Connect with us

Bota

Shikoni çfarë do të ndodhë me këta të çmendur/ Trump paralajmëron sulme të mëdha kundër Iranit

Presidenti i Shteteve të Bashkuara të Amerikës, Donald Trump, ka bërë një postim në rrjetin social Truth Social, ku paralajmëron për një veprim të mundshëm të madh kundër Iranit.

Trump përdor një gjuhë të ashpër ndaj regjimit iranian dhe bën thirrje që të ndiqen zhvillimet që pritet të ndodhin gjatë ditës.

“Shikoni çfarë do të ndodhë sot me këta të çmendur. Ata kanë vrarë njerëz të pafajshëm në mbarë botën për 47 vjet dhe tani unë, si Presidenti i 47-të i Shteteve të Bashkuara të Amerikës, po i vras ata. Çfarë nderi i madh është ta bëj këtë”, shkruan Trump në postimin e tij.

Ai shton gjithashtu se, sipas tij, Shtetet e Bashkuara po shkatërrojnë plotësisht regjimin iranian në disa drejtime.

“Po shkatërrojmë plotësisht regjimin terrorist të Iranit, ushtarakisht, ekonomikisht dhe në çdo mënyrë tjetër”, thekson ai.

Trump: Mojtaba Khamenei u plagos, por është gjallë

1773092514_donaldtrump.JPG

Duke komentuar mbi shëndetin e Udhëheqësit të ri Suprem të Iranit, Mojtaba Khamenei, Presidenti Donald Trump tha se ai ishte “plagosur, por është gjallë”.

“Është plagosur, por mendoj se ndoshta është gjallë në një farë mënyre”, tha Trump gjatë një interviste.

Mojtaba Khamenei i cili mbeti i plagosur në sulmin amerikano-izraelit të 28 shkurtit, – nuk është shfaqur në publik që nga fillimi i luftës.

Vritet ushtari francezi në Irak, Macron: E pajustifikueshme

Presidenti francez Emmanuel Macron njoftoi se një ushtar u vra “gjatë një sulmi” në rajonin e Erbilit të Kurdistanit irakian, teksa gjashtë të tjerë u plagosën.

“Marshali Arnaud Frion i Batalionit të 7-të vdiq për Francën gjatë një sulmi në rajonin e Erbilit”, shkroi ai, duke shtuar se lufta nuk mund të justifikojë sulme të tilla”.

…

Departamenti i Thesarit i SHBA-së ka njoftuar se po ndërmerr hapa për të lehtësuar më tej sanksionet ndaj naftës ruse pas rritjes së çmimeve për shkak të konfliktit në Lindjen e Mesme.
Ky veprim do të lejojë shitjen e naftës bruto dhe produkteve të naftës ruse të ngarkuara tashmë në anije deri më 11 prill.
Sekretari i Departamentit të Thesarit, Scott Bessent, tha se kjo ishte një masë e përkohshme për të “promovuar stabilitetin në tregjet globale të energjisë” gjatë luftës.
“Kjo masë afatshkurtër zbatohet vetëm për naftën që është tashmë në tranzit dhe nuk do të ofrojë përfitime të konsiderueshme financiare për qeverinë ruse”, tha Bessent.
Çmimet e naftës u rritën përsëri mbi 100 dollarë për fuçi të enjten, tregjet e aksioneve ranë pasi tre anije të tjera mallrash u goditën në Gjirin Persik dhe udhëheqësi i ri suprem i Iranit u zotua të vazhdojë të bllokojë Ngushticën e Hormuzit – një rrugë kyçe transporti detar përmes së cilës zakonisht kalon rreth një e pesta e naftës botërore.
“Rritja e përkohshme e çmimeve të naftës është një përçarje afatshkurtër dhe e përkohshme që do të rezultojë në një përfitim të madh për kombin dhe ekonominë tonë në planin afatgjatë”, shtoi Bessent.
Ndërkohë një seri shpërthimesh tronditën ndërtesat në Dubai dhe një re e madhe tymi u ngrit mbi një zonë qendrore të qendrës financiare të Lindjes së Mesme. Sirenat u dëgjuan në zonën e Rrugës Sheikh Zayed, autostradës kryesore të qytetit të Emirateve të Bashkuara Arabe.
Teherani ka kërcënuar të godasë institucionet ekonomike, duke bërë që disa kompani të evakuojnë stafin e tyre. Deri më tani, aeroporti i Dubait, një nga më të mëdhenjtë në botë, është shënjestruar vazhdimisht, si dhe porti dhe pronat luksoze të tij, përfshirë Palm.

Related Topics:
Advertisement