Stuhi dhe erërat e forta, rrëzohen disa pemë në Prishtinë

Era e fuqishme dhe shiu i rrëmbyeshëm që ka përfshirë disa rajone të Kosovës ka shkaktuar edhe dëme. Në Prishtinë janë rrëzuar disa pemë në rrugën “Luan Haradinaj”, përballë stacionit policor.

Vendi është rrethuar me shirita, teksa nuk dihet nëse ka persona të lënduar. Pemë si pasojë e motit të ligë janë rrëzuar edhe në rrugën “Agim Ramadani”.

Në Çagllavicë janë dëmtuar shtyllat e ndriçimit publik. Mot i ngjashëm si në Prishtinë po mban edhe në disa qytete tjera si: Gjakovë, Rahovec e Ferizaj.