Lifestyle

11 gabime që i bëni përditë në punë. Ja si mund t’i shmangni

Ju mund të mendoni se “punonjësi i përsosur” punon pa pushim, kontrollon vazhdimisht emailet dhe nuk pushon asnjëherë apo nuk merr pushimet. Por ky është perceptim i gabuar. Në fakt, njerëzit më të suksesshëm kanë prirjen ta dinë se kur të shkëputen, të relaksohen dhe të rifokusojnë energjitë. Kështu që, nëse po kërkoni rritje page, rritje në detyrë apo qoftë edhe disa fjalë të mira nga shefi, ja disa gabime që bëhen zakonisht e që duhet t’i korrigjoni. Shefi do ta vlerësojë shumë produktivitetin tuaj, ashtu sikurse dhe ju vetë.

Vonoheni

Edhe nëse shefi të lejon ta vendosësh vetë orarin, sërish duhet të synosh të shkosh herët në punë. Një studim i kohëve të fundit ka treguar se shefat kanë prirjen të vlerësojnë më shumë punonjësit që punojnë herët, duke i konsideruar më produktivë dhe më të ditur se sa ata që vijnë vonë. Edhe nëse punojnë të njëjtin numër orësh në ditë.

Gjëja e parë që bën, është të kontrollosh e-mailin

Duket sikur nuk ka kuptim, por ja që po të kontrollosh e-mailin që herët në mëngjes, ti i vë fre produktivitetit tënd, sipas ekspertes së menaxhimit të kohës, Julie Morgenstern. Të fillosh ditën duke iu përgjigjur 46966 e-maileve të vë menjëherë në gjendje stresi, dhe më vonë do të ta bëjë më të vështirë që të fokusohesh. “Kërkesat, ndërprerjet, surprizat e papritura dhe kujtesat bashkë me problemet nuk kanë fund”, thotë Morgenstern. Ekspertja rekomandon që të fillosh ditën me një detyrë të rëndësishme që kërkon fokus dhe më pas të kalosh te gjërat më të vogla, si përgjigja e e-maileve. “Shumë pak gjëra nuk mund të presin të paktën 59 minuta”, thotë ajo.

E-mailet i ke shumë të gjatë

Njerëzit super të suksesshëm përgjithësisht shmangin e e-maileve të gjatë, dhe kështu duhet të bësh edhe ti. Mendo pak se sa e-maile merr në ditë. Tani mendo se sa shumë e-maile të gjatë ke lënë të kalojnë pa i parë. Atëherë përse pret që të tjerët do të lexojnë e-mailet e tu të gjatë? Këshilla: Kufizoji e-mailet në pesë fjali, apo edhe më pak. Vetëm sigurohu që të jenë të gëzueshëm me qëllim që të mos dukesh si i/e pasjellshme.

Rri ulur në tavolinën tënde

Të rrish ulur, dhe jo në këmbë nuk është thjeshtë gjë e keqe për shëndetin. Në të njëjtën kohë të bën më pak të angazhuar dhe kreativ në punë. Një studim i ri i Olin Business School në Universitetin e Uashingtonit tregon se të qëndruarit në këmbë ndërkohë që janë angazhuar në një projekt grupi i bën punëtorët më kreativë, më entuziastë, më pak mbrojtës të ideve të tyre dhe më të gatshëm të bashkëpunojnë, se sa kur rrinë ulur. Një prej bashkautorëve të studimit, një profesor në Universitetin e Uashingtonit thotë se “nëse punon në një vend ku rri në këmbë, do të lëvizësh më shumë, dhe për këtë arsye do të aktivizohesh më shumë fizikisht. Trupi do të jetë “i ndezur”.

