Lifestyle

5 Perimet kryesore të prillit -Zgjidhni të duhurat

Guida e perimeve të sezonit

Të ushqehemi shëndetshëm, të ushqehemi sipas stinëve dhe të njohim ushqimet që konsumojmë, do të thotë të përfitojmë më shumë prej tyre, në shije dhe vlera.

Agroweb ka përgatitur një listë të perimeve që duhen konsumuar sipas stinëve të prodhimit të tyre.

Guida jonë ju instrukton se si të përzgjidhni perimet më të freskëta në treg dhe ofron këshilla praktike mbi mënyrat më të mira për ruajtjen e tyre.

Brokoli

Brokoli nuk duhet të mungojë në dietën tuaj ushqimore. Koha e rritjes së tij? Fatmirësisht është relativisht e gjatë. Gjysmën e vitit, nga muaji dhjetor, në muajin maj ju mund të zgjidhni mënyra të ndryshme për të gatuar këtë “super ushqim”. Lavdet nuk i ka të kota. Brokoli ka pak kalori dhe është tejet i pasur në vitamina e minerale si dhe shumë fibra.

Përse është i mirë brokoli?

Brokoli përmban vitaminat K, C, acid folik, potasium dhe fibra. Është gjithashtu i pasur në beta-karoten dhe sulforofan, një lëndë e cila po studiohet nga shkencëtarët për vetitë anti-kancerogjene. Vitamina K që brokoli përmban është thelbësore për funksionimin e proteinave që ndikojnë në koagulimin e gjakut. Vitamina C ndikon në krijimin e kolagjenit, lëndës që formon indet trupore, kockat dhe ndihmon në shërimin e shpejtë të të prerave apo plagëve. Brokoli përban edhe fibra, të cilat ndihmojnë sistemin tretës dhe ndikojnë në uljen e sasisë së kolesterolit në gjak. Ndërkohë që acidi folik që brokoli përmban është i nevojshëm për prodhimin e qelizave të reja në trup.

Si ta zgjidhni brokolin?

Zgjidhni brokolin lulet e së cilit janë ngushtësisht të lidhura me njëra tjetrën, pra janë të mbyllura dhe kanë një ngjyrë të gjelbërt në blu. Bëni kujdes të mos zgjidhni brokolin lulet e të cilit kanë ngjyrë të verdhë apo të gjelbërt të hapur. Ndërkohë as brokoli që ështe pjekur më shumë seç duhet nuk duhet përzgjedhur. Do të jetë shumë i fortë për t’u kafshuar dhe do të ndahet në copëza kur ta gatuani.

Si ta ruani?
Brokoli është një perime që prishet shumë shpejt. Për këtë arsye mbështilleni mirë dhe vendoseni në sirtarin e poshtëm të frigoriferit. Përdoreni sa më shpejt të jetë e mundur, nëse dëshironi që brokoli që konsumoni te jetë i freskët dhe i pasur me lëndë ushqyese.

Karrota

Prej Shkurtit deri në Korrik, ja se kur duhet t’i konsumoni karrotat. Kjo perime, që besohet se për herë të parë është kultivuar në Afganistan mijëra vite më parë është thjesht e mirë për të gjithë! Konsumojeni me bollëk, pa u ndier në faj. Është e varfër në kalori, sheqer dhe karbohidrate. Por ama është e pasur në lëndë ushqyese.

Çfarë përmban karrota?

Është e pasur në vitaminë A, vitaminë C, kalcium dhe hekur. Ngjyrën portokalli karrotave ja jep beta-karoteni, që përthithet nga zorrët dhe kthehet në vitaminë A gjatë procesit të tretjes. Karrotat përmbajnë gjithashtu fibra, vitaminë K, potasium, acid folik, magnez, fosfor, vitaminë E dhe zink.

Studime tregojnë se disa karotenoide mund të luftojnë qelizat kancerogjene, falë aftësisë së antioksidantëve për të zvogëluar radikalët e lira në trup. Një tjetër studim ka dalë në përfundimin se duhanpirësit që nuk konsumojnë karrota në dietën e tyre ushqimore rrezikojnë 3 herë më shumë që të preken nga kanceri në mushkëri, krahasuar me ata që konsumojnë karrota të paktën një herë në javë. Në vitin 2011 u publikua një studim që shkruante se karrota vriste qelizat e leucemisë dhe ndalonte rritjen e mëtejshme të tyre.

