Lifestyle

Limon dhe kanellë, një sërë përfitimesh shëndetësore

Limoni njihet për cilësitë që ka në forcimin e sistemit imunitar, për të detoksifikuar trupin, për të trajtuar tretjen, për të përshpejtuar përtharjen e puçrrave, për të minizmuar shenjat në lëkurë dhe për humbje peshe.

Nga ana tjetër, kanella ka shumë admirues për vetitë e saj antimikrobiale, anti-kancerogjene, kontrollon sheqerin në gjak, sindromën e zonës së irrituar, etj.

Duke kombinuar këta dy përbërës, do të përftoni një nga përzierjet më të shëndetshme në planet. Lexoni më poshtë për çfarë e kemi fjalën.

Shërimi i puçrrave ose akneve

Disa pika lëng limoni dhe një lugë çaji kanellë pluhur krijojnë një pastë shumë të efektshme për përtharjen e puçrrave dhe akneve.

Vetitë antimikrobiale të kanellës ndihmojnë në trajtimin e infeksioneve ndërsa aciditeti i butë i lëngut të limonit jo vetëm që përshpejton përtharjen e puçrrave, por eliminon edhe kruajtjet. Thjesht aplikoni pastën dhe lajeni fytyrën me ujë pas 15 minutash.

Lehtëson dhimbjet dhe ënjtjet e kyçeve

Miliona njerëz në gjithë botën vuajnë nga problemet me artritin. Nëse kyçet tuaja janë të prekura nga inflamacioni, janë të ngurtë dhe ju dhembin, atëherë ju limitojnë në lëvizjen dhe aktivitetin fizik të përditshëm.

Në lidhje me këtë problem, mund të përfitoni shumë nga kombinimi i lëngut të limonit me kanellën. Çdo mëngjes, pini një gotë ujë me dy lugë çaji kanellë pluhur, 1 lugë çaji mjaltë dhe një limon të shtrydhur. Kjo përbërje kundra artritit duhet pirë para se të hani mëngjes.

Ndihmon në humbjen e peshës

Në vend që të përdorni suplemente për humbje peshe të cilat shoqërohen nga shumë efekte anësore, kërkoni për produkte natyrale që ndihmojnë në rënien në peshë pa pasoja.

Lëngu i limonit ka veti të shkëlqyera kundra djegies së yndyrave ndërsa kanella rrit shkallën metabolike duke bërë që të humbisni më shumë kalori dhe yndyra. Nëse shtoni lëng limoni dhe kanellë pluhur tek çaji jeshil, do të shihni çudira.

Kollë dhe ilaç kundra të ftohtit

Lëngu i limonit është i pasur me vitaminë C, e cila ndihmon në forcimin e sistemit imunitar dhe për të luftuar infeksionet. Kanella pluhur, nga ana tjetër, është e aftë të vrasë bakteret dhe viruset, shkruan EO. Kjo është arsyeja pse kombinimi i të dyjave ju lejon të merrni veten shumë shpejt nga kolla ose të ftohtit.

Nëse ju dhemb fyti dhe keni bajame të ënjtura, shtimi i mjaltit në këtë përzierje është shumë i rekomanduar.

Eliminimi i vijave të holla dhe rrudhave

Disa nga zgjidhjet më efektive kundra plakjes janë edhe metodat natyrale. Lëngu i limonit dhe kanella pluhur janë në gjendje të kthejnë rininë në fytyrën tuaj.

Krijoni një pastë me disa pika limoni dhe kanellë pluhur. Lëreni në fytyrë disa minuta derisa antioksidantët e limonit të riparojnë dëmtimet në lëkurë dhe vetitë e kanellës në përmirësimin e kolagjenit i cili zhduk rrudhat.

Pastrim i thellë i skalpit dhe i flokëve

Për shkak se lëngu i limonit është shumë i pasur me vitaminë C, është një ilaç i shkëlqyer për të qetësuar skalpin e irrituar. Aciditeti i butë i limonit ndihmon për të eliminuar formacionet e yndyrës dhe për t’i dhënë shkëlqim flokëve. Kanella nga ana tjetër, ndihmon në eksfolimin dhe ushqyerjen e skalpit.