Përpiqesh të bësh shumë gjëra njëherësh

Me shumë gjasa, ndërkohë që lexon këtë shkrim, ke të hapura edhe gjashtë faqe të tjera interneti dhe je i bindur se të gjitha janë njësoj të rëndësishme. Dhe ndërkohë po bën një telefonatë. Dhe ndoshta po ha edhe drekë. Por studimet tregojnë se duhet që të fokusohesh në një sfidë me qëllim që ta bësh si duhet. Truri ynë mund të xhonglojë me lehtësi detyra të lehta e të vogla, por detyrat që kërkojnë fuqi reale të trurit kanë nevojë për përqëndrimin tënd të plotë. Kujtesa jote afatshkurtër nuk mund të përpunojë dy rrjedha të ndryshme informacioni njëkohësisht, dhe rezultati është që do të bësh një punë të keqe për të dyja detyrat. Kur lexon diçka ndërkohë që njëkohësisht përpiqesh t’u përgjigjesh e-maileve, për shembull, ti nuk do të mbash mend asgjë nga ajo që ke lexuar. Dhe nëse nuk e mban mend, nuk do të mundesh ta citosh si duhet më vonë.

Nuk mban shënim për ditën tënde

Ditarët nuk janë vetëm për adoleshentë të fiksuar pas fotove të vetvetes dhe Justin Bieberit. Janë edhe për ty. Nëse çdo ditë gjen pesë minuta kohë të shkruash çfarë ke mësuar, çfarë shkoi mirë dhe çfarë nuk shkoi dhe aq mirë gjatë ditës së punës, atëherë kjo do të të ndihmojë të çlirohesh disi nga stresi, të identifikosh zgjidhje për problemet dhe madje të arrish edhe në ide brilante që do të rrisin shumë profilin tënd në vendin e punës. Gjithashtu, kjo do të të kujtojë “stokun” e sukseseve të tu dhe jo të dështime, sipas Theresa Amabile, bashkëautore e “Parimi i progresit: përdorimi i fitoreve të vogla për të nxitur gëzimin, angazhimin dhe kreativitetin në punë”.

“Një prej arsyeve të mëdha për të mbajtur një ditar është që të regjistrosh fitoret e vogla që përndryshe do i rrëshkasin kujtesës tënde”, thotë Amabile. “Mund ta shfrytëzosh parimin e progresit dhe të lejosh që të shtysh veten përpara duke kuptuar që po bën progres. Dhe është e dobishme gjithashtu të regjistrosh edhe dështimet, pasi në të ardhmen të ndihmon të shmangësh pengesat për progresin tënd”.

Nuk del për “pushimin e lumtur”

Të gjithë kanë nevojë të çlirojnë stresin. Disa e bëjnë duke shkuar një orë në palestër. Të tjerë të hanë një akullore. Por për shumëkënd në një vend tipik të punës, çlirimi i stresit bëhet para një gote birrë të ftohtë në banakun e një lokali. Je apo nuk je pijedashës, duhet të mendosh që të shkosh në një lokal pas pune herë pas here, shkruan bota.al, tansmeton Klan Kosova. Është një shans i madh për takime dhe për t’u miqësuar me shokët e punës. Shmangia e aktiviteteve jashtë vendit të punës me kolegët mund të të bëjë të dukesh si dikush që nuk shkon me të tjerët. Dhe nuk është përshtypja që do të doje të lije në vendin e punës.

Nuk ke një hobi

Nxitja e interesave të tu krijues të bën në fakt një punonjës më të mirë, sipas një studimi të kohëve të fundit të Universitetit Shtetëror të San Franciscos. Shpenzimi i energjive mendore për dicka që nuk ka fare të bëjë me punën – një instrument muzikor, apo edhe thjeshtë një libër – të bën më shumë produktiv kur rikthehesh në zyrë. Në një deklaratë për shtyp, përgjegjësi i studimit tha se hobi kreativ i bën punonjësit të ndihen më të rifreskuar dhe produktivë ditën tjetër. Po kështu, pjesëmarrësit në studim ishin më kreativë dhe më të prirë të ndihmonin kolegët në punë.

