Connect with us

Kronike

Bilanci i një muaji, policia zbulon sa operacione u finalizuan

Policia e Shtetit ka bërë bilancin e muajit qershor, gjatë të cilit janë finalizuar 116 operacione policore dhe janë arresuar 80 persona të shpallur në kërkim

Përgjatë këtij muaji, falë masave të marra, strukturat e Policisë janë angazhuar maksimalisht mw goditjen e veprimtarive të paligjshme. Gjithashtu, u hartua një plan me masa shtesë, për të garantuar mbarëvajtjen e sezonit turistik.

Gjatë muajit qershor 2023

Gjatë muajit qershor, hartimi dhe zbatimi i planeve të masave nga Policia e Shtetit, siguroi mbarëvajtjen e ndeshjes ndërkombëtare të futbollit që u zhvillua në stadium “Air Albania”, të provimeve të maturës shtetërore dhe të aktiviteteve të tjera kulturore dhe sportive, që janë zhvilluar gjatë këtij muaji, në disa qytete.

Angazhimi, vendosmëria dhe profesionalizmi i strukturave policore çoi në finalizimin e 116 operacione policore dhe në kapjen e 80 shtetasve të shpallur në kërkim për vepra të ndryshme penale.

5 shtetas që ishin shpallur në kërkim ndërkombëtar nga autoritetet italiane, për vepra të ndryshme penale, janë lokalizuar dhe arrestuar në qytete të ndryshme në Shqipëri, gjatë operacioneve të finalizuara falë bashkëpunimit dhe koordinimit të veprimeve me homologët italianë dhe me zyrën e Interforcës italiane në Shqipëri.

Informacionet e siguruara nga inteligjenca policore dhe veprimet e shpejta nga Policia kanë bërë të mundur parandalimin e atentati ndaj një shtetasi që do të kryhej nga një grup kriminal, në Berat.

-Në kuadër të operacionit të koduar “Objektivi”, u sekuestruan 2 armë zjarri me silenciatorë, municion luftarak, mjete dhe sende të paligjshme që do të përdoreshin për realizimin e vrasjes. Policia identifikoi dhe vuri në pranga një shtetas të përfshirë në këtë rast dhe vijon punën për kapjen e 3 pjesëtarëve të tjerë të grupit kriminal.

Gjithashtu, si rezultat i ndërhyrjes në kohë dhe veprimeve te mirëkoordinuara nga shërbimet e Policisë, janë parandaluar 5 ngjarje të tjera në fushën e krimeve ndaj personit dhe janë vënë në pranga 5 shtetas të përfshirë në këto raste.

Muaji qershor ka patur si prioritet edhe goditjen e veprimtarisë kriminale të kultivimit të bimëve narkotike. Në këtë kuadër, me përdorimin e dhjetërave dronëve, janë zhvilluar paralelisht 10 megaoperacione në gjithë vendin, si rezultat i të cilave janë asgjësuar në total 44 620 fidanë dhe bimë narkotike që ishin kultivuar apo po tentohej të kultivoheshin në ambiente të hapura dhe të mbyllura.

Në territorin e qarkut Shkodër, në kuadër të fazave të radhës të megaoperacioneve të koduara “Alpe të pastra”, “Baks” dhe “Mnela”, janë gjetur dhe asgjësuar 16 442 bimë dhe fidanë narkotike që ishin kultivuar në minisera dhe në terene malore.

Në territorin e qarkut Lezhë, në kuadër të megaoperacionit të koduar “Imazhi”, janë gjetur dhe asgjësuar 19 084 bimë dhe fidanë narkotikë që janë gjetur gjatë kontrolllit në fshatra të ndryshme të këtij qarku.

Ndërkaq, për goditjen e veprimtarive të prodhimit, shitjes dhe trafikimit të narkotikëve janë zhvilluar 25 operacione, si rezultat i të cilëve janë sekuestruar në total rreth 4.5 kg kokainë, 23.5 kg cannabis sativa, 1.4 kg heroinë dhe dhjetëra doza të drogave GHB, MDMA, Poppers dhe Ekstazi.

-Gjithashtu, gjatë këtyre operacioneve janë sekuestruar shuma të konsiderueshme parash të përfituara nga shitja e lëndëve narkotike, dhjetëra peshore elektronike për ndarjen e drogave në doza, armë zjarri, armë të ftohta dhe automjete që përdoreshin nga autorët e këtyre veprimtarive kriminale.

Megaoperacioni i koduar “Rrjeti”, që goditi 4 grupe kriminale me aktivitet në fushën e narkotikëve, është treguesi më i mirë i besimit të shtuar të qytetarëve te Policia e Shtetit, si dhe i bashkëpunimit mjaft të mirë mes Policisë dhe organeve ligjzbatuese.

-Gjatë këtij operacioni u vunë në pranga 50 shtetas dhe u shpallën në kërkim 7 të tjerë, si dhe u sekuestruan sasi të drogave kokainë, heroinë, kanabis, armë zjarri dhe shuma të konsiderueshme parash.

Gjthashtu, vlen të përmenden 4 operacione që shkatërruan grupe kriminale për shpërndarjen e lëndëve narkotike në doza.

-Në Vlorë, fazat e operacionit të koduar “Parts” çuan në pranga 9 shtetas të huaj që kishin ardhur si turistë në Shqipëri dhe shpërndanin doza të lendëve të ndryshme narkotike, gjatë sezonit turistik.

Për goditjen e veprimtarisë kriminale të armëmbajtjes pa leje janë finalizuar 8 operacione, si rezultat i të cilëve janë sekuestruar 20 armë zjarri të llojeve të ndryshme, 2 prej tyre me silenciatorë, 5 armë gjahu, 2 armë imituese, municion luftarak, 3 mina me telekomamdë, 60 kallëpe tritoli, 47 kapsolla detonatore, lëndë plasëse e prodhuar në mënyrë artizanale, armë të ftohta, motomjet, skafandra, mjete, veshje kamuflazhi, radio marrëse-dhënëse, dylbi dhe sende të tjera të kundërligjshme.

Operacioni policor i koduar “Amoneks”, i zhvilluar me metoda proaktive, çoi në pranga një shtetas që prodhonte mina me telekomandë, për t’ua shitur në qarkun Lezhë, shtetasve apo grupeve kriminale, për t’i përdorur për krime ndaj personit.

Gjatë muajit qershor 2023, falë veprimeve të thelluara hetimore janë zbardhur një ngjarje kriminale që u raportua si aksidentale dhe 8 ngjarje të tjera në fushën e krimeve kundër personit dhe pronës.

Falë bashkëpunimit me partnerët amerikanë u finalizua operacioni i koduar “PBF”, që goditi veprimtarinë kriminale të dhënies ndihmë për kalim të paligjshëm të kufijve nëpërmjet pasaportave false. Ky operacion shkatërroi rrjetin e falsifikimit të pasaportave diplomatike që përdoreshin për të kaluar ilegalisht drejt Shteteve të Bashkuara të Amerikës.

Për goditjen e rasteve të transportimit të emigrantëve nga vendet e treta, kundrejt pagesave, për kalimin ilegal të kufirit shtetëror, me destinacion final vendet e BE-së, janë zhvilluar 10 operacione në të gjithe vendin. 15 automjete me të cilat transportoheshin emigrantët dhe shuma parash të përfituara nga kjo veprimtari kriminale, janë sekuestruar nga Policia.

Për paligjshmëritë në fushën e krimeve ekonomike janë finalizuar 11 operacione dhe janë goditur 134 raste.

Si rezultat i operacioneve për goditjen e veprimtarisë së kundërligjshme të lojërave të fatit janë sekuestruar 18 kompjutera, celularë, tavolina pokeri dhe aksesorë të ndryshëm që përdoren për këtë veprimtari.

Gjatë operacioneve të tjera në këtë fushë janë sekuestruaar 467 monedha si ato prej floriri, shuma të ndryshme parash dhe 10 aparate celulare. Gjithashtu është konfiksuar një apartament me vlerë 120 000 euro, në pronësi të një shtetasi me precedent kriminal.

7 operacione janë finalizuar për zbardhjen e rasteve të vjedhjeve në banesa dhe në subjekte të ndryshme private dhe për vënien e autorëve përpara përgjegjësisë penale.

-Janë sekuestruar 1 kasafortë dhe shumë parash që ishin vjedhur në banesa, si dhe sende të ndryshme të përdoruara nga autorët gjatë vjedhjeve.

Gjatë muajit qershor ka patur një vëmendje të shtuar edhe për evidentimin dhe parandalimin e krimeve mjedisore, sidomos për parandalimin e ndërtimeve pa leje në zonat bregdetare, ato muzeale apo brenda vijës së verdhë në qendrat urbane.

