Studimi: Martesa dhe bashkëjetesa mbajnë sheqerin në gjak të ulët

Njerëzit që janë të martuar ose që jetojnë me një partner kanë më shumë gjasa të mbajnë sheqerin në gjak në nivele normale, pavarësisht se sa harmonike është bashkëjetesa e çiftit, sipas një studimi të ri ndërkombëtar.

Studimet e mëparshme kanë treguar se martesa dhe bashkëjetesa kanë përfitime të ndryshme shëndetësore, veçanërisht për të moshuarit. Gjithashtu se vetmia, izolimi social dhe në përgjithësi mungesa e mbështetjes sociale lidhen me rritjen e rrezikut të diabetit të tipit 2.

Cilësia e marrëdhënies nuk kishte rëndësi

Studiuesit nga Kanadaja dhe Luksemburgu, të udhëhequr nga Dr. Catherine Ford nga Universiteti i Luksemburgut dhe Universiteti Carleton në Otavë, të cilët bënë publikimin përkatës në revistën britanike për hulumtimin e diabetit “BMJ Open Diabetes Research & Care”, analizuan mbi një dekadë të.

Në këtë studim morën pjesë 3335 persona të moshës 50-89 vjeç pa diagnozë të diabetit në fillim të studimit. Pjesëmarrësve u matën në mënyrë periodike nivelet e sheqerit në gjak, ndërsa u vlerësuan edhe statusi i tyre familjar dhe faktorë të tjerë (të ardhurat, puna, duhanpirja, ushtrimet fizike, depresioni, pesha, rrjeti social etj).

U zbulua se të qenit i martuar ose nëse bashkëjeton zvogëlonte gjasat për diabetin, ndërsa ndarja/divorci ose humbja e partnerit për shkak të vdekjes rriste gjasat për prediabet ose diabet. Cilësia e marrëdhënies nuk dukej se luante aq shumë rol.