Si marionetë, Vuçiç komandohet të pranojë Kosovën

“Aleksandër Vuçiç shet tulla në Pekin, por për serbët… Dhe e bën për të njëqindtën herë. Ajo që duket si admirimi i Vuçiçit për Vladimir Putinin, në fakt është vetëm një maskim për audiencën në Serbi. Synimi final ky është” – Kështu komentoi për median serbe ‘Danas’, Zdravko Ponosh, lider i partisë ‘Srbija Center.’ Duke përmendur deklarimin e Vuçiç nga Pekini, se Vladimir Putini është mire dhe se ai po shpërthen nga vetëbesimi, Ponosh u shpreh se “Vuçiç e admiron Putinin për shkak të mënyrës së qeverisjes, por edhe sepse kjo tani I duhet për ta theksuar para zgjedhjeve dhe se shfaqja e tij shërben për të shpërqendruar vëmendjen. Sipas Zdravko Ponosh, Aleksandër Vuçiç po përgatitet për lëvizjen përfundimtare në dorëzimin e Kosovës. “I ashtuquajturi Fundi i Vuçiçit”, në historiografinë serbe do të marrë emrin dhe vendin që i takon. Pas dështimit të planit terrorist në Banjska, ai u detyrua të ngjeshet në një qoshe. Ka çmimi për ta tërhequr atë nga cepi, sepse dikush do të bëj tregti me të, dhe ajo është njohja e Kosovës, në një mënyrë apo në një tjetër. Nga Vuçiç kërkohet bashkëpunim urgjent dhe pa kushte përsa i përket Kosovës. Kjo mundësi e artë për Perëndimin nuk do të humbasë. Pastaj do kërkohet kthimi i Listës Serbe në arkitekturën e qeverisë së Kurtit. Do vazhdojë me obligimin e serbëve për të marrë pjesë në zgjedhjet e Veriut, pa mbajtur kusht asociacionin, kusht ky që ka startuar. Por problem është se tani Albin Kurti po dëshiron ta poshtërojë më tej Vuçiçin, duke e parë të futur deri në mes në baltë” – deklaroi lideri i partisë ‘Srbija Center.’. Sipas tij, Një tjetër shtrëngesë që do ti bëhet presidentit serb, është që ai ta pranojë Kosovën në organizatat ndërkombëtare dhe urgjentisht. Pa njohje formale sepse as që është e nevojshme të zhbllokohet rruga e Kosovës drejt anëtarësimit në NATO. “Në bisedimet që Vuçiç ka pasur ditë më parë në Beograd, atij i është dhënë afat deri më 22 tetor, me mirëkuptimin se sigurisht që do mendojë për të ardhmen e tij. Nëse është dakord me gjithçka, atëherë Vuçiç mund t’i bëjë zgjedhjet e dhjetorit në stilin e tij dhe nuk do të krijohen “ngecje” nga ana e Perëndimit. Është e pabesueshme se sa lehtë ai po e shet Kosovën si të shiste tulla, popullit të tij dhe aktorëve të jashtëm. Por tani vjen fundi. Se per sa kohë akoma do t’i shesë tulla serbëve,  varet nga populli. Ndoshta deri në dhjetor” – theksoi Zdravko Ponosh.