Hetem Ramadani: Kur të rrish me Sali Berishën del ma i mençur se që ke hyrë

Mjeku i mjekësisë alternative, Hetem Ramadani, ka treguar për raportet me ish-presidentin e Shqipërisë, Sali Berisha.

Ramadani e ka vlerësuar Berishën si një intelektual të madh.

“Sala për mu është një intelektual shumë i madh, që kur të rrish me Salën privatisht, më ka ndodh, jo kënaqësi mëson, del ma i mençur se që ke hyrë aty. Tani, politikë kush futet në politikë nuk është Sala më, është politika, pozita…Dhe, kur e ndëgjoj Salën, e shoh që janë dy Sala, ai Sala që unë e njoh dhe ai Sala në politikë, që unë me politikanë gati me asnjë nuk pajtohem”, tha Ramadani, në emisonin “FAKTE me Adnan MEROVCIN” në Klan Kosova.

Tutje ka thënë se përmes Sali Berishës është njoftuar me ish-presidentin, Ibrahim Rugova. Ai thotë se Berisha e do Kosovën.

“Unë e kam dashtë Salën,  edhe nuk ka kosovarë që kur ka ardhë në pushtet që nuk e ka dashtë. Dhe, përmes Salës jam njoftu me Ibrahim Rugovën. Sala për mu është një patriot, e don Kosovën…Nuk jam pajtu në kohën e piramidave, i kam çu fjalë jep dorëheqje se do digjet Shqipëria, nuk më ka besu, ka ndodh ajo që ndodhi…”, ka deklaruar Ramadani.

Ai thotë se ka fjalë që Sali Berisha nuk e ka dashtë Adem Jasharin, por në kohën kur ai ishte në pushtet janë bërë stërvitjet ushtarake të grupeve guerile nga Kosova në Shqipëri, ku në mesin e 55 vullnetarëve ishte edhe komandanti legjendar Adem Jashari. Ramadani thotë se për këto i ka meritat Ibrahim Rugova

Ndër të tjera ai e krahason Sali Berishën me Berluskonin, për më shumë dëgjoni videon e mëposhtme: