Kryetari i Partisë së Lirisë, Ilir Meta, u shpreh në Syri TV, se Altin Dumanin e kontrollon Edi Rama dhe Engjëll Agaçi.

Meta tha se “reformën në drejtësi e kam bërë unë kur u miratua me 140 vota, ndërsa Rama në bashkëpunim me Lulzim Bashën bënë atë, që zgjodhën Arta Markun si Kryeprokurore me 69 vota”.

“Dum Dumani po prish imazhin e SPAK. Dumani është një administrator i SPAK, nuk ka pse të ketë ndikim te asnjë nga prokurorët. Dumani është bërë një zëdhënës politik.

Ai të më hetojë dhe unë do e hetoj atë brez pas brezi, dhe cilindo që bën presione politike. Nuk është personale që Gjykatat përdoren për ti marrë vulën PD-së, nuk është personale që të tentosh të godasësh Ilir Metën”, tha Meta.

“A është trim, le të thërrasë atje Edi Ramën”, u shpreh Meta.

Kreu i PL-së tha se Dumani e ka tepruar shumë, duke ia përmendur emrin dhe duke i çuar edhe njerëz që të largohet nga Shqipëria.

“Kam menduar dhe kam shpresuar që ky Dumani do të bënte diçka, por e vërteta është që ajo që bëri me gazetarin Elton Qyno është shumë e rëndë, pasi këta bëjnë hetim me regji, ca i fshijnë dhe ca i hetojnë”, tha Meta.

Ilir Meta i ka intensifikuar sulmet e ndaj Altin Dumanit duke mos fshehur as shqetësimin se SPAK do ta fusë në burg ndërsa përmendi edhe sekuestrime florinjsh e pasurish të tij.

E ftuar në “Frontline” Silva Caka drejtuese e marrëdhënieve me publikun në PL u pyet nëse akuzat e Metës vijnë për shkak se ai ka paranoja që SPAK mund ta arrestojë përmendi rastin masës së arrestit caktuar ndaj Sali Berishës që e quajti skenar për të minimizuar opozitën. Ajo la të kuptohej se edhe Meta mund të ketë fatin e Berishës.

Flitet se ky është një lloj inskenimi që po bën Meta, një ndarje rolesh. Një paranojë e tij për akuzat ndaj SPAK apo ka diçka te vërtete?

Silva Caka: Deri tani nuk kemi asnjë lloj paranoje të Metës as për akuzë as për pretenca. Arrestimi i Berishës proces politik, pse të duket habi që të ndodhë ose të tentohet t’i bëhet edhe Metës. A është thirrur gruaja e Beqjas ndonjëherë për tu pyetur? Mos të duket e habitshme që ne e kemi thënë se tentativa më e madhe është për të minimizuar dhe zhdukur opozitën në këtë vend.

Deputetja e Partisë së Lirisë dhe bashkëshortja e llir Metës ka dalë kundër këtij të fundit sa i përket akuzave të ashpra në adresë të SPAK dhe drejtuesit të saj Altin Dumani.

Në një intervistë për emisionin Opinion në Tv Klan, Monika Kryemadhi tha se nuk është peng i askujt, duke ju referuar SPAK-ut.

Duke folur për këtë të fundit, deputetja Kryemadhi u shpreh se Prokuroria e Posaçme nuk është betejë politike e Partisë së Lirisë.

Monika Kryemadhi: Për çfarë i duhet Partia e Lirisë Altin Dumanit? Po pse Altin Dumani dhe jo Prokuroria e Tiranës? Po pse jo gjykata? Pse jo KLP? Pse jo Edi Rama? Pse mo beteja e Partisë së Lirisë është SPAK-u?

Kujtojmë se gjatë 3 ditëve të fundit, Ilir Meta ka bërë akuza të forta në adresë të SPAK dhe kreut të kësaj prokurorie.

Gjatë një interviste televizive deputetja e Partisë së Lirisë Monika Kryemadhi u pyet edhe për ndryshimet statutore që Ilir Meta njoftoi se do të ndërmarrë në parti.

Çfarë do të dalë nga telefoni juaj i sekuestruar?

Kryemadhi: Nga telefoni i sekuestruar do të dalin dashuritë e mia me Edi Ramën

Ajo foli edhe për deklaratat e fundit të Metës për nepotizmin.

Kryemadhi: Nepotizmi i ka zanafillat që në kohën e Partisë Socialiste. E bëri Edi Rama që të mos isha unë me Metën.

Unë mendoj se nepotizmi është argumenti I njerëzve sedentary që duhet të shmangin përgjegjësinë.

Në konvent do kandidoj me mendimet e mia për ndryshimet që kanë lidhje me meritokracinë. Do marrë pjesë në Konvent dhe do t’i ropozojë konventës mendimin tim.

E di që Reformën Zgjedhore Rama do ta dështojë.

Do propozojë që deputetët e Partisë së Lirisë të zgjidhen në bazë të meritokracisë edhe pse Edi rama do ta dështojë Reformën Zgjedhore.

Deputetët të futen në Kuvend në bazë të meritokracisë dhe votave që do të marrin.

Në përfundim të intervistës në Tv Klan gjatë së cilës Monika Kryemadhi foli për ngjarjet brenda Partisë së Lirisë, sulmet e Ilir Metës ndaj SPAK dhe hetimet e këtij të fundit ndaj saj, deputetja e PL iu përgjigj edhe një pyetjeje personale.

Një nga pikëpyetjet më të mëdha është çfarë po ndodh brenda raportit bashkëshortor të Monika Kryemadhit dhe Ilir Metës, përtej ndarjes politike. Përgjigjja e Kryemadhit ishte tronditëse pasi tha se ky raport është i ngrirë.

Pyetja e fundit, është personale megjithëse zgjidhni ju të përgjigjeni apo jo. Si është raporti juaj bashkëshortor me Ilir Metën?

Raporti im bashkëshortor me Metën është një raport për momentin i ngrirë për shkak të konfliktit në parti se sigurisht që brenda familjes tonë, familjes së vogël, ka ndërhyrë njerëz të cilët mendojnë që duke shkatërruar pozicionimet apo lidhjet familjare do të kenë karrierë politike. Mendoj që nuk është hera e parë që unë dhe Ilir Meta kemi këto konflikte. Ne nuk kemi këto konflikte parimore, morale midis njëri-tjetrit. Konfliktet tona janë vetëm konflikte politike.

Të cilat reflektohen edhe në jetën private.

Patjetër që reflektohen sepse në qoftë se ne jemi dy njerëz të cilët punojmë nga mëngjesi deri në darkë në politikë, sigurisht që marrëdhënia është e përditshme edhe në familje. Ajo që mua më bën përshtypje dhe që e them gjithmonë, është që njeriu sa të rrojë do të mësojë. Mendjelehtësia më e madhe si te burrat, edhe te gratë qëndron kur mendojnë që lumturinë e tyre dhe pushtetin e tyre mund ta ndërtojnë duke rrënuar lumturinë dhe familjen e dikujt tjetër, por kjo nuk ndodh. Pse nuk ndodh? Nuk ndodh sepse marrëdhënia morale është shumë më e rëndësishme se marrëdhënia financiare.