Elsa Lila, fituese e Festivalit të Këngës në RTSH

Këngëtarja Elsa Lila është shpallur fituese e Festivalit të Këngës në RTSH. Ajo fitoi vendin e parë me votat e jurisë.

Pas arrestimit si pjesë e një grupi trafiku droge në Itali, Lila u rikthye me këngën “Evita”, pas 25 vitesh, dhe u vlerësua me pikë maksimale nga juria.

Pavarësisht kësaj, Shqipëria do të përfaqësohet në Eurovision 2023 nga Albina dhe familja Kelmendi. Grupi fitoi vendin e parë me votat e publikut, që ishte edhe kriteri për përzgjedhjen e fituesit për këtë vit.

Albina Kelmendi dhe familja e saj do të përfaqësojë Shqipërinë në Eurosong 2023 në Liverpool.

Albina u shpall fituese nga votat e publikut me këngën “Duje” në edicionin 61 “Festivalit të Këngës” bazuar te votat e publikut.

Për herë të parë, kënga që do të përfaqësojë Shqipërinë në Eurovision 2023 u zgjodh vetëm me votat e publikut me anë të SMS-ve. Rezultoi që “Duje” ishte e preferuara e publikut.

Elsa Lila ishte fituese e çmimit të parë të “Festivalit të Këngës”, çmim që u dha nga juria profesioniste; Albina Kelmendi me këngën “Duje” mori çmimin e dytë; ndërsa të tretët u renditën 2 Farm me këngën “Atomike”.