“Unë jam ajo trapja Meloni”, kryeministrja italiane takon presidentin e Campania pasi e fyeu

“President De Luca, unë jam ajo trapja Meloni. Si jeni?”. Me këto fjalë iu drejtua kryeministrja e Italisë, Giorgia Meloni, presidentit të rajonit të Campania, Vincenzo De Luca duke përshëndetur dhe duke i dhënë dorën.

Ndërsa, ai iu përgjigj: “Mirë se erdhe”.

Kjo ishte hera e parë që ata të dy takoheshin pasi në muajin shkurt presidenti i Campania Vincenzo De Luca, e quajti kryeministren italiane “trape” teksa fliste me disa gazetarë.

Deklarata e tij u bë në Romë, teksa  ai po fliste për çështjen e autonomisë lokale dhe zhbllokimin e disa fondeve.