Në një intervistë me emisionin “Opinion” në Tv Klan menjëherë pas takimit me shqiptarët në Athinë, kryeministri Rama u ndal edhe te anëtarësimi i Shqipërisë në Bashkimin Europian. Pa përcaktuar një afat, ai u shpreh se “jemi shumë pranë hyrjes në BE”.

Kryeministri nënvizoi se dikur për Shqipërinë dëgjohej se ishte e fundit, por sot është në vijën e parë për anëtarësimin në BE. Rama tha se deri në vitin 2030 vendi do të jetë gati që të sillet si një shtet i Bashkimit Europian.

Edi Rama: Unë jam Kryeministri i Shqipërisë por jam edhe kryetar i Partisë Socialiste. Më intereson fakti që sot jemi në një moment historik dhe jemi shumë pranë futjes në Bashkimin Europian,sa na takon ne, jemi shumë pranë.

Blendi Fevziu: Ç’do me thënë shumë pranë?

Edi Rama: Jemi shumë pranë.

Blendi Fevziu: Më jep një ‘deadline’.

Blendi Fevziu: Më jep një të përafërt se dëgjova Scholz-in që tha “Mali i Zi nuk është çudi të jetë në 2030-ën në Bashkimin Europian”. Kjo do të thotë që jemi një paketë të gjithë apo do të na ndajnë?

Edi Rama: Unë kam dëgjuar, jo Scholz-in, kam dëgjuar të tjerë që pastaj ju sigurisht i citonit që pararoja ishte Serbia dhe Mali i zi, Shqipëria ishte në fund fare se akoma… Sot të gjithë thonë që Shqipëria është ‘front runner’. Këto janë gjëra që kanë të bëjnë si lëvizin vendet. Unë di të them këtë: Në vitin 2030 Shqipëria do të jetë gati, kjo është gjëja që do të thotë që do të plotësojmë të gjitha ato reforma, jo për ata, por do t’i plotësojmë për vete dhe pastaj është çështje vendimmarrjeje, por fakti që Shqipëria do të jetë gati nuk do të thotë që është gati që të marrë diplomën atje por është gati që të sillet si shtet brenda vetes, si shtet i Bashkimit Europian.

Kryeministri u përgjigj edhe nëse BE-ja është e gatshme që të pranojë Shqipërinë në mesin e saj.

“Këtë do ta shikojmë kur t’i vijë radha BE-së. Për momentin ne duhet të bëhemi gati dhe ne do të bëhemi gati, kjo është gjëja”, përfundoi Rama

Bamir Topi, ka qenë i ftuar në emisionin “Të Paekspozuarit”, ku ka ka folur për opozitën.

Ish Presidenti tha se Partia Demokratike gjendet në pikën e vet më të “zezë” dhe se problemi nuk është më Berisha, pasi ai e ka “ezauruar” karrierën politike, por ai ka prodhuar 20 të tjerë, që kanë mentalitet akoma më të vjetër se ai, ndaj e sheh krizën e opozitës mjaft të thellë.

Topi u shpreh optimist për lëvizjet e reja politika dhe tha se do të ishte mirë që ata të bashkohen, pasi dështimi i këtyre forcave do të ishte një ngjarje mjaft e keqe pë shoqërinë shqiptare.

Ylli Rakipi: Ju kam parë në një takim me Lulzim Bashën. Pse vajtët aty?

Ylli Rakipi: Lulzimi ka vulën dhe e mban fortë. Këtë tjetrin e kanë vënë në dritare. Pjesë tjetër është Ilir Meta që thotë se kam parti të re, hipën edhe nëpër këto hekurat. Kanë dalë edhe disa të rinj, që ndoshta vlejnë. Por, pak e vagullt është kjo punë. Si mendoni ju Basha është lider legjitim i PD, pse i kanë dhënë atë vulën?