Nuk merr pushime

Ti mund të mendosh se po tregohesh i ndërgjegjshëm dhe punëtor i madh kur shmang pushimet, por ti vetëm sa po i bën dëm vetes. Marrja e disa ditëve pushim të rikarikon bateritë dhe është po aq e mirë për produktivitetin dhe kreativitetin tënd në punë, sa është edhe për shëndetin. “Pushimet nxisin kreativitetin, ofrojnë një perspektivë të re për zgjidhjen e problemeve, përmirësojnë marrëdhëniet dhe rrisin produktivitetin”, thotë Dr Glenn D. Braunstein, zëvendës president i Cedars-Sinari. “Mund të të shpëtojë edhe jetën”.

As gjatë ditës nuk pushon

Në vitin 2012, vetëm 1 në 5 amerikanë hanin larg tryezave të punës në kohën e drekës, një tendencë që duket e përgjithshme. Por ndërprerja e herëpashershme e punës i bën punonjësit më produktivë dhe rrit fokusin. Edhe dalja për një shëtitje të shkurtër gjatë itës së punës mund të përmirësojë kujtesën dhe vëmendjen me 20 përqind, sipas një studimi të Universitetit të Michiganit. Ose nëse nuk të pëlqen, po të shohësh fotografi të natyrës mund të rikarikosh një tru të lodhur më mirë se sa duke mbushur një tjetër filxhan me kafe.

Po sakrifikon shëndetin dhe gjumin

Pas një dite të gjatë në punë, mund të mos kesh energji për të shkuar në palestër. Do vetëm të zhytesh në kolltuk me një pjatë me djathëra dhe të përpiqesh ta harrosh ditën e lodhshme me në një film. Ose e merr punën me vete në shtëpi dhe qëndron vonë, duke u përpjekur të fitosh pakëz avantazh për ditën tjetër. Sido që të jetë, po i bën dëm të madh vetes.

Të ngrënurit si duhet, ushtrimet dhe gjumi i mjaftueshëm janë të gjithë elementë që ndihmojnë në rritjen e produktivitetit të punonjësve. Ushtrimet rrisin kreativitetin dhe reduktojnë ndjenjat e stresit, që mund të shkaktojnë dëme në shëndet dhe ulje të produktivitetit. Dhe nëse ha ushqimet e gabuar, në shtëpi apo në drekë në punë, më vonë do të ndihesh letargjik dhe joproduktiv.

Sistemi i eliminimit të mbetjeve që ka truri ynë vihet në funksionim të plotë kur ti fle gjumë, duke e pastruar kështu mendjen në përgatitje për ditën tjetër. Dhe ndërkohë që ti fle, truri yt vepron si një ilaç mrekullish, duke forcuar kujtesën, riparuar qelizat, rregulluar metabolizmin dhe mësuar detyra të re motore. Të gjithë këto të rikarikojnë për në punë ditën tjetër – diçka që edhe shefi yt, edhe ti vetë do ta vlerësoni.

Related Topics:gabime keshilla lifestyle pune shendeti shmangie

Lifestyle

Mungesa e gjumit dhe lidhja e tij me depresionin/ Gjithçka që duhet të dini

Mungesa e gjumit është treguar se dëmton funksionin e sistemit imunitar. Shqetësimet e shëndetit mendor, të tilla si depresioni , janë të lidhura fort me cilësinë e dobët të gjumit dhe çrregullimet e gjumit.

Një studim me 2672 pjesëmarrës zbuloi se ata me ankth dhe depresion kishin më shumë gjasa të raportonin rezultate më të dobëta të gjumit sesa ata pa ankth dhe depresion.

Kur jemi të lodhur, aftësia jonë për t’u përqëndruar në detyrat, reflekset dhe kohën e reagimit zvogëlohet.

Qendrat për Kontrollin dhe Parandalimin e Sëmundjeve (CDC) raportojnë se 1 në 25 njerëz ka rënë në gjumë në timon gjatë vozitjes. Ata që flinin më pak se 6 orë kishin më shumë gjasa të binin në gjumë gjatë vozitjes.

