UÇK, trafikim organesh në Fushë Krujë Bie ‘Shtëpia e Verdhë’…propaganda në veprim 

Ministria e Punëve të Brendshme të Serbisë ka financiuar me mijëra euro një film-dokumentar i cili është publikuar në Radiotelevizionin e Serbisë. Aty flitet për “Shtëpinë e Verdhë” dhe trafikimin e organeve nga pjesëtarë të Ushtrisë Çlirimtare të Kosovës.

Megjithatë, ky film-dokumentar ka kaluar në një nivel tjetër të propagandës. “Shtëpia e Verdhë” me të cilën është hartuar edhe raporti i Dick Martyt, në dokumentarin e ri, paraqitet si një ndalesë, pasi persa thuhet, trafikimi i organeve është kryer në Fushë Krujë, afër aeroportit të Tiranës. Një pretendim krejtësisht i ri, pasi ishte vërtetuar edhe nga Task Forca Hetimore se nuk ka prova që është kryer trafikim organesh.

Dokumentari flet për një numër serbësh të zhdukur, per te cilet flasin familjarë e tyre, por edhe Veljko Odaloviq, kryetar i Komisionit për të Pagjetur në Serbi.

Propaganda serbe përshkruan në detaje pretendimet e tyre të çuditshme si janë arrestuar serbët të cilëve më pas u janë marrë organet.

Në pamjet e dokumentarit shihen aktorë serbë të veshur me uniforma të UÇK-së teksa ndalojnë qytetarë serbë. Më pas shfaqen dy mjekë, teksa kryejnë një ndërhyrje të transplantimit të organeve.