Basha nuk ka qenë asnjëherë i lirë në vendimarrjen e tij. Nuk e them për ta justifikuar, sepse njeriu bën zgjidhjet e veta. Por, jap argumentin pse PD është në këtë gjendje, që nuk ka asnjë lloj fryme dhe identiteti. Jam shprehur që në periudhën më të fortë të përplasjeve, kam thënë lëreni siglën dhe vulën, dilni me një sigël tjetër, sepse ndoshta kjo mund t’i lironte nga ai lloj obsesioni. Në fund një miku im thoshte, ai do të gëlltisë edhe vulën…

Tani do ta shohim sepse juridikisht nuk ka marrë akoma formë. Por, një gjë e quaj të rëndë, që po zgjatet pafundësisht verdikti. Nuk mund të lihet një parti si PD edhe pse janë në ditën e tyre më të zezë, pa asnjë lloj verdikti për siglën dhe vulën. Zgjat e zgjat…

Ylli Rakipi: Doktorin e kanë hipur lart në dritare, flasin disa njerëz aty te rrugica, si e mendon opozitën e Berishës? Ju kur jeni takuar me të për herë të fundit?

Bamir Topi: Ndarja ime përfundimtare me Berishën është që në 21 Janar. Kemi patur një shtrëngim duarsh në 28 nëntor 2012 në Vlorë.

Kur jam larguar nga FRD nuk preferoj ti bëj asnjë lloj komenti. Gjëja që vlerësoj më shumë, pa qenë narcist, kur marr vendime i marr dhe nuk e kthej kokën mbrapa.

Ylli Rakipi: Pra doktori në dritare?

Bamir Topi: Nuk është çështje e Doktorit, por historia e doktorëve. Shkolla e Sali Berishës ka klonuar 20 të tjerë. Problemi nuk është te ai që e ka ezauruar karrierën politike, por ata që konsiderohen të rinj në moshë, por kanë të njëjtin mentalitet. Kanë mbetur të vjetër po aq sa Doktori. Tjetër konsideratë kam për partitë e reja.

Për herë të parë, Kryeministri Edi Rama ka treguar se cili është misioni i tij në krye të qeverisë shqiptare, i cili nuk e ka fshehur që kërkon një mandat të 4-t qeverisës vitin e ardhshëm.

Në një intervistë për emisionin Opinion në Tv Klan nga Athina, Kryeministri Edi Rama u pyet nga gazetari Blendi Fevziu për largimin e të rinjve nga vendi.

Kjo krizë e largimit të të rinjve, Kryeministri premtoi se do të ndryshojë dhe është pjesë e projektit Shqipëria 2023. E sipas Ramës, frenimi i largimit të të rinjve do të jetë pjesa kur do të mbyllë misionin e tij.

Këtu fillon gjëja. Sigurisht që Shqipëria nuk e ka sot forcën e brendshme që thotë pse të iki jam mirë këtu. Po ndryshon dhe kjo gjë. Kjo është pjesa më e vështirë dhe është pjesa që do t’i vendosë kapak të gjithë misionit tim dhe Shqipëria e 2030-s do të jetë një vend ku kjo tendencë do të jetë e ekuilibruar”, u shpreh Kryeministri Edi Rama.

Pas takimit me shqiptarët që jetojnë në Greqi, kryeministri i vendit Ed Rama ka zhvilluar një intervistë për emisionin “Opinion” në Tv Klan përballë gazetarit Blendi Fevziu. Gjatë fjalës së tij, kryeministri Rama ka theksuar nevojën për krahë pune, teksa ka thënë se të gjithë ato shqiptarë që jetojnë në Greqi dhe kanë kursime, mund të vijnë në Shqipëri dhe të investojnë në atdhe. Më tej, kryeministri Rama ka thënë se Shqipëria po bën negociatë me Filipinet për të marrë krahë pune.

Edi Rama: Unë mendoj shumë thjeshtë dhe sot nuk ju thashë hajde kthehuni, por atë që besoj që sot kush është në Greqi, ka bërë punë, ka fituar eksperiencë, ka në Shqipëri një pronë në fshat, një shtëpi të vjetër një mundësi që të investojë, as nuk diskutohet. E ka të sigurtë se në fund të vitit do të fitojë këtu shumë më shumë se fitojnë me pagën që marrin.