Një studim i vitit 2018 zbuloi se njerëzit që flinin 6, 5, 4 ose më pak se 4 orë kishin një rrezik për të shkaktuar një aksident automobilistik që ishte përkatësisht 1.3, 1.9, 2.9 dhe 15.1 herë më i lartë. Ky studim sugjeron që rreziku juaj për një aksident automobilistik rritet ndjeshëm me çdo orë gjumi të humbur.

Në studime të tjera, njerëzit me çrregullime të gjumit gjithashtu raportojnë shkallë më të lartë të depresionit.

Nëse keni probleme me gjumin dhe vini re se shëndeti juaj mendor është përkeqësuar, është e rëndësishme të flisni me profesionistin tuaj të kujdesit shëndetësor.

Lifestyle

Ja çfarë i ndodh trupit gjatë fluturimit me aeroplan

Të marrësh pushim nga puna dhe jeta e përditshme për të udhëtuar është një mënyrë mjaft e mirë për ta rifreskuar mendjen dhe trupin, por nëse keni për të bërë një udhëtim të gjatë me aeroplan, atëherë duhet t’i dini disa rreziqe shëndetësore që shkaktohen nga fluturimi

Një infografikë e lëshuar nga Citybase Apartments tregon se çfarë ndodh saktësisht në trupin tuaj gjatë fluturimit.

Fryrje, të ftohtë, rrahje të parregullt të zemrës dhe një rritje të rrezikut të prishjes së dhëmbëve janë vetëm disa nga sëmundjet për të cilat duhet të përgatiteni para fluturimit tuaj të ardhshëm.

Grafika tregoi gjithashtu se të çoheni në këmbë dhe të bëni zgjatje gjatë fluturimit ndikon që të mos i përjetoni problemet e cekura.

Kjo thuhet në grafikë:

Goja: Atmosfera në kabinë do t’ju dehidratojë në mënyrë natyrale, dhe sigurisht, kjo përkeqësohet nëse pini alkool gjatë fluturimit.

Zemra: Disa udhëtarë mund të vuajnë nga ‘aritmia’, një çrregullim i rrahjes së zemrës. Kjo ndodh sidomos tek ata që kanë shtypje të lartë të gjakut ose që kanë konsumuar kafeinë shumë ose alkool.

Stomaku: Ngjashëm me mushkëritë, stomaku do të zgjerohet në shkallë të lartë, duke shkaktuar dhimbje abdominale dhe kapsllëk. Për ta evituar këtë, qëndroni larg pijeve me gaz.

Këmbët: Të qëndrosh ulur në pozitën e njëjtë për orë të tëra jo vetëm që është e parehatshme por edhe ndikon në formimin e mpiksjeve të gjakut. Një mpiksje mund të ndalojë rrjedhjen e gjakut në këmbë, duke shkaktuar ënjtje dhe zgjerim të venave.

Veshët: Duke u nisur aeroplani, ajri në veshë mblidhet, duke formuar një vakum. Nëse tubat ‘Eustachian’ në veshë bllokohen, shkakton dhimbje në timpanin e veshit.

Hunda: Keni 100 herë më shumë gjasa që të ftoheni gjatë një fluturimi. Kjo për shkak se kabinat janë virtualisht pa lagështi, një atmosferë e përsosur për të shpërndarë grip.

Dhëmbët: Ndryshimet në presionin e ajrit mund të shkaktojnë vrima të vogla të gazit në dhëmbë dhe të ndikojnë në prishjen e tyre.

Mushkëritë: Ajri në kabinë bën që mushkëritë të zgjerohen, duke shkaktuar fryrje. Tek ata që kanë astmë, mund të ketë komplikime të tilla si dështim të mushkërive.