Masazhimi i lëngut të limonit dhe kanellës tek skalpi para shampoos është një mënyrë e mirë për t’i bërë një pastrim të thellë skalpit duke siguruar flokë më të bukur e të shëndetshëm.

Detoksifikim i trupit

Herë pas here trupi ka nevojë për të nxjerrë jashtë toksinat që ka akumuluar në brendësi të tij. Lëngu i limonit është shumë i dobishëm për mëlçinë, organ primar i pastrimit dhe detoksifikimit. Kanella pluhur përmban antioksidantë që neutralizojnë radikalet e lira dhe parandalojnë dëmtimin qelizor. Me kombinimin e të dyjave, nxjerrja e toksinave nga trupi është shumë.

Related Topics:kanellë lifestyle limon ORGANIZMI përfitime shëndetësore shendeti

Lifestyle

Kur duhet të hamë darkë që të mos shëndoshemi

Ngrënia e darkës vonë mund të kontribuojë në shtimin e peshës dhe sheqerit në gjak, sipas një studimi të botuar në Journal of Clinical Endocrinology & Metabolism të Shoqatës Endokrine.

Mbi 2.1 miliardë vlerësohet të jetë numri i të rriturve mbipeshë ose obezë në mbarë botën, duke i bërë më të mundshme problemet shëndetësore si diabeti dhe presioni i lartë i gjakut. Disa studime tregojnë se ngrënia e kalorive vonë lidhet me obezitetin dhe sindromën metabolike.

“Ky studim hedh dritë mbi faktin se si ngrënia e vakteve të mbrëmjes përkeqëson tolerancën e glukozës dhe redukton sasinë e yndyrës së djegur. Efektet e vakteve të mbrëmjes ndryshojnë në mënyrë të konsiderueshme nga njerëzit dhe varen nga ora e tyre e zakonshme e gjumit, gjë që tregon se disa njerëz mund të jenë më të prekshëm se të tjerët. Nëse efektet metabolike që kemi vërejtur me një vakt bëhen kronike, vaktet e mbrëmjes mund të çojnë në pasoja të tilla si diabeti ose obeziteti.”, shpjegon autori i studimit Dr. Jonathan C. Jun i Shkollës së Mjekësisë të Universitetit Johns Hopkins.

Studiuesit studiuan 20 vullnetarë të shëndetshëm (10 burra dhe 10 gra) për të parë se si reagoi metabolizmi kur e hëngrën darkën pas orës 22:00 në krahasim me orën 18:00. Të gjithë vullnetarët shkuan në shtrat në orën 23:00. Prandaj, studiuesit zbuluan se nivelet e sheqerit në gjak ishin më të larta dhe sasia e yndyrës së djegur ishte më e vogël në rastin e vaktit të orës 22:00, edhe kur konsumoheshin të njëjtat ushqime në të dyja rastet.

“Ne duhet të bëjmë më shumë eksperimente për të parë nëse këto efekte vazhdojnë me kalimin e kohës dhe nëse ato shkaktohen më shumë nga sjellje si: gjumi menjëherë pas ngrënies së një vakti apo nga ritmi cirkadian i trupit”, përfundon Dr. Jun.

Por, ajo që është e sigurt, sipas studiuesve, është se sa më herët të hamë darkën dhe sa më e madhe të jetë distanca nga koha e gjumit, rrezikohemi më pak nga një rritje e yndyrës në trup, si dhe e sheqerit në gjak.

Lifestyle

Karakteristikat e njerëzve emocionalë

Njerëzit emocionalë ndjejnë dhimbje, ankth apo gëzim për ato situata që të tjerët i përcaktojnë si të parëndësishme.

Këta njerëz, kanë tendencë të tregojnë emocionet e tyre me lehtësi. nëse emocionet menaxhohen në një mënyrë strategjike dhe të vetëdijshme, mund të jetë një mënyrë e fuqishme për të zhvilluar krijimtarinë, intuitën, urtësinë, ndjeshmërinë ndaj të tjerëve: të gjitha aftësi të dobishme për individin dhe të gjithë komunitetin.

KARAKTERISTIKAT E NJERËZVE EMOCIONALË:

KANË NEVOJË PËR KOHË, QË TË MARRIN NJË VENDIM

Zgjedhjet e tyre bazohen në emocione. Ata duan kohë për të marrë një vendim, pasi udhëhiqen nga zemra.