800 Euro merr një kamarier në Radhimë e fle tek prindërit e nuk ka nevojë të paguajë. Ka plot shqiptarë që janë kthyer dhe janë prova që kjo funksionon dhe jemi në një cikël që do të fillojë duke u zbutur, e tregon koha. Në gjithë atë furi zhurme e rrëmuje, shumë gjëra nuk besohen. Ku ka rrogë 200 mijë Lekë në Shqipëri? Shqipëria ka një klimë skandaloze mediatike që ta hapësh, gjatë gjithë kohë zi, zi, zi…

Sot që flasim, ne po bëjmë një negociatë me Filipinet. Tani të të jap një shembull: Filipinet kanë shumë popull dhe shumë krahë pune dhe e përdorin këtë. Po të shikosh radhën e vendeve që nga Austria e vende të tjera plot, 38 vende janë në radhë për të nënshkruar marrëveshje me Filipinet që të marrin krahë pune. Kjo është një situatë e përgjithshme. Ne deri pak vjetësh ishim një vend që ishte çfarë të ju them… 

Kryetari i Nismës Thurje Endri Shabani dhe deputeti demokrat Saimir Korreshi janë të mendimit se vota për diasporën duhet të realizohet për zgjedhjet e ardhshme parlamentare. Ai tha se në takimin e Edi Ramës duhet të flitej për votën e diasporës. Sipas Shabanit, po votojnë të burgosurit dhe nuk po voton diasporës.

‘Duhej të flitej për votën e diasporës. Plus kishte marrë patronazhistë për ti dërguar në Athinë. Nëse votojnë shqiptarët e diasporës partitë e mëdha mund të bëhet të vogla. Pse nuk e duan, pse të marrësh njerëz me autobusë nga Tirana ndërkohë që mund të marrësh njerëz rrethe e qark Greqisë. Në një far mënyrë duhet të bësh politikë. Ka mungesë vullneti për votën e diasporës. Ai që hy në burg nuk voton më. Në Shqipëri ne ja çojmë kutinë e votimit ku ta keqe qendrën. po ishte shqiptar që shkon nga Shqipëri anë Greqi apo kudo tjetër ta heqin të drejtën e votës. Ky proces duhet të ecë para ky lloj diskriminimi duhet të marrë fund. Dyshime do të ketë sido që të jetë votimi. Duhet plotësuar kuadri ligjor. Ka 34 vjet, kemi më shumë shqiptarë jashtë se brenda.’- tha Shabani.

Ndërsa Korreshi se sa më shumë që zvarritet puna, aq më e pamundur do të jetë që të bëhet vota e emigrantëve.

‘Për PS jam i qartë, por jam shumë skeptik për mënyrën si është propozuar. Sa më shumë kalojnw ditët aq më e pamundur bëhet vota e emigrantëve. Sa më shumë kalojnë ditët dhe logjistiken se krijon dot. Propozimet që ka dhënë PS janë qesharake fare. Komplet reforma Zgjedhore, për mua është komplet një proces që ka dështuar.’- tha Korreshi.

I pyetur nga gazetari Arbër Hitaj nëse do të bënte koalicion me Lulzim Bashën, Shabani tha se nuk ka pasur asnjë ofertë dhe as nuk është diskutuar. Por shtoi Shabani beson se do të bashkëpunojë me lëvizjen e drejtuar nga Adriatik Lapaj si dhe me lëvizjen e drejtuar nga Arlind Qori.

‘S’ka pas ofertë as nuk është diskutuar. Besoj se në duhet të bashkëpunojmë Lëvizjen Bashkë dhe Shqipëria Bëhet, që janë lëvizje të reja. Por përpiqemi të bëjmë një front të përbashkët të të rinjve përballë të vjetërve. Kemi bashkëpunuar me Lëvizjen Shqipëria Bëhet, në këtë pikë jemi duke bashkëpunuar që të formojmë një alternativë politike për të rinjtë përballë të vjetërve.’- tha Shabani.

Nga ana tjetër deputeti Saimir Korreshi, tha se do të surgjeronte të bënte koalicion edhe me socialistët e pakënaqur.

‘Jemi të hapur të bashkëpunojmë. Unë do të sugjeroja, duhet të bëjmë koalicion edhe me socialistët e pakënaqur. Për mua rikthimi i koalicioneve është jetik për opozitën dhe të gjitha partitë që janë në opozitë. Mospasja e një koalicioni humb të gjitha votat.’- tha Korreshi.