Lifestyle

A e dini se edhe sytë “digjen” nga dielli? Çfarë duhet të bëni për t’i mbrojtur

Ka gjithmonë një pjesë të fytyrës suaj që nuk mbroni si duhet, sytë tuaj. Gjatë dhe pas pushimeve të verës, shumë njerëz ankohen për probleme të syve dhe shikimit. Mjaft persona përjetojnë shqetësime sikur kanë copëza prej qelqi në sytë e tyre. Këto janë shenja që sinjalizojnë fotokeratitin. Fotokeratiti është në thelb një djegie nga dielli në pjesën e përparme të syrit tuaj, që quhet kornea.

Ashtu si djegia e lëkurës nga dielli mund të jetë e dhimbshme, fotokeratiti sjell shqetësime serioze në sy.

Përveç ndjenjës së “copëzave të xhamit”, fotokeratiti shkakton skuqje, shikim të paqartë, ndjeshmëri ndaj ndriçimit dhe në raste të rralla edhe humbje të përkohshme të shikimit. Sa më gjatë t’i ekspozoheni sytë ndaj rrezeve UV, aq më të rënda mund të jenë simptomat, thonë specialistët.

Gjendja, gjithashtu, mund të shkaktohet nga reflektimet nga dielli, kur pasqyrohet në ujë ose shkëmbinj të bardhë dhe rërë.

Për fat të mirë, dëmtimi i syve nga dielli, zakonisht nuk është i përhershëm. Njëlloj si djegiet në lëkurën tuaj, fotokeratiti zgjat vetëm për disa ditë, thonë ekspertët.

Rreziku i dëmtimit të përhershëm është i ulët nëse ekspozimi ndaj rrezeve UV është kufizuar në pjesën e përparme të syrit, te kornea.

Megjithatë, nëse ekspozimi ndaj rrezeve UV ndikon tek retina, që ndodh nëse shikoni direkt në diell, ekziston një rrezik më i madh dhe më serioz i problemeve të përhershme me shikimin.

Ndërsa sytë tuaj shërojnë nga fotokeratiti, ata mund të trajtohen duke përdorur pika të syrit, pika antibiotike, ose pomadë të rekomanduara nga një mjek okulist.

Ashtu si mbroni lëkurën tuaj nga dielli, është e rëndësishme të mbroni sytë tuaj për të parandaluar ndonjë djegie.

Ndërkohë që, pa dyshim, nuk vendosni kremin kundër djegies në sy, por duhet të lyeni gjithmonë kapakun e syve tuaj.

Një studim zbulon se njerëzit kanë tendencë të lënë pa trajtuar me krem kundër djegies rreth 10 për qind të fytyrës së tyre – duke përfshirë zonën e syve.

Lëkura e hollë dhe e ndjeshme rreth syve është zona ku ndodhin 10 për qind të rasteve të kancerit të lëkurës. Prandaj është shumë e rëndësishme të siguroheni që po mbroni të gjithë zonën e syve nga rrezet e dëmshme.

Lifestyle

Lëngu i lakrës së kuqe, si ta përdorni për veshkat, mëlçinë dhe tretjen

Lëngu i lakrës së kuqe është i jashtëzakonshëm për organizmin.

Ai është i pasur me vitamina, minerale dhe antioksidantë të cilët forcojnë imunitetin, luftojnë sëmundjet dhe mbrojnë organet prej tyre.

Sipas të dhënave të AgroWeb.org, lakra e kuqe është një nga burimet më të mrekullueshme të vitaminës C, që ndikon pozitivisht për shumë funksione në organizëm.

Një gjysëm gote uji me lëngun e lakrës së kuqe përmban 150 miligramë vitaminë C, që është edhe 100% e nevojës ditore të organizmit për këtë vitaminë.

Në të njëjtën sasi mund të merrni 650 miligramë kalium që përbën 14% të dozës së rekomanduar ditore dhe 102 mikrogramë të vitaminës K, që përbën 85% të nevojës ditore të organizmit për këtë vitaminë.

Lakra e kuqe ka 10 herë më shumë vitaminë A se lakra e bardhë.

Kjo vitaminë e mban lëkurën të shëndetshme, forcon imunitetin dhe mbron shikimin.

