Kronike
120 mijë eurot i kishte për kurimin e tij, vdes xhaxhai i Alda Klosit
Prokuroria ende nuk ka mbyllur hetimet për vjedhjen e 120 mijë eurove në shtëpinë e Alda Klosit, ish-drejtoreshës së koncesioneve dhe të kabinetit të ish-ministrit Ahmetaj.
Po ashtu, asgjë nuk dihet as për origjinën e mbi 400 mijë të tjerave të gjetura në shtëpinë e sanitares Rozeta Dobi. E ndërkohë, një lajm i trishtë mbërrin nga Shtetet e Bashkuara të Amerikës. Ndërron jetë pas përballjes me një sëmundje të rëndë xhaxhai i Alda Klosit, Ylli Çika.
Klosi ka pretenduar para hetuesve se paratë ishin të xhaxhait për mobilimin e shtëpisë apo dhe për t’i ruajtur ato. Por burime jo zyrtare thanë për A2 CNN se familja e Ylli Çikës ish-kirurg dentar, nuk ka pasur dijeni lidhur me deklarimet e Alda Klosit në polici dhe prokurori, ndërsa kanë mohuar përfshirjen e tyre në këtë histori.
Diçka e tillë vë në vështirësi gjetjen e burimit të parave, ndërsa prokurorja Mirela Zavalani i tha A2 CNN se dosja vijon të jetë në hetim dhe se prokuroria ende nuk ka dalë në një konkluzion sa u përket deklarimeve të ish-zyrtares. Pas njoftimit të policisë nga vajza e saj se shtëpia e marrë me qira ishte vjedhur, Alda Klosi tha në polici se kishin marrë 120 mijë euro dhe disa sende me vlerë.
Pas arrestimit të sanitares dhe djalit të saj, policia gjeti në shtëpinë e familjes Dobi dhe 400 mijë euro të tjera të fshehura në tubin e aspirimit. Vetë Rozeta Dobi tha se paratë i kishte marrë në shtëpinë e Klosit, ndërsa saga e pronësisë së 400 mijë eurove vijon të mbetet mister.
Kronike
Zbardhet tjetër dëshmi e Dorian Alisë që dhunoi avokatin Mëngjesi: Dritan Nano na e kërkoi, donim t’i bënim presion
Është zbardhur dëshmia e plotë e 32-vjeçarit Dorian Alia, një nga autorët e sulmit barbar ndaj avokatit Sokol Mëngjesi ditën e djeshme teksa ky i fundit po dërgonte fëmijën në kopsht.
Dorian Alia ka deklaruar se aktin e kreu “për miqësi” pasi ia kishte kërkuar Dorian Nano dhe se nuk e dinte peshën e avokatit Mëngjesi.
Po ashtu, ai ka deklaruar se bashkë me autorët e tjerë, donin t’i bënin presion të hiqte dorë nga gjyqi që avokati Sokol Mëngjesi kishte hapur.
Sipas tij, e kishin planifikuar sulmin dhe ndjekur avokatin, dhe rrinin vazhdimisht duke komunikuar me agresorët e tjerë për lëvizjet e avokatit.
Në deklarime vijon Aliaj, ishin përgatitur për t’i dhënë mesazh Mëngjesit, pa menduar se situata do të rëndohej dhe avokati do të merrte dëme të rënda.
Nga ana tjetër, Dritan Nano, ka mohuar të jetë porositës i ngjarjes duke mos pranuar të bashkëpunojë me hetuesit, edhe pse këta të fundit janë të bindur që ai është organizatori kryesor.
Autorët e sulmit janë identifikuar si Romario Tabaku 26 vjeç, Dorian Alia 32 vjeç, Drivald Alia 21 vjeç, Elton Kasaj 33 vjeç.
Kronike
Nga shpejtësia tej normave tek drejtimi mjetit në gjendje të dehur, arrestohen 18 shoferë në këtë qytet
Policia rrugore e Elbasanit ka nxjerrë bilancin e muajit maj. Sipas bilancit mësohet se 18 shoferë janë arrestuar në flagrancë dhe 9 të tjerë janë proceduar penalisht për veprat penale “Drejtimi i mjeteve në mënyrë të parregullt” dhe “Shkelja e rregullave të qarkullimit rrugor”.
Gjithsej janë vendosur 8815 masa administrative gjatë një muaji, kryesisht për shpejtësi mbi normat, mosvendosje e rripit të sigurimit, parakalime të gabuara, drejtimi mjetit në gjendje të dehur, përdorimi telefonit dhe shkelje të tjera të qarkullimit rrugor.
Policia Rrugore e Elbasanit e pranishme ????????/????, në të gjitha akset rrugore të qarkut ????️, me qëllim rritjen e parametrave të sigurisë rrugore ????.
Kontrollet intensive dhe monitorimi i vazhdueshëm në të gjitha akset e qarkut, me pajisje të logjistikës bashkëkohore, kanë si qëllim parandalimin e aksidenteve rrugore me pasoja për jetën e përdoruesve të rrugës ????,???? rritjen e parametrave të sigurisë në rrugë dhe lehtësimin e qarkullimit në qytet dhe në akset lidhëse, si edhe ???? intensifikimin e masave kundër çdo shkeljeje ❌.
