Tritol në jaht në mes të detit/ Hoxha: Ja pse u kërkua vrasja e Edmond Hysës në Greqi

Gazetari Artan Hoxha ka nxjerrë detaje të reja mbi personin që mbeti i plagosur në atentatin e 15 dhjetorit në Athinë, ku humbi jetën 47-vjecari Irakli Davella. Në fjalën e tij në “Euronews”, gazetari Artan Hoxha foli për të plagosurin Etmond Hysa. Sipas tij, ky i fundit i shpëtoi një shpërthimi në jaht.

Po sipas gazetarit, Hyso, i cili njihet edhe si Edi Lulo është një personazh i lidhur me grupet më të fuqishme të narkotrafikut në Athinë.

“Ngjarja e 15 dhjetorit në Athinë, atentati ndaj Irakli Davellës dhe sidomos ndaj Edmond Hysës i cili ka marrë një plumb në bark dhe një në kokë. Këto lloj të shtënash janë nga komando. Aty u tha Lulo por në fakt është Edmond Hysa, një personazh shumë i rëndësishëm. Në verë këtij personi i është bërë një atentat dhe ka dështuar. I është vendosur eksploziv në jahtin që kishin marrë me qera 13 veta, miq që kishin ardhur nga Dubai në Vlorë. Eksplozivi është vendosur në momentin që jahti ka qenë në furnizim dhe kur ata kanë dalë në det është aktiviuzuar shpërthimi. Për fatin e tyre të mirë kapsolla ka lëvizur nga eksplozivi dhe ka shpërthyer vetëm kapsolla dhe ata janë hedhur në det dhe kanë qëndruar disa orë deri sa ka ardhur dikush që i ka ndihmuar dhe i ka nxjerrë në breg. Ky është një personazh i lidhur me grupet më të fuqishme të narkotrafikut të viteve të fundit por skuadrën më të fortë të tij të qitsave ai e ka pasur në Athinë. Ju kam thënë vitet e fundit se vrasësit më të ashpër dhe gjakatarë vijnë nga Greqia,”-tha gazetari Artan Hoxha.