Banka e Shqipërisë rrit normën bazë të interesit për kreditë

Inflacioni u rrit në korrik e gusht në nivelin 7.5% deri në 8% dhe do të vijojë të jetë i lartë për të paktën 2 tre mujorët e ardhshëm.

Guvernatori i Bankës së Shqipërisë, Gent Sejko në një konferencë për mediet pasditen e sotme bëri me dije se norma e interesit do të shkojë në 2.5%, pra do të rritet me 0.5%.

Sipas Sejkos, lufta në Ukrainë është burimi kryesor i pasigurisë dhe përshkallëzimi i luftës, mund të çojë në çmime më të larta të mallrave.

“Ekonomia shqiptare do vijojë të rritet në horizont afatmesëm, ndonëse ritmi i rritjes do jetë disi më i ulët. Përkeqësimi i perspektivës ekonomike në Evropë, ndikimi negative që çmimet e larta kanë në fuqinë blerëse të familjes si edhe reduktimi i stimulit fiskal pritet ngadalësojë konsumin familjar dhe investimet e bizneseve në vijim. Niveli i lartë i depozitave, rritja e punësimit dhe e pagave, rritja e kredisë bankare dhe paketat e rezistencës sociale dhe pritet të sigurojnë mbështetje për bilancet e sektorit privat. Informacioni i disponuar sugjeron se balanca e rreziqeve mbi inflacionin qëndron në kahun e sipërm ndërsa balanca e rreziqeve për rritjen ekonomike qëndron në kahun e poshtëm. Lufta në Ukrainë është burimi kryesor i pasigurisë dhe përshkallëzimi i luftës, mund të çojë në çmime më të larta të mallrave, ndërprerje të zinxhirëve të furnizimit dhe në rritje më të ulët ose negative ekonomike rajonale e evropiane. Duke gjykuar Këshilli mbikëqyrës vendosi në mbledhjen e sotme të rrisë me 0.5 % normën bazë të interesit duke çuar në nivelin e 2,25 %, të rrijë 0.5% normën e interesit të depozitës 1 ditore duke e çuar në nivelin e 1.25% dhe të rrisë po ashtu 0,5% normën e interesit të kredisë 1 ditore duke e çuar në nivelin 3.25%.”, tha ai.