Si ndikon klori i pishinës në trupin tuaj

Edhe pse është një nga aktivitetet e preferuara gjatë verës, noti në pishinë mund të ndikojë në trupin tuaj.

Dihet se uji i klorur vret mikrobet në pishinë, siguron higjienë më të mirë dhe mbron nga infeksionet e mundshme, megjithatë, dezinfektuesi kimik mund të shkaktojë ende disa efekte të padëshiruara.

Lëkurë e thatë dhe e irrituar

Lëkura e thatë shpesh mund të shkaktohet nga prania e klorit dhe kimikateve të tjera në ujë. Deri më tani, nuk ka raste të njohura të alergjisë ndaj klorit, megjithatë, lëkura mund të jetë ende jashtëzakonisht e ndjeshme, gjë që çon në reaksione të tilla si:

• lëkurë të thatë,
• kruarje,
• aknet,
• skuqjet.

Nëse lëkura juaj është e ndjeshme dhe problematike, është e rëndësishme të dilni nga pishina dhe të jeni të kujdesshëm nëse vëreni ndonjë ndryshim.

Flokë të thatë

Përveçse është i dëmshëm për lëkurën, klori nuk është i përshtatshëm as për flokët. Uji i klorur largon vajrat që mbrojnë lëkurën e kokës, gjë që mund t’i bëjë flokët tuaj të thatë dhe të prirur për t’u thyer.

Gjithashtu, klori zbërthen proteinat në flokë, gjë që bën që flokët të thyhen më lehtë. Përveç kësaj, klori mund të ndriçojë flokët.

Problem me frymëmarrjen

Klori i lëshuar në ajër mund të jetë i dëmshëm për sistemin e frymëmarrjes. Përqendrimi i lartë i klorit në pishina dhe ambiente të brendshme të paajrosura mund të çojë në probleme të tilla si:

• kollë,
• astmë,
• rrjedhje e hundëve,
• irritimi i syve.

Klori në kombinim me kimikate të tjera mund të shkaktojë kruajtje, sy të thatë, lotim të syve dhe probleme me shikimin.

Problemet më së shpeshti shfaqen te njerëzit që notojnë rregullisht në një pishinë me ujë të klorur. Prandaj, është e rëndësishme t’i kushtoni vëmendje efekteve anësore dhe sigurohuni t’i përgjigjeni ndryshimeve.