Në të gjithë vendin janë evidentuar dhjetëra raste të ndërtimeve pa leje, të prerjes së paligjshme të pyjeve dhe të gërryerjes së lumejve për marrjen e interteve.

-Për këto raste, Policia ka sekuestruar 3 ekskavatorë, 3 kamionë dhe 8 automjete që përdoreshin për këto veprimtari të paligjshme.

Gjatë muajit qershor ka nisur operacioni i koduar “Plazh i lirë”, për lirimin e hapësirave publike për pushesit. Gjatë fazës së parë u sekuestruan më shumë se 836 shezlongë dhe çadra dhe u vunë në hetim 4 administratorë subjektesh që kishin zënë hapësirën publike, duke vendosur çadrat dhe shezlongët, pa lejen përkatëse.

Gjithashtu, shërbimet e Policisë kanë ushtruar kontolle në lokale dhe në ambiente të tjera që ofrojnë aktivitete me muzikë, në zbatim të planit të masave të hartuar për monitorimin e orarit të lejuar për vënien e muzikës, me qëllim parandalimin e ndotjes akustike, që në disa raste është denoncuar në strukturat e Policisë, nga qytetarët. Për 21 raste të tilla të evidentuara janë proceduar penalisht administratorët e subjekteve dhe janë sekuestruar pajisjet që gjeneronin muzikën.

Po gjatë muajit qershor, shërbimet e Policisë kanë reaguar menjëherë, me korrektesë dhe humanizëm, për ofrimin e ndihmës për 21 turistë nga shtete të ndryshme, të cilëve iu rrezikohej jeta në det dhe në terrene malore të thepisura, në disa qytete të vendit.

Shërbimet e Policisë Rrugore, të mirëpajisura me fjalën e fundit të teknologjisë, kanë intensifikuar monitorimin e akseve rrugore, gjatë sezonit turistik, me qëllimin e vetëm, parandalimin e aksidenteve rrugore dhe lëvizjen e lehtësuar të përdoruesve të rrugës.

-Gjatë muajit qershor janë vënë në pranga 168 drejtues mjetesh, nga të clët 97 për drejtim të mjetit, në gjendje të dehur dhe 71 për drejtim të mjetit, pa leje drejtimi.

-Gjithashtu, janë pezulluar 607 leje drejtimi, nga të cilat 429 për tejkalim të normave të shpejtësisë, 114 për drejtim mjeti, në ndikimin e pijeve alkoolike dhe 64 për qarkullim në sens të kundërt me lëvizjen.

Policia Kufitare ka intensifikuar kontrollet në të gjitha pkk-të e vendit, të bazuara në analizat e riskut, me qëllim qarkullimin e lirë dhe të sigurtë të shtetasve, mallrave dhe shërbimeve, si dhe për garantimin e një sezoni turistik të sigurtë dhe të qetë.

Si rezultat i fuksionimit  të Njesisë  Policore Detare, është rritur ndjeshëm siguria detare përgjatë muajit qershor, pasi falë reagimit në kohë dhe me profesionalizëm të kësaj njësie, ka një kontroll më të mirë ndaj mjeteve lundruese dhe rritje të forcës goditëse ndaj paligjshmërisë.

Në këtë kuadër, në zbatim të masave të ndërmarra për zbatimin e ligjit dhe të rregullave të lundrimit, janë kontrolluar 321 mjete të ndryshme lundruese, përgjatë gjithë vijës bregdetare të vendit.136 mjete lundruese u bllokuan pasi drejtoheshin në kundërshtim me ligjet dhe me rregullat e lundrimit.

-Për drejtuesit e mjeteve lundruese të bllokuara u vendosën masat administrative nga 10 000 deri në 100 000 lekë të rinj.

Rreth 184 600 euro të padeklaruara në pikat e kalimit kufitar, u sekuestruan si rezultat i kontrolleve me shërbime të shtuara dhe me asistencën e pajisjeve të teknologjisë bashkëkohore.

Operacioni policor i koduar “Entry”, i zhvilluar mbi bazën e inteligjencës policore, çoi në pranga një shtetas që kishte fshehur në tavanin e autobusit që drejtonte, 8 paketime me 99 700 euro në total.