Si t’i zgjedhim karrotat?

Mënyra më e mirë për të zgjedhur karrota të freskëta është duke parë bishtat e tyre. Sa më jeshile të jenë bishtat, aq më të freskëta janë karrotat. Gjithashtu edhe rrënjët e karrotave duhet të kenë ngjyrë të fortë dhe nuk duhet të jenë të thata e me vijëzime. Çarjet në lëkurën e karrotës tregojnë që ato janë të vjetra.

Si t’i ruajmë karrotat?

Karrotat duhet të mbështillen dhe të vendosen në sirtarin e poshtëm të frigoriferit. Duhet të kujdesemi që t’u presim gjithmonë bishtat që ndodhen në pjesën e sipërme të tyre, pasi kjo pjesë thith gjithë lagështirën nga rrënjët dhe bën që karrotat të prishen më shpejt.

Lulelakra

Lulelakra prodhohet prej muajit dhjetor deri në muajin maj. Gjatë kësaj periudhe mund të konsumoni lulelakër të freskët, në sasi të moderuara, pasi vlerat ushqyese të saj janë shumta. Por mos e teproni, pasi konsumi në sasi shumë të mëdha, shkakton fryrje të barkut.

Çfarë përmban lulelakra?

Sipas databazës kombëtare të ushqimit të Departamentit për Bujqësinë të SHBA lulelakra është e pasur në vitaminë C, K, B-6 dhe acid folik. Ajo përmban gjithashtu kalcium, hekur, magnez, fosfor dhe një sërë vitaminash të tjera të dobishme për organizmin.Lulelakra përmban antioksidantë që parandalojnë mutacionet e qelizave dhe ulin stresin oksidativ që formohet nga radikalet e lira. Pra konsumi i lulelakrës ul mundësinë e shfaqjes së qelizave kancerogjene. Studime tregojnë se lulelakra ul rrezikun e shfaqjes së kancerit të gjirit, apo formave të tjera tëkancerit si tek femrat ashtu edhe tek meshkujt. Lulelakra është e pasur në fibra dhe ujë. Për këtë arsye ajo lufton sëmundjet e lidhura me aparatin tretës. Ajo ndihmon dhe në parandalimin e sëmundjeve kardiovaskulare, diabetit dhe obezitetit. Një tjetër përbërës i lulelakrës, kolina, ndihmon në forcimin e memorjes, të muskujve si dhe ndihmon me problemet e gjumit.

Si të zgjedhim lulelakrën?

Për ta konsumuar gjithmonë të freskët, duhet të kujdesemi që kurora e lulelakrës që zgjedhim, njësoj si ajo e brokolit, të jetë e mbyllur dhe lulëzat e saj duhet të jenë të pozicionuara shumë afër njëra tjerës. Varieteti i bardhë duhet të jetë shumë i zbehtë dhe nuk duhet të ketë asnjë pikë, apo njollë të zezë në sipërfaqe. Duhet të keni kujdes të mos përzgjidhni lulelakra që janë të buta në pjesën e sipërme, pasi kjo është shenjë e prishjes.

Si të ruajmë lulelakrën?

Edhe pse në pamje lulelakra duket jetëgjatë, në të vërtetë ajo prishet shumë shpejt. Për ta ruajtur sa më gjatë, mbështilleni dhe vendoseni në sirtarin e poshtëm të frigoriferit.

Domatet e vogla (qershizë)

Duke filluar prej prillit e deri në fund të muajit qershor mos i kurseni vetes kënaqësinë e konsumimit të domateve të vogla (qershizë). Shtojini pak vaj ulliri organik, pak djathë të bardhë dhe pak bukë integrale dhe të jeni të sigurt se do t’ju shtohen dhe disa vite jetë… të paktën nga kënaqësia! Por domatet qershizë janë quajtur gjithashtu edhe “ushqime funksionale”, që na japin më shumë se thjesht elementët bazikë ushqyes. Këto fruta apo perime, quajini si të doni, parandalojnë sëmundjet kronike dhe zhvillimin e qelizave kancerogjene.

