Thyhen posterat e Safet Gjicit, kandidati: Kundërshtarët

Posterat ku shfaqej kandidati i Partisë Socialiste në Kukës, Safet Gjici, janë thyer. Kjo është bërë vetë publike nga Gjici, i cili ka ndarë pamjet nga posterat që janë thyer nga persona të paidentifikuar.

Kjo ngjarje është bërë publike dhe denoncuar nga Granit Gjana përfaqësues i Partisë Socialiste Kukës, i cili shfaqet pranë posterit. Ndërsa vetë Gjici, përmes një postimi të bërë në rrjetin social, shkruan se ky akt është kryer nga kundërshtarët e tij politik.

“Mendonim se u ka humbur vetëm vula, por me veprimet e tyre ata kanë humbur çdo element demokratik të një lufte politike dhe të përballjes në konkurrimin për qytetarin e parë të Kukësit”– thotë ndër të tjera Gjici.

Në emër të Partisë Socialiste, Gjici kërkon që të marrin fund këtë veprime.

REAGIMI:

Siç e shikoni, kundërshtarët tanë në këtë përballje, jo vetëm që nuk kanë mundësinë, por as ndonjë gjë tjetër përveç këtyre akteve vandale se çfarë t’iu ofrojnë qytetarëve të Kukësit. E vetmja gjë që ata manifestojnë në këtë përballje është e shkuara e veprave të tyre, që janë shkatërrimi.

Me këto veprime, nuk besoj se qyetarët kuksian jo që nuk besojnë, po as nuk mund të shpresojnë për një fytyrë tjetër. Janë ata që kanë qenë me të njëjtat qasje, sjellje dhe risi. Mendonim se u ka humbur vetëm vula, por me veprimet e tyre ata kanë humbur çdo element demokratik të një lufte politike dhe të përballjes në konkurrimin për qytetarin e parë të Kukësit.

Do ju kërkoja në emrin tim dhe të Partisë Socialiste Kukës nëpërmjet kësaj deklarate që jo vetëm të ndalonin këto aktet, por dhe të distancohen nga këto sjellje. Është momenti që të tregojmë vlerat dhe qytetarinë që na karakterizon ne qytetarëve kuksian dhe mos ti bëni pis me akte të tilla qytetarët dhe qytetarinë tonë krenare.
Ne socialistët me qasjen dhe sjelljen tonë në këto zgjedhje, përveç risive dhe ndryshimeve madhore të Kukësit, do vazhdojmë të jemi ndryshe.

Përballë këtyre akteve slogani jonë jo vetëm që është i arrirë po merr akoma dhe më shumë vlera. Në do vazhdojmë të mbjellim për të ndryshuar gjithëka edhe kotë veprime vandale të vulëhumburve.