Si rezultat, gjatë muajit maj ✅ janë arrestuar në flagrancë 18 drejtues mjetesh dhe janë proceduar penalisht 9 të tjerë, për veprat penale “Drejtimi i mjeteve në mënyrë të parregullt” dhe “Shkelja e rregullave të qarkullimit rrugor”.
Gjithashtu, duke përdorur mjetet inteligjente gjatë këtij muaji ✅ janë vendosur 8815 masa administrative, të ndara konkretisht:
✔4521 për shpejtësi mbi normat e lejuara;
✔568 për përdorim të celularit gjatë drejtimit të mjetit;
✔720 për mosvënie të rripit të sigurimit nga drejtuesit e automjeteve;
✔156 për mosvendosje të kaskës mbrojtëse nga drejtuesit e motomjeteve;
✔38 për drejtim mjeti pas përdorimit të pijeve alkoolike;
✔1350 për parakalime të gabuara;
✔320 për parkime të gabuara;
✔1142 për shkelje të ndryshme të Kodit Rrugor.
Kontrollet e shtuara nga Policia do të vijojnë, në të gjitha akset rrugore urbane, interurbane dhe rurale, si edhe duke përdorur të gjitha mjetet bashkohore logjistike, me qëllim rritjen e parametrave të sigurisë rrugore.
Policia e Rrugore e DVP Elbasan apelon për të gjithë përdoruesit e rrugës, që të zbatojnë me rigorozitet rregullat e qarkullimit rrugor, si dhe të kallëzojnë në numrin pa pagesë 112, çdo rast të shkeljes së tyre.
Kronike
Krijonin të dhëna të rreme për të denigruar titullarët, arrestohet gazetari dhe punonjësi i AMP
Një punonjëse e Agjencisë së Mbikqyrjes Policore në Drejtorinë Rajonale Durrës dhe një gazetar janë arrestuar pasi akuzohen se në bashkëpunim me njëri-tjetrin krijonin të dhëna të rreme ndaj disa titullarëve të institucioneve të ndryshme me qëllim denigrimin e figurës së tyre.
Gjithashtu, u shpall në kërkim shtetasi Kushtrim Selimi, 39 vjeç, me detyrë shef sektori në Drejtorinë e Përgjithshme të Agjencisë së Mbikëqyrjes Policore.
Në cilësinë e provës materiale janë sekuestruar 2 celularë.
Vijon puna për identifikimin e shtetasve të tjerë të përfshirë në këtë veprimtari kriminale.
Operacioni u kodua ‘Antonimet’
Kronike
Dhuna ndaj avokatit, gazetarja zbardh skemën: Dritan Nano organizoi…
Gazetarja Klodiana Lala ka zbardhur detaje të reja në lidhje me dhunimin e avokatit, Sokol Mëngjesi. Lala e ftuar në studion e emisionit “Open” në News24 ka folur për ngjarjen e ndodhur mëngjesin e sotëm ku është sulmuar fizikisht avokati Sokol Mëngjesi. Avokati ka marrë goditje me mjete të fortë, doreza hekuri, në kokë dhe trup, nga të paktën 3 persona të përfshirë në sulmin ndaj tij, ndërsa ndodhet në intubim në spitalin e Traumës në Tiranë.
Policia e Tiranës përmes një deklarate zyrtare bëri të ditur se ka identifikuar të gjithë autorët, përfshi edhe atë të cilin Drejtori Tonin Vocaj, e konsideroi si porositësin e dhunës ndaj avokatit. Lala tha se situata shëndetësore e avokatit është e rënduar, ka pasur një hematomë të madhe në kokë.
“Pasi u godit nga Dorian Aliaj me një dorezë hekuri, avokati Mëngjesi ka rënë në tokë dhe ka marrë një tjetër goditje si pasojë e rrëzimit, më pas dhunuesit e kanë goditur sërisht. Gjendja e tij është rënduar, por sipas mjekëve do e kalojë rrezikun për jetën”, tha Lala.
Duke iu referuar ngjarjen së ndodhur, Lala tha se Dorian Aliaj është i vetmi që është dorëzuar në Policinë e Tiranës, ndërsa Dorian Nano u arrestua me inisiativën e Policisë. Gazetarja u shpreh se avokati Sokol Mëngjesi ishte avokat i një prej familjeve që pretendonin një truall.
“Brari dhe Sheqeri ishin familjet në një konflikt për çështje pronash. Prona ishte te diga e Liqenit aty ku sot është ndërtuar. Familja Sheqeri ka kontaktuar avokatin Mëngjesi dhe ka fituar të drejtën e pronës. Kemi 8 trashëgimtarë nga familja Sheqeri, pjesa më e madhe e të cilëve, ishin dakord që kontrata që ata kishin me avokatin të respektohej, pasi ai kishte dhënë ndihmesën e tij, konsulencën juridike, që ata të fitonin çështjen që po gjykohej.
