Shfaqet një version i ri i COVID që po alarmon botën

Një version i ri i omicron është përhapur në SHBA, sipas të dhënave më të fundit nga Qendrat për Kontrollin dhe Parandalimin e Sëmundjeve.

Nënvarianti i omicron, i quajtur XBB.1.5, ka ngritur shqetësime për një valë tjetër të mundshme të rasteve me Covid pas sezonit të ngarkuar të udhëtimeve të pushimeve.

Nuk është ende e qartë se nga erdhi ky version i omicron, por duket se po përhapet me shpejtësi.

Nuk ka asnjë indikacion që shkakton sëmundje më të rëndë se çdo virus tjetër omicron, tha për NBC News Dr. Barbara Mahon, drejtore e Divizionit të Coronavirus dhe viruseve të tjera të frymëmarrjes në CDC.

“Ne po shohim që shtrimet në spital janë rritur në përgjithësi në të gjithë vendin,” tha ajo. “Ata nuk duket se po rriten më shumë në zonat që kanë më shumë XBB.1.5.”

Mesatarja shtatëditore e shtrimeve ditore të Covid në spital arriti në 42,140 të Premten, një rritje prej 4.2% nga dy javë më parë,  sipas një raporti të NBC News .

Mesatarja shtatëditore e pranimeve ditore në njësinë e kujdesit intensiv është rritur gjithashtu në 5,125 në ditë, një rritje prej më shumë se 9% nga dy javë më parë