Weber: Një ndryshim i qasjes së Perëndimit ndaj Serbisë do të ishte i mirëpritur, por s’po e shohim

Afër 60 politikanë europianë dhe amerikanë kërkuan në korrik qasje më të ekuilibruar të Perëndimit në marrëdhëniet me Kosovën dhe Serbinë.

Bodo Weber, analist politik dhe bashkëpunëtor i lartë në Këshillin e Politikave të Demokratizimit në Berlin, duke folur për qasjen e perëndimit ndaj Serbisë në lidhje me marrëdhëniet me Kosovën dhe teksa ka komentuar letrën e afro 60 politikanëve europianë dhe amerikanë dërguar Sekretarit amerikan të Shtetit, shefit të politikës së jashtme të BE-së dhe sekretarit të jashtëm të Mbretërisë së Bashkuar, tha se nuk është optimist, se ky ndryshim do të ishte i mirëpritur, por për fat të keq, nuk shihet në horizont

Në letrën e korrikut, ligjvënësit e SHBA-së dhe BE-së kritikuan Vuçiçin për lidhjet e ngushta dhe mbështetjen ndaj Milorad Dodik, presidentit nacionalist të Republika Srpskas në Bosnjë e Hercegovinën fqinje. Dodik është sanksionuar nga Shtetet e Bashkuara për “minimin e marrëveshjeve të paqes të Dejtonit”, një marrëveshje e sponsorizuar nga SHBA që i dha fund luftës në Ballkan në vitet 1990.

Një tjetër pengesë për marrëdhëniet më të mira midis Beogradit dhe Perëndimit është qëndrimi pro-rus i shefit të spiunazhit serb Aleksandar Vulin, i cili është sanksionuar nga Shtetet e Bashkuara për përfshirje të dyshuar në dërgesat e paligjshme të armëve, trafikun e drogës dhe keqpërdorimin e posteve publike.