U LODHEM me Kosovën e Serbinë, tani nuk janë më prioritet për SHBA

“Nuk vura re që gjatë fushatës presidenciale në Amerikë të përmendej qofte edhe nje here te vetme Serbia, Kosova apo gjithë rajoni I Ballkanit Perendimore. Është e vështirë për mua të imagjinoj se keto te treja mund të bëhen çështje prioritare, teksa ka kaq shume ngjarje të turbullta në botë” – keshtu u shpreh Philip Ricker, ish-zëvendësndihmës sekretari amerikan i shtetit, i cili bashke me ambasadorit aktual të SHBA në Beograd, Christopher Hill, ishte i ftuar në konferencën për Politikat e Sigurisë qe u zhvillua ne Beograd.

Edhe pas largimit nga Departamenti i Shtetit, Ricker ende ndjek me vëmendje të konsiderueshme ngjarjet në rajon dhe Serbi. Për median serbe Radar, ai ka folur ndër të tjera për ngërçin aktual në negociatat ndërmjet Beogradit dhe Prishtinës, qëndrimin e presidentit të ardhshëm amerikan Donald Trump ndaj Ballkanit Perëndimor, si dhe perspektivën evropiane të rajonit.

“Nuk jam i sigurt nese organizimi I ndonje lloj Konference Nderkombetare do të sillte ndonje ndryshim në marredheniet mes Kosoves dhe Serbise. Mendoj se nuk është shumë e mençur të organizosh një ngjarje të tillë ndërkombëtare nëse nuk je i bindur se mund të arrihet diçka konkrete. Dhe ky është veçanërisht rasti kur kemi paralelisht kaq shumë çështje të tjera të mëdha aktuale në nivel global”- deklaroi Ricker.

I pyetur nese mendon se zgjidhja e problemit të Kosovës do t’i krijonte një mundësi administratës Trump për të krijuar një komunikim më të mirë me Bashkimin Evropian, gjë që ishte e vështirë gjatë mandatit të tij të parë, ish-zëvendësndihmës sekretari amerikan i shtetit tha se pyetja është vetëm një pjesë e vogël e marrëdhënieve SHBA-BE dhe se ka shumë sfida të mëdha përpara tyre ku duhet të përqendrohen.