Me maska dhe armë, hajdutët futen në shtëpinë e Messit

Ndërkohë që flitet shumë mbi rikthimin e Messit te Barcelona, “Skifterët” kanë vendosur t’i bëjnë një vizitë vilës së yllit argjentinas në Katalunjë.

Dy hajdutë kanë arritur të depërtojnë në rrethimin e vilës dhe kanë shkuar deri në një nga hyrjet e shtëpisë. Televizioni spanjoll “Antena 3” publikoi një pamje nga kopshti i vilës së superyllit argjentinas, ku shfaqen dy persona të maskuar.

Dy “skifterët” e veshur me të zeza tentuan të hyjnë në shtëpinë e Messit rreth orës 2:23 të natës së djeshme. Ata zgjodhën anën e kopshtit të shtëpisë, duke u përpjekur të hyjnë nga ballkoni dhe dera e garazhit.

Megjithatë, duket se Messi ka arritur të paraprijë një sulm të tillë dhe ka paguar që vila të jetë e sigurt dhe të jetë shumë e vështirë hyrja në të. Kur hajdutët konfirmuan se hyrja është e pamundur, u larguan ashtu si erdhën, pa marrë asgjë me vete.

#EXCLUSIVA

🟠 Asaltan la casa de Leo Messi.#YAS6Abr

Directo ▶️ https://t.co/Zbpc7aiHYM pic.twitter.com/1am6LG30Un

— Y Ahora Sonsoles (@YAhoraSonsoles) April 6, 2023