Gjithashtu, janë goditur: 2 raste të trafikimit të lëndëve narkotike, 49 raste të kalimit të paligjshëm të kufirit, 8 raste të përdorimit të dokumenteve false për të kaluar kufirin dhe 3 raste të trafikimit të mjeteve.

Të gjitha strukturat e Policisë së Shtetit, në qendër dhe në qarqe, vijojnë kontrollet në terren dhe sigurimin e informacioneve, me qellim parandalimin e ngjarjeve kriminale dhe kapjen e shtetasve të shpallur në kërkim.

Veçanërisht, shërbimet e Policisë do të angazhohen maksimalisht për monitorimin e përdorimit të mjeteve lundruese, për evidentimin e rasteve të ndotjes akustike, të zënies së hapësirave publike dhe të krimeve mjedisore, me qëllim garantimin e sigurisë dhe qetësisë për pushuesit.

Vëmendje e veçantë do t’i kushtohet shërbimit sa më cilësor që do t’i ofrohet në pikat e kalimit kufitar, vizitorëve, turistëve dhe qytetarëve që hyjnë dhe dalin nga vendi ynë, si dhe shtimit të vigjilencës në pikat e kalimit në kufirin e gjelbër dhe në atë blu, për parandalimin dhe goditjen e kirmeve ndërkufitare që mund të zhvillohen duke përfituar nga fluksi i madh gjatë sezonit turistik.

Njëkohësisht, angazhimi dhe përkushtimi i shërbimeve policore do jetë më intensiv në drejtim të bashkëpunimit me partnerët, angjecitë ligjzbatuese brenda dhe jashtë vendit, për kapjen e personave në kërkim, evidentimin dhe goditjen e krimit të organizuar dhe të çdo paligshmërie tjetër, me qëllimin e vetëm sundimin e ligjit në të mirë të qytetarëve të vendit tonë, të rajonit e më gjerë.

Kronike

Kush është zyrtari që pastroi 2.1 mln dollarë në prona duke përdorur familjarët?

Miliona euro dhe dollarë, që dyshohet se vinin nga bota e krimit, janë pastruar në sektorin e pasurive të paluajtshme nga zyrtarë publik. Skemat e përdorura ishin thuajse të njëjta, janë blerë prona me para burimi i të cilave nuk justifikohej, dhe më pas shiteshin tek persona të tjerë.

Agjencia e Inteligjencës Financiare, në raportin vjetor 2023, ka identifikuar 7 skema pastrimi parash e korrupsioni, ku volumi më i madh i parave të pista është kanalizuar në sektorin e pasurive të patundshme.

Sipas raportit, një funksionar në një institucion shtetëror, i cili është arrestuar vjet për shpërdorim detyre dhe lidhje të mundshme me krimin e organizuar, së bashku me familjen e tij, brenda 7 vitesh kanë nënshkruar kontrata porosie duke investuar në pasuri të paluajtshme si njësi shërbimi dhe apartamente në vlerë totale rreth 1.5 milion dollarë.

Po ky zyrtar ka porositur po në të njëjtën kompani ndërtimi disa prona së bashku me një ortakun e tij me vlerë 600,000 USD, të cilat i ka paguar paraprakisht, duke thënë se burimi i të ardhurave është “fitimi nga biznesi dhe të ardhurat e siguruara nga emigracioni”. Në total, zyrtari sipas Agjencisë së Inteligjencës Financiare ka pastruar 2.1 milionë dollarë.

Por nga verifikimet e kryera ka rezultuar se burimi i të ardhurave nuk justifikohet. Për këtë arsye menjëherë pas nisjes së hetimeve ky person dhe familjarët e tij, kanë nënshkruar kontrata të njëpasnjëshme revokimi të këtyre kontratave të porosisë së pronave, me qëllim që të shmangnin sekuestrimin e tyre.

I ngjashëm është edhe rasti i një funksionareje publike, e cila sipas raportit gjatë viteve 2014 – 2018, ka investuar në pasuri të paluajtshme 270,000 euro, edhe pse nuk ishte e punësuar.

Ndërsa prej 2018 ka marrë funksion publik, dhe gjatë periudhës 2020-2023 ka blerë njësi shërbimi, apartamente dhe vilë me vlerë 1.4 mln euro, në total në të dyja rastet, 1.6 milionë euro. Burimi i të ardhurave i deklaruar prej saj ishte biznesi, por në fakt fitimet nuk i justifikonin këto investime.

