Zgjidhet kreu i SPAK/ Reagon ambasadorja e BE-së

Ambasadorja e Bashkimit Evropian në Tiranë, Christiane Hohmann ka komentuar zgjedhjen e Altin Dumanit në krye të Prokurorisë së Posaçme. Me anë të një postimi në Twitter, Hohmann shkruan se efektiviteti i SPAK është thelbësor në suksesin e Reforës në Drejtësi. Po ashtu ajo ka shprehur vlerësim për punën e bërë nga Arben Kraja ne këto tre vite në krye të SPAK.

Postimi i Plotë:

Mirëpres zgjedhjen nga Këshilli i Lartë i Prokurorisë të zotit Altin Dumani si Kryetar i ri i SPAK. Urime! Shpreh vlerësimin tim të lartë për z. Arben Kraja për punën e bërë gjatë tre viteve të fundit. Një SPAK efektiv është thelbësor për suksesin e reformës në drejtësi.

https://twitter.com/EUAmbAL/status/1603799059617177601?ref_src=twsrc%5Etfw%7Ctwcamp%5Etweetembed%7Ctwterm%5E1603799059617177601%7Ctwgr%5Ecc1f6339c3bbadfc8b3ce10b7aeca2d35ee69d3c%7Ctwcon%5Es1_&ref_url=https%3A%2F%2Fdosja.al%2Fpolitike%2Fzgjedhja-e-kreut-te-spak-ambasadorja-e-be-se-prokuroria-efektive-eshte–i265531

Altin Dumani është zgjedhur kreu i ri i Prokurorisë së Posaçme Kundër Korrupsionit dhe Krimit të Organizuar (SPAK), duke zëvendësuar Arben Krajën në këtë post. Dumani mori pesë vota nga procesi i votimit që u zhvillua në Këshillin e Lartë të Prokurorisë (KLP). Kandidati tjetër, Edvin Kondili mori 4 vota, ndërsa Adnan Xholi mori vetëm një votë.