Trupi i pengut izraelit gjendet pas disa muajsh/ Netanjahu: Do të rikthejmë në Izrael si të gjallët ashtu edhe të vdekurit

Kryeministri i Izraelit Benjamin Netanyahu ka deklaruar se trupi i pengut izraelit Ilan Weiss është gjetur dhe është kthyer në vend.

Operacioni gjithashtu ktheu eshtrat e një pengu tjetër, emri i të cilit nuk është bërë ende i ditur, tha kryeministri izraelit, duke shtuar se trupat po shqyrtohen nga ana mjeko-ligjore.

Netanyahu tha se Weiss u vra nga Hamasi gjatë sulmeve të 7 tetorit 2023 dhe trupi i tij u rrëmbye. Gruaja dhe vajza e tij u rrëmbyen gjithashtu dhe u liruan nga robëria në nëntor 2023.

“Së bashku me të gjithë qytetarët e Izraelit, unë dhe gruaja ime u shprehim ngushëllimet tona të sinqerta familjeve të dashura dhe ndajmë dhimbjen e tyre të madhe”, tha Netanyahu.

“Fushata për kthimin e të rrëmbyerve vazhdon pa u ndalur, ne nuk do të pushojmë dhe as nuk do të heshtim derisa t’i kthejmë të gjithë të rrëmbyerit në shtëpi – si të gjallët ashtu edhe të vdekurit”, tha ai.