njëkohësisht Garda Revolucionare e Iranit dhe Hezbollahu do të shpallen organizata terroriste.

“Javën që vjen parlamenti i Shqipërisë do të ftohet të votojë një rezolutë për ta shpallur Republikën Khomeiniste të Iranit, unë me gojë nuk e them dot, islamike, sepse ajo republikë s’ka asnjë lidhje me islamin sipas asaj që unë di dhe çmoj tek islami, shtet sponsor të terrorizmit. Bashkë me këtë, do të shpallet organizatë terroriste Garda Revolucionare e Iranit dhe Hezbollahu, që të dyja”, tha Rama.