Vulin merr guximin për t’i reaguar Bundestagut gjerman

Ish-kreu i agjencisë së inteligjencës dhe themeluesi i Lëvizjes Socialiste, Aleksander Vulin, tha se kryetari i Komisionit të Punëve të Jashtme të Bundestagut gjerman, Michael Roth, “do të dëshironte të kishte një komandant pushtues në Serbi I cili do të përcaktonte rezultatet e zgjedhjeve”.

Vulin, partner koalicioni për një kohë të gjatë i Aleksander Vuçicit dhe deri vonë drejtor i Agjencisë së Sigurisë dhe Informacionit, i cili është në listën e sanksioneve të SHBA-së për shkak të lidhjeve me Rusinë, tha se “BE-ja, sipas Roth, e paska detyrimin të ndërhyjë në punët e brendshme të vendeve që duan të anëtarësohen në Bashkimin Evropian”.

“Kjo është një tjetër provë pse Serbia nuk duhet të hyjme në BE, në BRICS askush nuk ndërhyn në marrëdhëniet e brendshme të askujt” –  tha Vulin në përgjigje të një interviste të Mihael Roth në gazetën Nova.

Roth deklaroi se për shumë evropianë të përkushtuar dhe miq të Ballkanit Perëndimor, presidenti serb Aleksander Vuçiç dhe regjimi i tij nuk janë më një partner i besueshëm dhe se “nuk ka vend ne Unionin Europian për shërbëtorët e presidentit rus Vladimir Putin”.

Serbia ka qenë një kandidat për anëtarësim në Bashkimin Evropian që nga viti 2012. Megjithatë, në shtator të vitit 2023, nga radhët e partisë së Vulin-it, në Parlament u dërgua një propozim për një rezolutë për anëtarësimin e Serbisë në BRICS, një grup i përbërë nga Brazili, Rusia, India, Kina dhe Republika e Afrikës së Jugut.