JANË JASHTËZAKONISHT EMPATIKË

Ditë e keqe? Përvojë stresuese? Një person emocional do të jetë atje për t’ju mbështetur.

JANË TË BESUESHËM DHE REFLEKTUES

Ata janë njerëz të besueshëm dhe reflektues, minimizojnë mundësinë për të gabuar.

KANË NJË JETË EMOCIONALISHT INTENSIVE

Kush është shumë i ndjeshëm kombinon një masë më të madhe informacioni që vjen nga jashtë me ato të botës së brendshme, duke përjetuar një ndjenjë të plotësisë dhe ndryshueshmërisë, që e bën jetën intensive dhe stimuluese.

DËGJOJNË PA RËNË NË KEQKUPTIME

Ata janë të kujdesshëm dhe peshojnë me kujdes pasojat e veprimeve të tyre.

JANË MË TË PRIRË PËR ANKTH

Ky nuk është tipar pozitiv i tyre.

JANË INTUITIVË

Ata e dinë se kur ka diçka të gabuar, edhe në qoftë se ju nuk e thoni.

PËRDORIN KREATIVITETIN E TYRE

Njerëzit me ndjeshmëri të veçantë kanë tendencë të jenë më të vetëdijshëm për gjendjen e tyre emocionale: kjo lejon për shembull artistët, shkrimtarët, muzikantët, aktorët, piktorët, të arrijnë përsosmëri në punën e tyre.

Lifestyle

Si të largoni nga rrobat tuaja njollat e qershive

Tashmë kemi hyrë në periudhën ku janë shfaqur frutat e ndryshme, shumica e të cilave janë të preferuarat e fëmijëve. Luleshtrydhe, qershi, kajsi, pjeshke etj.

Mirëpo, për nënat këto fruta janë disi edhe “dhimbje koke”, pasi nëse bien mbi rroba bëhen automatikisht njolla të vështira. Por për çdo gjë ka një mënyrë. Edhe nëse mbi veshje bie një luleshtrydhe apo qershi, të ashtuquajturat “fruta të kuqe”.

Pra, lexoni më poshtë se si mund t’i hiqni këto njolla:

Gjithçka që ju nevojitet është qumësht dhe limon.

Krijoni një përzierje të pjesëve të barabarta të qumështit dhe lëngut të limonit. Më pas zhytni një sfungjer të pastër në përzierje dhe fërkojeni lehtë njollën me të.

Shpëlajeni me ujë të ftohtë dhe zhytni në 5 litra ujë me një lugë detergjent rrobash. Lëreni për 8-10 orë, pra për një natë të tërë dhe më pas lajeni normalisht në lavatriçe.

Lifestyle

Ja 3 arsye pse disa njerëz refuzojnë të bien në dashuri

Të biesh në dashuri mund të jetë një nga gjërat më emocionuese dhe më përmbushëse që mund t’i ndodhë dikujt. Por, për të arritur këtë destinacion ka shumë “gracka” rrugës që herë janë të paparashikuara dhe herë duhen shmangur për të mbërritur në synimin final, pra emocionet dhe zemrën e dashuruar me një partner/e.

Por, disa syresh thjesht refuzojnë të bien në dashuri dhe për këtë zgjedhje ka disa arsye që qëndrojnë pas.

1. Jeni shumë të fokusuar te pavarësia

Njerëzit e pavarur janë të fortë, ata e dinë se çfarë duan dhe dinë si ta arrijnë atë. Por, sado e bukur të duket liria si personale, financiare apo edhe ajo ndjenjave, sërish vetmia është një mallkim i fshehur. Ata që përkushtohen te pavarësia kanë shumë frikë të jenë “të varur” edhe për gjërat më bazike në jetë, ndaj heqin dorë nga ideja e të qenit çift.

2. Keni frikë të përfshini persona të tjerë në gjërat që i keni arritur vetë

Kur je i/e suksesshme, pse duhet një person tjetër për t’u mbështetur? Ju keni punuar shumë për të pasur jetën që keni ndërtuar për veten tuaj sot. Por, shkaku i vërtetë i statusit beqar është frika për të pasur në shtëpi dikë që do e adhuroni dhe do zaptojë hapësirat për të cilat ju vetë keni investuar ide, para, energji etj.