Çfarë përmbajnë domatet?

Domatet janë burim i pasur për vitaminën A, C dhe acidin folik. Ato përbajnë dhe shumë antioksidantë si beta-karoten, luteinë, kolinë etj. Të pasura me vitaminë C dhe antioksidantë të tjerë, domatet ndihmojnë në parandalimin e formimit të qelizave kancerogjene. Ato përmbajnë lycopene, një lëndë që është lidhur me parandalimin e kancerit të prostatës. Fibrat, potasiumi dhe vitamina C janë lëndë të cilat ndihmojnë në shëndetin e zemrës. Konsumi i tyre rekomandohet edhe për personat që vuajnë nga diabeti, pasi domatet kanë sasi të madhe fibrash. Domatet ndikojnë dhe në parandalimin e dëmit që mund të shkaktohet në lëkurë nga dielli, ndotja dhe tymi, parandalojnë rrudhat dhe përmirësojnë teksturën e lëkurës. Acidi folik që përmbajnë domatet është shumë i rëndësishëm, veçanërisht për femrat shtatzëna. Ky element parandalon, ndër të tjera, edhe prodhimin e një lënde që shkakton depresionin.

Si të zgjedhim domatet qershizë?

Zgjidhni domate me ngjyre të kuqe të fortë, pa rrudha apo pjesë të zbutura.

Si të ruajmë domatet qershizë?

Sa prej jush nuk i fusin domatet në frigorifer? Shpresojme të jeni të shumtë, pasi kjo gjë nuk duhet bërë asnjëherë. I ftohti prish shijen e domatëve dhe për këtë arsye ato duhet të ruhen gjithmonë në temperaturën e dhomës.

Hudhrat e njoma

Hudhrat e njoma paralajmërojnë ardhjen e pranverës. Prezenca e tyre në tregjet e fruta-perimeve tregon se stinët e ngrohta po afrojnë. Nga marsi në maj, kjo është periudha e tyre. E ndërsa shumë prej nesh stepen për konsumin, duke menduar aromën jo fort të këndshme, nutricionistët i rekomandojnë për shkak të vetive që hudhrat kanë për organizmin tonë. Nuk është e thënë të konsumohen të gjalla, përdorini në gatime, për të marrë të gjitha benefitet që ato ofrojnë.

Cfarë përmban hudhra e njomë?

Hudhra e njomë, ashtu si hudhra e thatë përdoret për të kuruar gripin e thjeshtë e deri për parandalimin e sëmundjeve të rënda. Përdoret për të kuruar probleme që lidhen me sistemin e gjakut dhe zemrën, përfshirë kolesterolin e lartë, parandalimin e atakut të zemrës, sëmundjeve koronare dhe hipertensionin. Disa e përdorin për të parandaluar kancerin e mushkërive, të prostatës, të gjirit e të stomakut.

Një lëndë përbërëse e hudhrës shërben si lëndë kuruese për sëmundjet e zemrës dhe e mbron atë. Hudhra ndikon edhe në përmirësimin e parametrave lipidë të gjakut, forcon potencialet antioksidante dhe shkakton ulje të tensionit. Në fjalë të tjera hudhra ndikon në uljen e kolesterolit dhe kurimin e hipertensionit. Një studim lidh hudhrën me uljen e rrezikut të lindjes së parakohshme, si pasojë e lëndëve antimikrobiale dhe prebiotike që ajo përmban.Studime të tjera tregojnë se hudhra përmban një lëndë që mbron mëlçinë nga dëmtimet që shkaktohen nga përdorimi i alkoolit.

Si ta zgjedhim hudhrën e njomë?

Hudhra e njomë duhet të ketë kërcell të fortë, pa pjesë të zbutura dhe gjethet e saj duhet të kenë ngjyrë jeshile të fortë. Në rast se rreth pjesës së kërcellit është formuar një shtresë e butë, ajo duhet të hiqet gjithmonë.

Si të ruajmë hudhrën e njomë?

Mbështilleni mirë dhe futeni në frigorifer. Kini kujdes gjatë mbështjelljes pasi aroma e saj e fortë do të përhapet kudo.