Nga verifikimet është identifikuar lidhja e saj e ngushtë me një person të dyshuar si i përfshirë në trafikim të lëndëve narkotike, për këtë arsye rasti u dërgua për investigim të mëtejshëm, në organet e zbatimit të ligjit

Continue Reading

Kronike

Kryente marrëdhënie me vajzën e tij të mitur prej 4 vitesh, arrestohet 48-vjeçari në Kavajë

Një 48 vjeçar nga Kavaja ka rënë në prangat e policisë pasi akuzohet se ka kryer marrëdhënie seksuale me vajzën e tij të mitur.

Ka qenë 15 vjeçarja që ka denoncuar të atin Bledar Rako se ka abuzuar seksualisht me të gjatë katër viteve të fundit.

“Si rezultat i veprimeve të para hetimore, u vu në pranga shtetasi B. R., 48 vjeç, banues në Golem, për veprën penale “Marrëdhënie seksuale ose homoseksuale me të mitur””, theksojnë uniformat blu.

Sakaq, vijon puna hetimore për dokumentimin e plotë ligjor të këtij rasti ndërsa materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

Continue Reading

Kronike

Kryepolici i Lezhës spiunonte Guardia di Finanza’ tek trafikantët

Henerigert Mitri ishte drejtor i Policisë së Lezhës, por detyrën e tij që duhet të ishte në shërbim të komunitetit e kishte vënë në dispozicion të krimit. Në vend të kryepolicit ai bënte më mirë drejtimin e kultivimit të kanabis sativa në qark. Kryepolici, kishte i pari akses si drejtor policie për koordinatat që Guardia di Finanzia do të bënte për kontrollet nga ajri dhe më pas nxirrte urdhrat për kryerjen e tyre.

Por, para se t’i firmosë këto urdhra për kontrolle, Mitri komunikonte me vartësin e tij, shefin e anti trafiqeve Klodian Shahinin për ta pyetur se ku janë vendet që kanë mbjellë kanabis dhe para se Guardia Di Finanza të fluturonte mbi to, hiqen bimët narkotike dhe trafikantët largohen.

Në këtë skemë trafiku, Mitri ishte bashkë më Klodian Shahini e antitrafikut, ndërsa një prej bashkëpunëtorëve të ngushtë ishte edhe Elson Reçi, i fisit të Reçëve në Rrëshen. Shahini bashkëpunon me persona të tjerë për kultivimin e kanabis sativa, siç është rasti i një parcele në Livadhas në Mirditë.

Ndërkohë, Henerigert Mitri, në një rast mori policinë e Mirditës që të ndryshonte vendin e kontrolleve pasi ishin pranë banesës së një trafikanti që ishte bashkëpunëtor me Klodian Shahinin, Pjetër Kola. Ndërkohë, në përgjimet e SPAK del hapur shqetësimi që kanë trafikantët për largimin e Mitrit nga detyra, pasi u iku një bashkëpunëtor. Ish-drejtori i Policisë Lezhë kishte komunikim të vazhdueshëm edhe me biznesmenin Pëllumb Gjoka, i cili u arrestua për dosjen “Metamorfoza”, dhe i jepte garanci për biznesin e tij. Në një komunikim mes të dyve, Henerigert Mitri i thotë Pëllumb Gjokës që t’i komunikojë drejtorit të hipotekës që të shkojë ta takojë se do i thoshte që të ruhet, çfarë tregon se Mitri u shërbente të gjithëve.  Më pas e komunikon pas disa ditësh sërish me Gjokën dhe i thotë se ai nuk e kishte falendëruar për punën që i kishte bërë.

Mitri dhe Gjoka bashkëpunuan me njëri-tjetrin për ushtrimin e lojërave të fatit në bar kafe “Meduza”, duke e siguruar Gjokën se sa të ishte drejtor mund ta bënte punën pa problem. Nga një kontroll i befasishëm që i ishte kryer dhe që drejtori nuk kishte dijeni, Gjoka ishte mërzitur dhe drejtori Mitri e ndihmoi dhe u interesua deri në përfundimin e procesit gjyqësor. Ish-drejtori i Policisë së Lezhës që ishte emëruar për të luftuar krimin në atë qark, në fakt udhëzonte Gjokën edhe se ku duhet t’i jepte paratë ryshfet, deputetëve në Tiranë që të mos bënin kontrolle.

