Trazira në Bruksel

Humbja e kombëtares belge të futbollit 2-0 ndaj Marokut në Kupën e Botës që po zhvillohet në Katar, ka nisur një luftë të vërtetë urbane në qendër të Brukselit.

Dhuna shpërtheu pasi qindra njerëz u mblodhën në qendër të qytetit për të festuar fitoren e Marokut.

Sipas dëshmitarëve, grupe personash kanë reaguar me zemërim duke sulmuar makinat dhe dyqanet, duke shkaktuar kështu reagimin e policisë, e cila përdori gaz lotsjellës dhe pompa uji me presion për të shpërndarë turmën.