SHBA ndal nervin e Vuçiç/ Konfirmohet vazhdimi i dialogut

Mesa duket, të trembur nga ndonjë bojkot eventual i marrëveshjeve të Brukselit dhe Ohrit, pas zhvillimit të zgjedhjeve në komunat me shumicë serbe dhe hapjes së rrugës për antarësim në KiE, ambasadori amerikan në Beograd ka takuar Kryediplomatin serb Ivica Daçiç.

Sipas mediave serbe që përcjellin komunikatën e MPJ’së të Serbisë, Daçic ka deklaruar gjate takimit se “Serbia është e përkushtuar për dialog politik, si dhe për forcimin e marrëdhënieve ekonomike dypalëshe me SHBA-të, por është e interesuar edhe për bashkëpunim në të gjitha fushat tjera ku ka potencial dhe nuk është shfrytëzuar në mënyrë adekuate”.

Siç njoftohet, ai ka theksuar përkushtimin e Serbisë për zhvillimin e bashkëpunimit rajonal duke shtuar se ruajtja e paqes dhe stabilitetit mbetet një nga prioritetet kryesore.

“Hill dhe Daçic u pajtuan se vazhdimi i dialogut me Kosovën është mënyra e vetme që do të sjellë rezultate konkrete”, thuhet në njoftimin e Ministrise se Jashtme serbe