SHBA s’ka probleme me qytetarët e Kosovës, por me Kurtin dhe qeverinë

Analisti politik Shkëlzen Maliqi vlerëson se deklarata e fundit e ambasadës së SHBA-së lidhur me masat e ndërmarra nga kryeministri i Kosovës Albin Kurti për mbylljen e zyrave në sistemin serb ishte disi më e ashpër se zakonisht, por megjithatë vëren se amerikanët gjithmonë kanë thënë se nuk kanë mosmarrëveshje në marrëdhëniet me Kosovën dhe popullin e saj, por eshte kryeministri Kurti ai që po i shqetëson apo po i pengon proceset.

Edhe pse Kurti ndonjëherë thotë në fushatë se Amerika është partneri strategjik i Kosovës, Maliqi u shpreh se ai kete duhet ta tregojë jo me fjale por me vepra.

“Tani jemi në pritje të rezultatit të zgjedhjeve, kështu që do të shohim nëse situata do të ndryshojë. Është e sigurt që disa njerëz që kanë dalë nga opozita, si Bedri Hamza dhe Lumir Abdixhiku, janë shumë më proamerikanë dhe e kuptojnë situatën më mirë se Kurti. Nëse dikush me ndjenja anti-amerikane votohet sërish, çfarë atëherë? Pastaj një pjesë e fajit do bie mbi njerëzit, ndaj duhet të jemi të kujdesshëm”, tha Maliqi.

Persa i përket presidentes së Kosovës Vjosa Osmani, ai u shpreh se nuk ishte ajo që bëri që Kosova të ketë marrëdhënie të këqija me Amerikën, por na kujton se në fillim të mandatit të saj i qëndroi pranë Kurtit pasi siç tha analisti I njohur, të dy ata si binjakë siamezë, mbështetën njëri-tjetrin për të ardhur në pushtet. Osmani, megjithatë, thekson se është e përkushtuar për një politikë tjetër, për të përmirësuar marrëdhëniet me SHBA-në.