Socialistët e Shkodrës”përkëdhelin” me këngë Spiropalin

SHKODER- Dega lokale e Partisë Socialiste në Shkodër i ka dedikuar një pritje të ngrohtë ministres së shtetit për marrëdhëniet me Parlamentin, Elisa Spiropali. Në disa pamje të siguruara nga Dosja, shihet se ministrja kërcen krah përfaqësuesve lokalë të PS në Shkodër, ndërsa nuk mungon as Benet Beci, deputet i qarkut. Të dy, Beci e Spiropali janë bërë pjesë e valles, por mysafirja speciale ka qenë Spiropali. E zgjedhura e Ramës si drejtuese politike e qarkut ka marrë një personalizim të këngës që u këndua në festë, ku në vargje thuhej:

“Bilbila paqe, gjyle sa e bukur je. Hajde. Opa. Hajde Tirana hajde, bravo… O paske qenë, Elisa sa e bukur je. Elisa sa e bukur je”.

Kaq ka mjaftuar dhe situata është bërë edhe më relaksuese ku njëri prej socialistëve ka ftuar Spiropalin të kërcejë me të. Spiropali duket se ka vendosur të karikojë bazën e partisë 5 muaj para zgjedhjeve të 14 majit 2023. Edhe pse në Shkodër, qendra e PS ende nuk ka zgjedhur një emër që do të garojë përballë Bardh Spahisë./Dosja.al

Për më shumë ndiqni pamjet: