REAGIM
Flamur Topi: Lojërat e gabuara të Big Brother Vip
Mbremje e vone e dates 25 Shkurt 2023, ne te vertete sapo ka nisur dita e re e 26- tes!…
Hedh veshtrimin nga dritarja e apartamentit. Ngado, edhe pse teper- teper vone, drita te ndezura, te trazuara nga ndricime blu televizoresh te cfardoshem! Ne pothuajse cdo familje, po ndiqet me plot kurreshtje BBV, nje program dinamik, i gjalle edhe pse brenda mureve te mbyllura thuajse hermetikisht, shume here me shume se nje burg!
Thuajse krejt te zbrazur nga cdo “mjet shpirteror”! As edhe nje televizor te thjeshte, edhe pse brenda per brenda Mbreterise Elektronike te te ndjerit, super te talentuarit, Dritan Hoxha!
por as edhe nje liber, nje gazete, asgje qe te mund te te lidhe me ” Boten e Pertejme”!…
Telefon fiks dhe aq me shume celular, jo se jo!…
Dhe brenda tij, gjithnje e gjithnje me keq, se ne nje burg, nje ambjent 100% i izoluar, teper monoton, ekstremisht stresant!…
Ne cdo minute, ne cdo ore te dites, te njejtat fytyra, thuajse te njejtat biseda( e cfar nuk do te konsumohej 24 ore ne 24, pergjate 60 diteve!). Ndaj, jane te rralle ata banore te BBV, qe ruajne ende, te pakten ne dukje, nje ekuiliber psikik, porse lehtesisht te shperthyeshem (eksplozueshem) ne rastin me te pare; gati te pamotivuar, sikur te paskeshin shkelur papritur e kujtuar, mbi nje mine, diku fshehur ne ambjentet me ngjyra tejet te ndezura, qe s’bejne tjeter gje, pervecse acarojne dhe iritojne edhe me shume sistemin nervor, edhe ashtu tejet te axhituar, te banoreve te BBV!
E perseris, per ato rrethana teper specifike, qe do te kishin cmendur edhe personin me normal e te ekuilibruar, thuajse te gjithe sillen gati si njerez normale, qe ende po mbahen e rezistojne, pa bere ndonje budallallek te qortueshem…
Por, papandehur, tamam atehere kur askush nuk e priste, BUDALLALLEKU ME BRIRE, vjen pikerisht nga ata qe, me te pakten pritej; pikerisht ORGANIZATORET; grupi realizues, skenaristet, dhe ndihmes te tjere te shumte! E theksoj dhe nenvizoj termin nuk pritej, sepse idea e cmendur e lojes se ashtequajtur e LITARIT, lindi, u zhvillua dhe perftoi permasat e nje te ashtequajture shakaje zbavitese, jo brenda ambjenteve te mbrendeshme te BBV, gjithsesi me nje ekuiliber psikik teper delikat e thuajse te cenuar, te perqindjes me te larte te banoreve te saj, me nje mesatare moshe mjaft te re ( nuk e kalon te tridhjetat) por jashte, krejt jashte “Shtepise me te njohur te Shqiperise,” ne kushtet e nje jetese mese normale te se perditeshmes krejt te zakoneshme!
Te gjithe, “organizatoret” paperjashtim, banonin ne kushtet e qeta dhe komode te shtepise vetjake, pa njerez te huaj ngatrruar neper kembe, brenda, ne me pak se 300 metra katrore, ndricuar fort ngacmueshem, dite e nate, krejt te paorientuar per kohen reale, sepse te pakten, kete pershtypje te lene muret shume ngjyreshe, mbushur me reklama zhurme medha, por pa nje ore te vetme, (e drejta me elementare njerezore, e mohuar krejt padrejtesisht) me rrezikun e perplasjeve te forta, thjeshte per nje shikim, apo nje fjale, leshuar paasnje qellim te keq!…
Ndoshta nje dite, do te mundemi te mesojme ideatorin pervers, sajuesin kontravers, te LOJES SE LITARIT!…
Kur u prezantua nga Arbana Osmani, gati pandehem se, banoret te ndare ne dy grupe, duke qendruar ne distance ne fillim te barabarte midis syresh, do te orvateshin me sforcim te skajshem te terhiqnin, apo shtynin njeri tjetrin nga njera ane ne tjetren, porse mjerisht jo!
Mendja e mbrapshte, kish sajuar nje te ashtequajtur loje, qe vinte realisht nga nje kohe skajshem e larget e Mesjetes se herte, fatmiresisht tashme te harruar, qe do te vinte brenda shtepise se banoreve bashkekohas, si nje jehone teper e larget e Skllaverise se erret, qe njerezimi do te kish deshiruar as ndermend t’i shkoje dhe jo me, t’a riktheje!…
Arbana Osmani, fare thjeshte, u komunikon se do te ndahen ne dy grupe, ne mos gaboj prej shtate dhe gjashte banoresh!…
Antaret e cdo grupi, do te lidheshin te gjithe me nje litar te holle dhe do te hynin ne garen e rezistences per plot 24 ore, me njeri tjetrin!…
Aq absurde, iu duk qysh ne hyrje, shpjegimi dhe kerkesa, sa thuajse nuk u kuptua, ose me mire te themi nuk u pertyp nga konkurentet teper te hutuar e konfuze!…
Si do te mund te qendronin lidhur pandaresisht njeri me tjetrin dhe jo pak, por plot 7 vete, ne njerin krah dhe gjashte ne krahun tjeter?!…
Pyetjet nuk rreshtnin! Dhe qene krejt te natyreshme, krejt te priteshme!
Si, ne c’menyre, do te hane, ashtu te lidhur, si do te pijne, si do te urinojne, si do te defekojne, si do te pastrojne fytyren, si do te lajne dhembet, si do te puthen buze me buze, te dashuruarit etj, etj.
Zhurme e madhe, te qeshura, shaka, ngacmime te hapura, debate dhe… shpejt, fare shpejt, per te mos e besuar:
BINDJA E PRITESHME E SHQIPTAREVE! KOKAT E ULURA! KAPITULLIMI!…
Ne fund, paralajmerimi i prere! Kercenues, shantazhues, frikesues deri ne permasat e se pabesueshmes!
Cili grup shkeput lidhjen, futet i teri ne nominim!…
O Zot i Madh , o Perendi!
Te gjithe te rinj, pothuajse nden te tridhjetat, te gjithe te nenshtruar, te lidhur si sklleverit e Mesjetes se hereshme, te gjithe te nenshtruar e te pa fjale; edhe pse po mirreshin shtazerisht neper kembe, po keqtrajtoheshin si qenie te ulta e pa pike personaliteti dhe per cfare?!…
Per 100.000 euro, edhe ato te pergjysmuara fare padrejtesisht nga organizatoret, per lloj lloj kundervajtjesh, me shume te sajuara!…
Deri tani, shuma nga 100.000 euro, ka vajtur afer 50.000 dhe deri ne fund te Marsit, me kete ritem te papermbajtur e te “zellshem” denimesh pasionante, do te katandiset ne disa dhjetra mijra euro!…
E perseri, dhe perseri, koka te ulura! Edhe ne ditet e shume endrruara te lirise se plote, serish pjestaret e rinj te lojes jane te vendosur te durojne pazeshem! Pafundesisht te durojne litaret e BBV!… Lojen e gabuar…
Teksa shkruaj keto rradhe, veshtroj serish pertej dritareve…
12 Mars 2023. E Shtune…
Ka shume drita te ndezura, qe vezellijne ne mesnaten e erret…
0ra 01.00 e mesnates.
Programi i madh i BBV, sapo ka perfunduar, duke lene ciftet, kesaj rradhe jo me te lidhur ne grup, me litarin e skllaverise, por dy e nga dy, nje mashkull dhe nje femer, brenda nje trikoje te madhe, per plot 72 ore, deri te Marten ne ora 21!…
Serish e serish, po ajo mendje seksiste dhe e mbrapshte! E ata, po serish, pranojne koke ulur ( ndokush, duke e marre si shaka, madje edhe me te qeshura, lojen poshteruese!)
Por nese njerit nga te dy i ” vihet per ne banjo, si i behet hallit” …
Pyetje naive! Tani ata e dijne mire! Nga loja e gabuar e litareve te 26 Marsit, kane mesuar c’te bejne!…
Tani, paksa me e lehte!
Qofte edhe nje bigbradhers ne nevoje, nuk eshte e nevojshme t’a shoqeroje i tere grupi, per ne WC!…
Luizit te lidhur i duhet te marre leje vetem nga Olta dhe keshtu anasjelltas!…
WC- ja ja tek eshte! Vetem pak metra larg! Do bejme si do bejme gjate ketyre 72 oreve!… E rendesishme, te vazhdojme luften per 100 mije eurot e pergjysmuara qe, nese nuk bindesh te qendrosh lidhur, brenda nje trikoje gjigande, per tri dite e nete se bashku, si nje trup i vetem, mund te te behen edhe me pak, madje shume me pak…
Cdo gje, absolutisht cdo gje, eshte ne doren e Vellait te Madh! As qe diskutohet e kunderta dhe as vihet ne dyshim… Eshte i njejti model prijesi provincial, ndonese ne miniature!…
Teksa shkruaj, ne kete ore te vone, veshtroj serish pertej dritareve.
Ka ende mjaft drita te ndezura, qe vezellijne ne mesnaten e erret…
Thuajse i tere populli zbavitet, gjen prehje dhe sheh veten ne BBV!…
Sa shume perngjasojne!…
OPINION
‘Kryeministri i shikon vartësit si minj’/ Reagim i fortë nga Endi Tafani
OPINION
“Fajet” e Albinit, si shërbeu Shqipëria për përkëdheljen e Serbisë
Nga Enton Abilekaj
Nuk është e lehtë të kuptohet çfarë ndodh brenda dhomës ku Albin Kurti ulet me orë të tëra përballë Aleksandar Vuçiç. Jo për herë të parë, pjesëmarrësit pas takimit jepnin informacione kundërshtuese, por për herë të parë, Kryeministri i Kosovës, u quajt fajtor edhe nga përfaqësuesi i lartë i BE, Borrell dhe nga lehtësuesi i bisedimeve, Lajçak. Për herë të parë Vuçiç u paraqit kontruktiv dhe vullnetmirë, ndërsa Kurti, ishte i detyruar të replikonte edhe me Lajçak, duke mos e njohur më si palë të tretë, të paanshme.
Një herë e parë jo e papritur. Që nga takimi i parë, kur Vuçiç u shokua nga 5 pikat e Kurtit, ekuilibrat kanë ndryshuar ndjeshëm. Konflikti në Veriun e Kosovës dhe qëndrimi i Përëndimit në favor të Serbisë që dërgoi banditët për të rrethuar komunat, ishte një këmbanë konfirmimi, për të gjithë ata që kishin filluar të dyshonin se përkëdhelja deri në joshje që po i bëhej Serbisë, mund ta sakrifikojë edhe Kosovën. Se ndryshimi i ekuilibrave perëndimore nuk mund të fshihet më kur ka ndryshuar kahje. Replikat e Kurtit me Blinken apo Osmanit me Macron, janë vetëm episode groteske të një përplasjeje krejt të pabarabartë, që konfirmojnë se Kosova është tashmë pa plan, pa aleatë, në një betejë vendimtare.
Nuk dihet sa është përgjegjësia e Kurtit në këtë ndryshim të qëndrimeve perëndimore, por është e vështirë të besohet se sjellja e tij do të përcaktonte strategjinë e Perëndimit në Ballkan. Me kokëfortësinë e tij të vënë në dukje edhe nga liderët perëndimorë, ka tërhequr vëmendjen, ka acaruar nervat dhe ka ndërprerë një projekt, të paktën përkohësisht, por nuk mund të përmbyste kurrsesi një strategji të hartuar në kushtet e rikompozimit të Botës dhe rireshtimit të fuqive të mëdha, që po reflektohet në luftën e Ukrainës.
Serbia që e ka patur gjithmonë statusin e një trupi europian me kokën në Moskë, për herë të parë që nga ekzistenca, po trajtohet si një shtet sovran, si një trup që mund të braktisë kokën, ose ta ndërrojë me një tjetër në Bruksel. Në këtë përpjekje më shumë se të guximshme të Perëndimit, për fat të keq ka ndihmuar edhe Shqipëria.
Që në fillimin e kësaj ideje, Tirana zyrtare, i ka dhënë statusin e një shteti paqësor, sovran dhe europian Serbisë. Takimet e shpeshta me Vuçiçin, më pas projekti për shkëmbimin e territoreve, pastaj iniciativa e Novi Sadit që u shndërrua në Ballkan i Hapur, i dha Vuçiçit statusin e njeriut paqësor, që ndan vlera perëndimore dhe mund të jetë i pavarur nga Putini dhe Beogradi mund të jetë qendra politike e Ballkanit Perëndimor, me kushtin që Tirana të ishte e dyta.
Përveç kësaj, me Ballkanin e Hapur, por edhe më parë me politikat e hapjes ekonomike, Shqipëria i siguroi Serbisë një treg shqiptar për të çliruar energjinë e investimeve të huaja përfshirë Ruset dhe Kinezet në miliarda dollarë. Kështu, flirtimi i hapur i Serbisë me Rusinë dhe Kinën, në vend ta izolonte, e shndërroi Beogradin në qendrën ekonomike të Ballkanit Perëndimor.
Me statusin e qendrës politike dhe ekonomike të Rajonit, Serbia mund të negocionte me Perëndimin më shumë se të dyja shtetet shqiptare. Ky nuk ishte avantazhi i vetëm strategjik që Edi Rama i fali Vuçiçit. Përveç fuqizimit të Serbisë, i dhuroi edhe përçarjen e shqiptarëve. Ai e izoloi Ramush Haradinajn në Berlin, pastaj Thaçin dhe Hotin për Ballkanin e Hapur, deri te konfikti me Albin Kurtin që u shpalos qartë pikërisht në momentin kur Kosovës i duhej më shumë Shqipëria.
Konflikti në Veri e gjeti Kosovën më të vetmuar se kurrë, pasi Edi Rama anuloi mbledhjen e përbashkët të dy qeverive në Gjakovë, duke shënuar sanksionimin e parë të Kosovës.
Sot, kur konstatohet me dëshpërim kapërcimi spektakolar i Perëndimit nga Kosova te Serbia, nuk mund të lihet pa u thënë se një dorë e ka dhënë Shqipëria, të paktën në 8 vitet e fundit, kur ideja e rehabilitimit filloi të hidhej në tregun ndërkombëtar.
Ashtu si tha në Bruksel që nuk duhet bërë presion ndaj Serbisë për t’ i vënë sanksione Rusisë, ashtu si bëri në kulmin e krizës duke sanksionuar Kosovën dhë në analizën e fundit përpara nisjes për në New York, ku shprehu qëndrimin neutral të Shqipërisë dhe paqartësinë e pafajshme të Serbisë, Edi Rama ka ndihmuar, me aq sa ka patur fuqi, që gradualisht të shkohej aty ku jemi sot.
E vetmja mundësi që i ka mbetur Kosovës së vetmuar, është të rezistojë derisa të mos jetë më e njëjta situatë. Të paktën derisa Kosova ta ketë Shqipërinë në krah.
OPINION
Dhuna e fisit Rraja me shkopa bejsbolli/ Dervishi ironizon: Ishte thjesht film
Prokuroria e Tiranës ka lehtësuar akuzën për grupin e fisit Rraja që rrahu me shkopa bejsbolli dy persona, nga “plagosje e rëndë me dashje, në bashkëpunim në “plagosje të lehtë me dashje”.
Në fakt edhe kështu duket se po i bien në qafë personave me “shkopa bejsbolli”, prokurorët e kanë patur kohën e mjaftueshme, sepse çudia më e madhe zgjat vetëm tri ditë! Prokurorët mund të thonin se ishte “keqkuptim” ose ishte një film, me saktë një “skenë filmi”.
Nuk ka patur nevojë prokuroria të priste disa muaj për të administruar ”provat” për të arritur në këtë konkluzion provat janë sheshit dhe i kanë parë të gjithë me përjashtim të prokurorëve sylesh.
E gjitha ka qenë një keqkuptim. Personat me shkopa bejsbolli po luanin film. E xhiruan vetë skenën (provohet lehtësisht kamera, regjia) madje jo vetëm e xhiruan, por edhe e publikuan.
Nëntë persona me shkopa bejsbolli thjesht kanë shkuar për të xhiruar një film, dhe si në çdo film ajo që duket si “rrahje brutale” në fakt është aktrim i klasit të lartë.
Sikundër e panë të gjithë aty kishte edhe një pistoletë, edhe një shkop gome krahas “shkopave të bejsbollit”, u dëgjuan edhe thirrje “vrite, vrite”, ulërima dhe rënkime. Të gjitha këto janë prova të qarta se ka qenë film, ndryshe mos o Zot nuk mund të fyhen kaq shumë 9 burra të armatosur me armë dhe hunj dhe t’u thuhet se keni kryer “plagosje të lehtë”?! Eshtë turp. Njeriu për një burrëri jeton. Vetë te akuzuarit nuk duhet ta pranojnë këtë turp.
Tani që sipas prokurorëve gjenial, kemi të bëjmë me një “plagosje të lehtë”,
a duhet t’i kthehet mandati deputetit Rrahaj?
A duhet të reflektojë kryeministri Rama dhe të kthejë në detyrë ministrin e Brendshëm Çuçi?
A duhet të kthehen në punë policët e përjashtuar, oficerët e policisë të transferuar për një “plagosje të lehtë”?
Po tre personat e shpallur në kërkim a do t’i kërkoj kush falje?
Po media a duhet të kërkojë falje për raportimin?
Po lajmet për nisjen e hetimit ndaj guroreve a duhen përgėnjeshtrua sot?
P.S. Të ndaluarit për këtë ngjarje janë thjesht njerëz të pafat. Nëse viktima e tyre do të ishte ndonjë prokuror, pra prokurori të provonte në kurriz “shkopat e bejzbollit, shkelmat dhe qytën e pistoletës”, atëherë çështja do të zgjidhej me burrni dhe nuk do të ndodhte gjithë ajo tollovi që mori kokën e ministrit të Brendshëm dhe fytyrën e kryeministrit.
P.S. 2. A e dinë prokurorët kaqolë se çfarë është terrori dhe akti terrorist? Është ushtrimi i dhunës si mjet për të perhapur panik dhe frikë…
Aktualitet
E veshur me bikini dhe e mbuluar me çokollatë, imazhi i gruas në restorantin italian shkakton reagime të forta
Një grua me bikini qëndron e shtrirë mbi tavolinë, me trupin e mbuluar me çokollatë.
Kjo ishte panorama që u ofrohej pushuesve në një resort luksoz në Golfo Aranci në Sassari të Italisë. Një turist që kishte zgjedhur këtë resort postoi foton në profilin e tij në Linkedin në 15 gusht, ku i indinjuar thotë se “trupi femëror është shfaqet si objekt”.
Të menjëhershme kanë qenë reagimin në rrjet, teksa njerëzit kritikojnë zgjedhjen e resortit.
“Mbeta pa fjalë duke parë këtë skenë, në tavolinë një vajzë ‘me kostum çokollateje”, e shtrirë mes ëmbëlsirave”, shkruan sipërmarrësi nga Lombardia.
“Si është e mundur që të lejohen sjellje të tilla, ku trupi i një gruaje, i një punëtoreje, barazohet me atë të një enë për të kënaqur syrin djallëzor të dikujt”, shton ai.
Pas postimit të biznesmenit, erdhi reagimi i hotelit, ku kërkon ndjesë dhe shkruan se “jemi të përkushtuar për të ruajtur vlerat e përbashkëta”.
“Kemi lexuar me shumë vëmendje postimin që keni publikuar në lidhje me episodin fatkeq të ndodhur në resortin tonë gjatë mbrëmjes së 15 gushtit. I kërkojmë ndjesën më të sinqertë familjes vajzës dhe të gjithë klientëve. Duam të theksojmë se çdo ditë jemi të përkushtuar për të praktikuar vlerat e deklaruara, ndër të cilat si prioritet është respekti për bashkëpunëtorët dhe mysafirët tanë. Na vjen keq për incidentin dhe dëshirojmë të ritheksojmë me vendosmëri se kurrë nuk kemi pasur qëllim të përfaqësojmë vlera të tjera përveç atyre që përqafojmë me vendosmëri. Ne do të vazhdojmë të punojmë që situata të tilla të mos përsëriten në të ardhmen”, shkruhet në reagimin e hotelit./topchannel
OPINION
Turistët italianë ikën pa paguar/ Dervishi: Pjepri e ka bishtin prapa
-
Pinknews20 hours ago
‘6 ditë në koma, të gjithë doktorët….’/ Mes dhimbjes, Fation Kuqari flet për humbjen e të atit
-
Aktualitet24 hours ago
Policia i gjeti në spital pas sherrit me farmacisten/ Çfarë pa shoqja e dy viktimave në dhomë
-
Pinknews22 hours ago
‘O të hënkshin qentë’/ Nuk ka paqe mes Julit dhe Eglës: Larg qoftë të kesh një grua si ti
-
Politike20 hours ago
Mazhoranca nismë për të kontrolluar SPAK? Mesazhi i fortë i amerikanëve dhe BE për Prokurorinë e Posaçme
-
Aktualitet23 hours ago
Grabitet çifti italian në Vlorë, autorët thyejnë xhamin e ‘Audit’ dhe marrin 2500€
-
Horoskopi11 hours ago
Sjellja juaj kundrejt partnerit do lere shume për te dëshiruar gjate kësaj dite
-
Sport23 hours ago
Dikur ia doli, por tani nuk ka shpresë/ Dorëzohet edhe Emmanuel Macron, Mbappe do të shkojë te Real Madridi
-
Aktualitet23 hours ago
“Kryeministri s’do gjejë mbështetje tek diaspora”/ Burimi: Nuk mund t’i tregohen dhëmbët Greqisë