Related Topics:brokoli Guida e perimeve të sezonit karrota lifestyle lulelakrë Perimet kryesore

Lifestyle

Si festohen Pashkët nga çdo shenjë e zodiakut?

DASHI

Pashka, si festë, simbolizon fillimin e një epoke të re. Nuk është rastësi që e gjithë kjo përkon natyrshëm me ditëlindjen tuaj. Është koha e duhur që çdo Dash të fillojë diçka të re. Ndonjëherë një plan, projekt apo hobi mund t’ju mbushë me ankth, por shpresa dhe frymëzimi që ju jep është një vlerë… e paçmuar.

DEMI

Demi është një shenjë e Tokës dhe kontakti i tij me natyrën e bën atë të ndihet më i qetë dhe rehat. Një shëtitje në fshat, ecje, skarë apo barbeque jashtë me njerëzit e dashur është mënyra ideale për të festuar Pashkët!

BINJAKËT

Një Binjak bëhet sërish fëmijë në Pashkë! Me shenjën e tij të sunduar nga Mërkuri, zemra e tij do të mbushet me gëzim dhe për këtë arsye, ai do të mbushë me gëzim edhe ata që e rrethojnë. Madje i jepet mundësia të shkojë në ekskursionet e tij, të shoqërohet dhe të kontaktojë me shumë njerëz, gjë që i pëlqen shumë!

GAFORRE

Hëna luan një rol shumë të madh për Gaforren, pasi është edhe planeti i tij sundues, sidomos kur kemi Hënë të Plotë. Pashka për këtë shenjë, përveçse të ngarkuar emocionalisht, është edhe një festë që ai me kënaqësi e kalon me familjen (si gjithë të tjerat gjithsesi), duke respektuar zakonet tradicionale.

LUANI

Në anën e kundërt të Gaforres, është Luani, i sunduar nga Dielli. Kjo është edhe arsyeja pse Luanët ndihen shumë më bukur në ditët e Pashkëve, veçanërisht nëse është me diell. Ata kërcejnë, këndojnë, argëtohen, festojnë, me pak fjalë, me shpirt.

VIRGJËRESHA

Virgjëresha është e lidhur me Virgjëreshën Mari, ndaj Pashkët është periudha kur ana e saj femërore “zgjohet” përsa i përket lindjes dhe kujdesit. Pashkët janë një rast që çdo Virgjëreshë të kujdeset për familjen e saj, të kujdeset për shtëpinë dhe të përqendrojë vëmendjen te gratë e jetës së saj, të cilat nuk janë askush tjetër veçse gjyshja, nëna apo vajza.

PESHORJA

Hëna e parë e Plotë e Ekuinoksit të Pranverës , siç thamë më lart, zakonisht ndodh në shenjën e Peshores, kështu që Peshorja mendon se duhet të heqë dorë nga e kaluara dhe në një farë mënyre “të ecë përpara” në të ardhmen. Pra, Pashkët zakonisht bëjnë një listë të gjërave që ai dëshiron të heqë qafe dhe ai do të jetë i lumtur nëse më në fund mund t’i heqë qafe ato.

AKREPI

Ashtu si një Jezus tjetër, edhe Akrepi “ringjallet” në Pashkë! Në përgjithësi, është një kohë ndryshimi. Tani, nëse këto kanë të bëjnë me një profesion të ri, një marrëdhënie të re ose thjesht rinovimin ose rimodelimin e hapësirës së tij, kush e di?

SHIGJETARI

Pashkët mund të festohen kryesisht nga të krishterët katolikë dhe ortodoksë, por ka ende shumë kultura të largëta që kanë Pashkët e tyre “të ngjashme”. Nëse i përkisni shenjës së Shigjetarit dhe keni mundësi, bëni një udhëtim në një nga këto vende. Përndryshe, udhëtoni brenda Greqisë në një qytet apo fshat që ka zakone të veçanta!

BRICJAPI

Me hyrjen e Diellit në Dashi, Bricjapët mendojnë se është koha për të vendosur synime të reja afatgjata të vogla apo edhe madhështore. Pra, këtë Pashkë, ata janë plot energji dhe vigjilent! Megjithatë, kur vjen puna për ta festuar, ato janë si gjithmonë… klasike!