Nga ana tjetër sipas SPAK, Klodian Shahini shërbente jo vetëm për trafikun e drogës por kishte dijeni edhe ngjarje edhe më të rënda kriminale, si atentatet. Shihi kontrollonte targat në sistem se kush i kishte dhe për këtë informonte Elson Reçin, me të cilin në aplikacionin “SkyECC” fliste edhe vetë drejtori Mitri. Shahinit i del emri dhe në atentatin që Reçi i bëri Preng Gjinit, me shpërthimin që tronditi Tiranën shtatorin e vitit 2020. Reçi e informonte Shahinin se ishte afër eliminit të Gjinit, atentat që do ë bënte vetë pasi Nuredin Dumani i kishte kërkuar 200 mijë euro nga 150 mijë maksimumi që ai kishte ofruar.

Për dy ish drejtuesit në policinë e Lezhës rëndojnë shumë akuza, ndërsa vetëm këtë të hënë, 20 maj, kryepolici Rrumbullaku vendosi përjashtimin e tyre nga uniforma e policisë, të cilën e shfrytëzuan për vite në shërbim të krimit.

I zbuloi Sky – ECC, përjashtohen nga policia dy efektivë! Kur ishin drejtues organizuan e drejtuan kultivimin e kanabisit e lojrat e fatit në Lezhë, Krujë

TIRANE- Me urdhër të drejtorit të Policië së Shtetit u përjashtuan nga radhët e policisë, dy efektivë, njëri me gradë drejtues e tjetri me gradë komisar, të cilët në vitin 2020 ndërsa kishin funksione drejtuese në Policinë e Lezhës bashkëpunonin me anëtarë të grupeve kriminale për të organizuar dhe drejtuar kultivimin e kanabisit por dhe të lojrave të fatit.Bëhet fjalë për Henerigert Mitrin, i cili në 2020 në Lezhë ka pasur detyrën e Drejtorit të Policisë së Lezhës dhe Klodian Shahini, atë vit ka pasur detyrën e shefit të Seksionit të Trafiqeve të Paligjshme dhe Narkotikëve në Drejtorinë Vendore të Policisë Lezhë.

“Drejtori i Përgjithshëm i Policisë së Shtetit, Drejtues Madhor Muhamet Rrumbullaku, firmosi masën disiplinore “përjashtim nga policia” për dy punonjës, për të cilët Gjykata e Posaçme e Shkallës së Parë për Korrupsionin dhe Krimin e Organizuar ka caktuar masë sigurimi personal. Përjashtimi i tyre nga Policia e Shtetit është bërë për veprime korruptive, sjellje të rëndë diskretituese, shkelje të rëndë të atributeve, shkelje të kompetencave të policisë dhe mosbindje të rëndë” informoi sot policia e Shtetit.

Dy emrat e tyre u zbuluan më 18 maj, në kuadër të megaoperacionit që SPAK ndërmori për shkatërrimin e 7 grupeve kriminale që vepronin në qytete të rëndësishme të vendit.

Sipas SPAK.Mitri me Shahinin dhe persona të tjerë, drejtonin aktivitetin kriminal të kultivimit të narkotikëve, në qarkun e Lezhës, ndërsa në bashkëpunim me Preng Gjinin, Mitri organizonte aktivitetin e paligjshëm të lojërave të fatit në qytetin e Lezhës.

Jo vetëm kaq Klodian Shahini, me detyrë me detyrë Shef i Seksionit të Trafiqeve të Paligjshme dhe Narkotikëve në Drejtorinë Vendore të Policisë, Lezhë, si pjesë e grupit të strukturuar kriminal ndihmonte shtetasin Edison Reçi, duke i dhënë informacion në lidhje me automjetet dhe hyrje-daljet e shtetasit Preng Gjini.

Po kështu dy zyrtarët e policisë kanë bashkëpunuar me vëllain dhe kushëririn e deputet Eduard Ndreca, Armando dhe Elvis Ndreca, duke i favorizuar në kultivimin e bimëve narkotike në zonën e Kashnjetit. Veprimtaria e tyre i zbuluar nga zbardhja e komunikeve në Sky.