Për më tepër, lakra e kuqe ka dyfishin e hekurit që ofron lakra e bardhë.

Në këtë artikull do të mësoni tre receta të rëndësishme të lëngjeve me bazë të lakrës së kuqe, të cilat ju ndihmojnë për mbrojtjen e veshkave, pastrimin e mëlçisë dhe sistemin tretës.

Për pastrimin e mëlçisë
Për të marrë një dozë të lartë antioksidantësh kundër radikaleve të lira dhe pastrimin e mëlçisë, rekomandohet:

Përbërësit:
Gjysma e një lakre të kuqe të përmasave mesatare
Një panxhar mesatar
Kokrrat e një shege
Një copë e vogël xhenxhefili e qëruar.
Hidhini të gjithë përbërësit në një shtrydhëse frutash dhe pijeni lëngun menjëherë.

Për shëndetin e veshkave
Përbërësit:
1 tufë me kopër
Gjysëm molle jeshile,
3 gota uji me lakër të kuqe të grirë.
Hidhini të gjithë përbërësit në shtrydhëse dhe pijeni rregullisht.

Lëngu i lakrës së kuqe për tretjen
Lakra e kuqe rekomandohet edhe për përmirësimin e tretjes.

Për të marrë përfitimet e saj ndiqni recetën e mëposhtme:

Përbërësit:
2 gota uji me lakër të kuqe të grirë
3 kërcenj selinoje
Gjysma e një limoni me gjithë lëkurë
Gjysma e një molle jeshile
Lajini të gjithë përbërësit dhe kalojini në shtrydhësen e frutave.

Lëngun pijeni menjëherë.

Ky lëng eliminon gazrat e tepërt në stomak dhe vë në lëvizje të gjithë sistemin tretës.

Nga secili prej lëngjeve mund të pini një gotë në ditë për rreth 2 javë e ta përsërisni sa herë të jetë e nevojshme.

Lifestyle

Çiftet e zodiakut që mund të drejtojnë një biznes së bashku

BINJAKËT – PESHORJA

Binjakët dhe Peshorja e kuptojnë njëri-tjetrin me sy. Ata me shumë mundësi do të kenë një biznes që përfshin shërbimin ndaj klientit dhe marrëdhëniet me publikun. Suksesi është i garantuar sepse ata kanë qëllime dhe praktika të përbashkëta.

VIRGJËRESHA – BRICJAPI

Forca në unitet. Këtu po flasim për një çift shumë efikas. Virgjëresha është një “milingonë” në punë, nuk ndalet së punuari dhe Bricjapi është i përsosur në menaxhimin e biznesit. Qëllimi i tij është vetëm suksesi dhe fitimi dhe ai do të bëjë gjithçka për ta arritur atë.

LUANI – DASHI

Nëse këta të dy mund të lënë pak mënjanë egon e tyre dhe të bien dakord se kush është në krye të biznesit, atëherë ju e dini se ata mund të arrijnë gjëra të mëdha. Sepse të dy janë liderë, synimi i tyre është paraja dhe jeta e mirë dhe bëjnë gjithçka për të fituar para dhe për të kënaqur shijet e tyre.

DEMI – AKREPI

Këtu po flasim për çiftin që mund të krijonte një perandori, jo thjesht një biznes. Dy shenjat që kanë paratë në gjak, dinë t’i bëjnë, kanë këmbëngulje, obsesion dhe efikasitet të madh. Ata nuk ndalen para asnjë pengese dhe mbi të gjitha vënë interesin e familjes, sigurinë dhe stabilitetin financiar dhe mirëqenien e saj.

GAFORRJA – UJORI

Nëse ky çift do të hapte një biznes, do t’ia dilnin për mrekulli dhe kjo sepse Gaforrja është “mjeshtre” në menaxhimin financiar, por edhe e rezervuar, ndërsa Ujori është novator dhe do të jepte ide që askush tjetër nuk do t’i kishte menduar.