UJORI

Pashka për një Ujor është koha ideale për të hyrë në kontakt me njerëz që i bëjnë ata të lumtur! Një mbledhje familjare, një piknik, një zakon, madje edhe pjesëmarrja e tij në një grup vullnetarësh do t’i mbushin zemrën me optimizëm.

PESHQIT

Pavarësisht nëse jeni një person thellësisht fetar apo jo, Pashkët është një kohë për ndjekje të mëtejshme shpirtërore. Të mos harrojmë se ai ka një intuitë shumë të fortë dhe tërhiqet lehtësisht në një kërkim të brendshëm. Një bisedë me miqtë apo të afërmit që ai ka mundësi të takojë, këtë festë, mund ta shtyjë të zgjerojë horizontet e tij.

Lifestyle

Disa rregulla që ekzistojnë për një martesë të lumtur

Edhe sinqeriteti i plotë nuk është gjithmonë opsioni më i mirë në martesë. Nuk duhet partnerit t’i rrëfeni secilin detaj nga lidhjet tuaja të mëparshme, sepse kjo kryesisht ngjall krahasime, ndërsa krahasimet nuk mund të sjellin asgjë të mirë.

Të gjithë ne, para se të lidhim martesën, nga nëna dhe gjyshja jonë kemi marrë këshilla për bashkëshortësi të mirë dhe të suksesshme. Por, a janë ato këshilla me të vërtetë të dobishme dhe a duhet në mënyrë të verbër t’i respektojmë?

Ja disa “rregulla martesore” për të cilat shumë revista për femra konsiderojnë se lirisht mund të thyhen. Një nga këshillat që është e vjetër sa edhe vetë pyetja “a është e para veza apo pula”, është këshilla që mos të shkojmë të hidhëruara në krevat.

Është e vërtetë se përderisa grindemi gjatë kohës kur na merr gjumi, kur jemi të lodhura ose nën stres, asgjë e mirë nuk mund të dalë nga ajo grindje.

Nëse jeni në gjendje të dakordoheni se nuk pajtoheni dhe të shkoni në gjumë, e grindjen ta lini kur të jeni më të pushuar dhe me kokë të ftohtë. Edhe sinqeriteti i plotë nuk është gjithmonë opsioni më i mirë në martesë.

Nuk duhet partnerit t’i rrëfeni secilin detaj nga lidhjet tuaja të mëparshme, sepse kjo kryesisht ngjall krahasime, ndërsa krahasimet nuk mund të sjellin asgjë të mirë.

Kur janë në pyetje pushimet, kryesisht rekomandohet që kohën e lirë ta kaloni njëri pranë tjetrit, por problemi mund të krijohet në atë moment kur ju dhe partneri juaj keni komplet kuptime të ndryshme për pushimin. Ju dëshironi të hulumtoni, ai dëshiron të qëndroni në një vend, ju dëshironi në mal, ai në det…

Në këto raste ndoshta është mirë që nganjëherë në pushime të shkoni ndaras, secili në anën e vetë, por jo gjithmonë.

Fëmijët

Një nga gabimet më të shpeshta të çifteve në martesë është ajo që lidhjen e tyre e anashkalojnë sapo arrijnë fëmijët në shtëpi. Nëse në disa raste e veni lidhjen tuaj në rend të parë para fëmijëve, nuk do të thotë se jeni prindër të këqij, por përkundrazi.

Nëse në rend të parë punoni në lidhjen tuaj, kjo nuk është mirë vetëm për ju, por edhe për fëmijët tuaj, sepse rritja me prindër që duhen dhe që mirëkuptohen është një bazament i shkëlqyeshëm për një jetë të lumtur.

“Asnjëherë mos flini në krevat të ndarë” është ajo që po ashtu e dëgjojmë nga ana e atyre që kanë përvojë më të madhe në martesë. Por nëse partneri juaj gërhet me të madhe, rrotullohet ose tërë natën shikon TV, derisa ju përpiqeni të flini, ndoshta në këto raste është më mirë të flini në krevat të ndarë, por të mos lejoni që kjo t’ju ndikojë në jetën seksuale dhe afërsinë fizike.