3. Ju pëlqen të jeni vetëm

Ndoshta, jeni ai tipi i personit që ju pëlqen koha me veten tuaj, pini kafenë në qetësi absolute dhe kjo është zona juaj tipike e sigurisë. Por, të flasësh vetëm për veten dhe të rrish vetëm me veten shpesh sjellë një ndjenjë izolimi. Koha për ju është gjithçka, ndaj nuk lejoni dikë tjetër që ta “pushtojë”./anabrl

Lifestyle

13 ushqimet që s’duhen ruajtur në frigorifer

Të gjithë e ruajmë ushqimin në frigorifer, por jo çdo ushqim është i përshtatshëm për t’u ruajtur në temperatura të ulta. Ka raste që i ftohti përshpejton shpërbërjen ose ndryshon shijen origjinale. Është e vërtetë se shumë produkte ushqimore duhet të ruhen në frigorifer, ndërsa ka disa ushqime të veçanta që kurrë nuk duhet të qëndrojnë në të ftohtë. Më poshtë po ju prezantojmë me një listë produktesh që nuk e “duan” ambientin e ftohtë.

Borziloku
Borziloku nuk mund të ruhet në frigorifer, sepse temperaturat e ftohta e bëjnë të thahet shpejt. Ai gjithashtu ka tendencën të thithë aromat e ushqimeve të tjera në frigorifer.

Domatet
Në qoftë se ruhen në frigorifer, domatet humbasin shijen. I ftohtii i pengon ato të piqen.

Patatet
Patatet përkeqësohen në temperatura të ulëta. I ftohti i bën ato më të pudrosura me miell; niseshteja kthehet në sheqer dhe shija e tyre ndryshon.

Buka
Buka është një nga ushqimet që shumë njerëz e mbajnë në frigorifer dhe ky është një gabim i madh. Me temperaturat e ulëta, buka “plaket” para kohe dhe humbet shije.

Frutat ekzotike
Përderisa bëhet fjalë për fruta që bëhen në klimë të ngrohtë, temperaturat e ulta të frigoriferit nuk bëjnë për to. Ananasi, avokado dhe banania nuk duhet të ruhen në frigorifer, pasi në këtë mënyrë ato dekompozohen.

Qepa dhe hudhra
Qepa dhe hudhra forcohen në frigorifer. I mbani ato në një vend të errët, të ftohtë dhe të thatë.

Pjeshka
Në më pak se 10 gradë pjeshka humb shijen dhe vetitë. Është e preferueshme të mbahet në temperaturë dhome.

Mjalti
Një tjetër gabim është të mbani mjaltin në frigorifer. Mjalti, në sajë të përbërësve dhe pH të tij, ruhet më mirë dhe më gjatë jashtë. Kur ruhet në frigorifer, priret te kristalizohet dhe të humbasë shumë nga vetitë e tij.

Vaji i ullirit
Vaji i ullirit, nëqoftëse ruhet në frigorifer, kondensohet dhe trashet, duke u bërë si gjalpë. Për më tepër, ai humbet shijen e tij origjinale. Ruajeni vajin e ullirit në një vend të ftohtë, larg nga drita.

Çokollata
Kur çokollata futet në frigorifer, në sipërfaqen e saj formohet një shtresë e bardhë, e cila i ndryshon shijen. Kafeja në frigorifer preket nga i njëjti ndryshim me atë të çokollatës.

Drithërat, makaronat, mielli dhe sheqeri
Drithërat, makaronat, mielli, sheqeri dhe ushqime të këtij lloji janë bërë për t’u ruajtur në temperaturë dhome. Nëqoftëse ju i mbani ato në temperatura të ulëta, ata do të humbasin vetitë e tyre, vitaminat, shijen dhe cilësinë.

Disa lloje të proshutës
Ka lloje të ndryshme të proshutave që në frigorifer humbasin shijen e “veçantë” që i dallon ato. Edhe pse kanë karakteristika të ngjashme me mishin, duhet të ruhen në temperaturë dhome.