Dritan Nano, njëri nga trashëgimtarët nuk e ka pranuar kontratën, dhe ka pasur një debat verbal mes tij dhe avokatit. Në momentin që është bërë gjithë ky debat, Dritan Nano ka organizuar gjithë personat dhe kemi ngjarjen e sotme. Avokati kishte paralajmëruar se nëse nuk respektohej kontrata do të ndiqte rrugën gjyqësore”, tha Lala.
Ajo shtoi se sulmi ndaj avokatit nuk ka lidhje me politikën, kjo është arsyeja pse gjatë orëve të pasdites janë ulur tonet politike.
“Dhunuesit janë lidhje shoqërore dhe familjare mes tyre. Është e papranueshme që jeta e çdo qytetari të jetë e rrezikuar në çdo moment. Askush nuk ka të drejtë të ngrejë dorë mbi një tjetër dhe jam e trishtuar që politika fut hundët në histori të tilla”, tha Lala.
Gazetarja tha se roli i avokatit është zhbërë, e zhbëri reforma në drejtësi, sot shihet si një sekser dhe kjo nuk duhet të ndodhë.
Kronike
Shqiptari dënohet me 30 vite burg për një krim të kryer 27 vite më parë
Njëri u mbyt ndërsa tjetri u masakrua me 27 thika dhe një plumb në ballë. Më pas trupat e viktimave u dogjën. Vrasja makabre u shënua natën mes 31 dhjetorit 1996 – 1 janar 1997 në zonën e Alessandria të Italisë. Për këtë krim Fatmir Dervishi u dënua fillimisht me burg përjetë e më pas me 30 vite burg por vetë ai nuk kishte marrë pjesë në procesin gjyqësor. Më pas në 2019 u arrestua dhe kërkoi rigjykim duke mos pranuar se ai është autori.
“Nuk isha unë,” tha ai edhe në seancën gjyqësore të 2 javëve më parë, por kjo bindi gjyqtarët Gjykatës së Apelit të Torinos, të cilët e dënuan sërish me 30 vjet burg. Nga ana tjetër avokati i të akuzuarit është shprehur se do të apelojnë për këtë vendim.
Shqiptarët Ilir Haxia dhe Kastriot Tufa kishin udhëtuar nga Padova për të festuar vitin e ri së bashku me bashkatdhetarët e tyre. Ata u vranë në atë mënyrë mizore nga tre persona: më 12 qershor 1998 Dervishi, i cili ishte arratisur, u dënua me burgim të përjetshëm në mungesë. Ndërkohë që bashkëpunëtori i tij Dridanet Iberisha u dënua me 30 vjet burg, ndërsa Sami Kasmi me 6 vite burg.
Me dëshminë e Kasmit u dënua Dervishi, herën e parë por në gjyqin e ri ai ka deklaruar se nuk mbante mend asgjë.
“Ishte ai që akuzoi Dervishin”, kujton avokati.
Dy javë më parë të dy u gjendën përballë njëri-tjetrit në gjykatën e Torinos. 44-vjeçari shqiptar u arrestua dhe kërkoi një gjykim të ri. Në seancë gjyqësor Kasmi iu përgjigj të gjitha pyetjeve të prokurorit e gjyqtarit me ‘Nuk më kujtohet’.
Aq sa magjistratët dyshuan se dëshmitari përdorte drogë ose vuante nga amnezia: «Si nuk mund të kujtohesh për djegien një kufomë, siç rrëfeve atëherë? – këmbëngul prokurori Marcelo Tatangelo.
E kuptoj që ai nuk dëshiron të flasë ose ka frikë nga diçka.
Dervish nga ana e tij vijon ta mohojë se ka kryer vrasjen.
Isha në festën e Vitit të Ri por më pas u largova’ tregon në gjykatë Dervishi. Ai pranon se i ka njohur të dy viktimat atë natë por nuk ka pasur arsye përse ti vriste.
Por dëshmia e tij nuk bindi gjykatën e Apelit të Torinos për ta shpallur fajtor dhe dënuar me 30 vite burg.
-
Kronike23 hours ago
EMRI/ Vetëvritet me armë zjarri 37-vjeçari
-
Pinknews24 hours ago
“Të shtunën dasma e fundit”/ Kush është çifti që do martohet në post “Big Brother VIP”?
-
Aktualitet5 hours ago
“Donim ta frikësonim”, çfarë deklaroi në polici njëri nga autorët e sulmit ndaj avokatit Sokol Mëngjesi
-
Bota22 hours ago
E rëndë/ I zbuloi të dashurën sekrete, 31-vjeçari godet me thikë 37 herë të fejuarën shtatzënë
-
Aktualitet22 hours ago
Dhuna ndaj avokatit Sokol Mëngjesi/ Arrestohet një prej autorëve të dyshuar
-
Politike21 hours ago
‘Administrata publike jo çerdhe e të këqinjve’/ Rama: I pakuptimtë ai numërimi i orës 8:00 të punonjësve…
-
Pinknews20 hours ago
Zbulohet arsyeja pse mungoi Romeo Veshaj në “Post BBV”
-
Pinknews22 hours ago
“E bëre shumë mirë”/ Heidi Baci ndan momente romantike me Romeon