Edhe për fund, nuk e keni patjetër që çdo çast ta kaloni së bashku. Ideale do të ishte opsioni që të kishit interesime të përbashkëta, por nëse burri juaj do të merret me automobila, ndërsa ju dëshironi më shumë të dilni në natyre – nuk duhet të humbisni guximin për këtë gjë.

Opsioni më i mirë është të shkoni dhe të bëni aktivitete të ndryshme, por po ashtu të gjeni një të përbashkët.

Nuk ekzistojnë rregulla për martesë të lumtur, përshtatni sipas afiniteteve tuaja sepse çdo lidhje, si dhe çdo njeri, është e veçantë dhe e ndryshme.

Lifestyle

Mungesa e gjumit dhe lidhja e tij me depresionin/ Gjithçka që duhet të dini

Mungesa e gjumit është treguar se dëmton funksionin e sistemit imunitar. Shqetësimet e shëndetit mendor, të tilla si depresioni , janë të lidhura fort me cilësinë e dobët të gjumit dhe çrregullimet e gjumit.

Një studim me 2672 pjesëmarrës zbuloi se ata me ankth dhe depresion kishin më shumë gjasa të raportonin rezultate më të dobëta të gjumit sesa ata pa ankth dhe depresion.

Kur jemi të lodhur, aftësia jonë për t’u përqëndruar në detyrat, reflekset dhe kohën e reagimit zvogëlohet.

Qendrat për Kontrollin dhe Parandalimin e Sëmundjeve (CDC) raportojnë se 1 në 25 njerëz ka rënë në gjumë në timon gjatë vozitjes. Ata që flinin më pak se 6 orë kishin më shumë gjasa të binin në gjumë gjatë vozitjes.

Një studim i vitit 2018 zbuloi se njerëzit që flinin 6, 5, 4 ose më pak se 4 orë kishin një rrezik për të shkaktuar një aksident automobilistik që ishte përkatësisht 1.3, 1.9, 2.9 dhe 15.1 herë më i lartë. Ky studim sugjeron që rreziku juaj për një aksident automobilistik rritet ndjeshëm me çdo orë gjumi të humbur.

Në studime të tjera, njerëzit me çrregullime të gjumit gjithashtu raportojnë shkallë më të lartë të depresionit.

Nëse keni probleme me gjumin dhe vini re se shëndeti juaj mendor është përkeqësuar, është e rëndësishme të flisni me profesionistin tuaj të kujdesit shëndetësor.

Lifestyle

Ja çfarë i ndodh trupit gjatë fluturimit me aeroplan

Të marrësh pushim nga puna dhe jeta e përditshme për të udhëtuar është një mënyrë mjaft e mirë për ta rifreskuar mendjen dhe trupin, por nëse keni për të bërë një udhëtim të gjatë me aeroplan, atëherë duhet t’i dini disa rreziqe shëndetësore që shkaktohen nga fluturimi

Një infografikë e lëshuar nga Citybase Apartments tregon se çfarë ndodh saktësisht në trupin tuaj gjatë fluturimit.

Fryrje, të ftohtë, rrahje të parregullt të zemrës dhe një rritje të rrezikut të prishjes së dhëmbëve janë vetëm disa nga sëmundjet për të cilat duhet të përgatiteni para fluturimit tuaj të ardhshëm.

Grafika tregoi gjithashtu se të çoheni në këmbë dhe të bëni zgjatje gjatë fluturimit ndikon që të mos i përjetoni problemet e cekura.

Kjo thuhet në grafikë:

Goja: Atmosfera në kabinë do t’ju dehidratojë në mënyrë natyrale, dhe sigurisht, kjo përkeqësohet nëse pini alkool gjatë fluturimit.

Zemra: Disa udhëtarë mund të vuajnë nga ‘aritmia’, një çrregullim i rrahjes së zemrës. Kjo ndodh sidomos tek ata që kanë shtypje të lartë të gjakut ose që kanë konsumuar kafeinë shumë ose alkool.

Stomaku: Ngjashëm me mushkëritë, stomaku do të zgjerohet në shkallë të lartë, duke shkaktuar dhimbje abdominale dhe kapsllëk. Për ta evituar këtë, qëndroni larg pijeve me gaz.

Këmbët: Të qëndrosh ulur në pozitën e njëjtë për orë të tëra jo vetëm që është e parehatshme por edhe ndikon në formimin e mpiksjeve të gjakut. Një mpiksje mund të ndalojë rrjedhjen e gjakut në këmbë, duke shkaktuar ënjtje dhe zgjerim të venave.

Veshët: Duke u nisur aeroplani, ajri në veshë mblidhet, duke formuar një vakum. Nëse tubat ‘Eustachian’ në veshë bllokohen, shkakton dhimbje në timpanin e veshit.

Hunda: Keni 100 herë më shumë gjasa që të ftoheni gjatë një fluturimi. Kjo për shkak se kabinat janë virtualisht pa lagështi, një atmosferë e përsosur për të shpërndarë grip.

Dhëmbët: Ndryshimet në presionin e ajrit mund të shkaktojnë vrima të vogla të gazit në dhëmbë dhe të ndikojnë në prishjen e tyre.

Mushkëritë: Ajri në kabinë bën që mushkëritë të zgjerohen, duke shkaktuar fryrje. Tek ata që kanë astmë, mund të ketë komplikime të tilla si dështim të mushkërive.

Lifestyle

A e dini se edhe sytë “digjen” nga dielli? Çfarë duhet të bëni për t’i mbrojtur

Ka gjithmonë një pjesë të fytyrës suaj që nuk mbroni si duhet, sytë tuaj. Gjatë dhe pas pushimeve të verës, shumë njerëz ankohen për probleme të syve dhe shikimit. Mjaft persona përjetojnë shqetësime sikur kanë copëza prej qelqi në sytë e tyre. Këto janë shenja që sinjalizojnë fotokeratitin. Fotokeratiti është në thelb një djegie nga dielli në pjesën e përparme të syrit tuaj, që quhet kornea.

Ashtu si djegia e lëkurës nga dielli mund të jetë e dhimbshme, fotokeratiti sjell shqetësime serioze në sy.

Përveç ndjenjës së “copëzave të xhamit”, fotokeratiti shkakton skuqje, shikim të paqartë, ndjeshmëri ndaj ndriçimit dhe në raste të rralla edhe humbje të përkohshme të shikimit. Sa më gjatë t’i ekspozoheni sytë ndaj rrezeve UV, aq më të rënda mund të jenë simptomat, thonë specialistët.

Gjendja, gjithashtu, mund të shkaktohet nga reflektimet nga dielli, kur pasqyrohet në ujë ose shkëmbinj të bardhë dhe rërë.

Për fat të mirë, dëmtimi i syve nga dielli, zakonisht nuk është i përhershëm. Njëlloj si djegiet në lëkurën tuaj, fotokeratiti zgjat vetëm për disa ditë, thonë ekspertët.

Rreziku i dëmtimit të përhershëm është i ulët nëse ekspozimi ndaj rrezeve UV është kufizuar në pjesën e përparme të syrit, te kornea.

Megjithatë, nëse ekspozimi ndaj rrezeve UV ndikon tek retina, që ndodh nëse shikoni direkt në diell, ekziston një rrezik më i madh dhe më serioz i problemeve të përhershme me shikimin.

Ndërsa sytë tuaj shërojnë nga fotokeratiti, ata mund të trajtohen duke përdorur pika të syrit, pika antibiotike, ose pomadë të rekomanduara nga një mjek okulist.

Ashtu si mbroni lëkurën tuaj nga dielli, është e rëndësishme të mbroni sytë tuaj për të parandaluar ndonjë djegie.

Ndërkohë që, pa dyshim, nuk vendosni kremin kundër djegies në sy, por duhet të lyeni gjithmonë kapakun e syve tuaj.

Një studim zbulon se njerëzit kanë tendencë të lënë pa trajtuar me krem kundër djegies rreth 10 për qind të fytyrës së tyre – duke përfshirë zonën e syve.

Lëkura e hollë dhe e ndjeshme rreth syve është zona ku ndodhin 10 për qind të rasteve të kancerit të lëkurës. Prandaj është shumë e rëndësishme të siguroheni që po mbroni të gjithë zonën e syve nga rrezet e dëmshme.