Aktualisht Mitri kishte detyrën e shefit të sektorit të Analizës së Riskut, në Drejtorinë e Menaxhimit dhe Drejtimit, në Departamentin për Sigurinë Publike. Ndërsa Shahini kishte detyrën e shefit të Seksionit të Policimit në Komunitet dhe Shërbimit ndaj të Tretëve, në Drejtorinë Vendore të Policisë, Dibër,

Përjashtimi

Bazuar në ligjin 108/2014 “Për Policinë e Shtetit” dhe Rregulloren e Policisë së Shtetit, u vendos përjashtimi nga policia për:

Drejtues Henerigert Mitrin, me detyrë shef i Sektorit të Analizës së Riskut, në Drejtorinë e Menaxhimit dhe Drejtimit, në Departamentin për Sigurinë Publike, pasi më datë 15.05.2024, Gjykata e Posaçme e Shkallës së Parë për Korrupsionin dhe Krimin e Organizuar ka caktuar ndaj tij masën e sigurimit personal “arrest në burg”, parashikuar nga neni 238 i Kodit të Procedurës Penale, i dyshuar për kryerjen e veprave penale “kultivim i bimëve narkotike, kryer në bashkëpunim”, “grup i strukturuar kriminal”, “pjesëmarrje në grup të strukturuar kriminal”, “korrupsion pasiv i personave që ushtrojnë funksione publike”, “organizimi ose ushtrimi i veprimtarisë së lojrave të fatit në kundërshtim me ligjin” dhe “shpërdorim i detyrës”, parashikuar nga nenet 283/1, 28/4, 333/a/1, 334, 259, 197/3 dhe 248 të Kodit Penal.

Komisar Klodian Shahini me detyrë shef i Seksionit të Policimit në Komunitet dhe Shërbimit ndaj të Tretëve, në Drejtorinë Vendore të Policisë, Dibër, pasi më datë 15.05.2024, Gjykata e Posaçme e Shkallës së Parë për Korrupsionin dhe Krimin e Organizuar ka caktuar ndaj tij masën e sigurimit personal “arrest në burg”, parashikuar nga neni 238 i Kodit të Procedurës Penale, i dyshuar për kryerjen e veprave penale “sigurimi i kushteve dhe i mjeteve për të kryer vrasje”, kryer në formën e veçantë të bashkëpunimit, atë të grupit të strukturuar kriminal, “grup i strukturuar kriminal”, “pjesëmarrje në grup të strukturuar kriminal” dhe “kultivimi i bimëve narkotike”, kryer në formën e bashkëpunimit atë të grupit të strukturuar kriminal, parashikuar nga nenet 80, 284, 28/4, 333/a/1 e 334 të Kodit Penal.

Pas firmosjes së urdhrave të përjashtimit, Drejtori i Përgjithshëm i Policisë së Shtetit, Drejtues Madhor Muhamet Rrumbullaku, u shpreh:

“Në radhët e Policisë së Shtetit nuk do të ketë vend për askënd që shkel ligjin dhe, më keq akoma, bashkëpunon me grupet kriminale. Falënderoj Prokurorinë e Posaçme kundër Korrupsionit dhe Krimit të Organizuar dhe Byronë Kombëtare të Hetimit për bashkëpunimin profesional në përpjekjet e përbashkëta për goditjen e krimit të organizuar dhe vënien përpara drejtësisë të kujtdo që tenton t’i shmanget asaj”.

Emrat e dy efektivë rezultojnë në mesin e 50 emrave pjesë e megaoperacionit të SPAK për të goditur shtatë grupe kriminale me shtrirje gjeografike në qytetet kryesore të Shqipërisë. Në kuadër të operacionit të ndërmarrë më 17 maj rezultojnë 20 persona të arrestuar nga 50 urdhëarreste të firmosura nga SPAK.

SHQIPTARJA.COM

Continue Reading

Kronike

Shqiptari tenton të pë*dhunojë 53-vjeçaren/ Zbardhet dëshmia: Më mori me forcë, më grisi rrobat

Një 53-vjeçare ka përjetuar momente terrori kur është sulmuar nga pronari i një apartamenti në Petralonë, i cili tentoi ta përdhunonte.

Sipas protothema.gr, gruaja duke shkoi për të punuar në banesën e burrit me origjinë nga Shqipëria. Ky i fundit sulmoi 53-vjeçaren, i grisi rrobat, e rrahu dhe tentoi ta përdhunonte.

“Më mori me forcë, më grisi rrobat. Tentoi që të më përdhunonte. Ishte i dehur. Unë kisha forcë dhe rezistova”, ka treguar 53-vjeçari për Star.

Në vendngjarje kanë mbërritur efektivët e policisë të cilët kanë arrestuar autorin ndërsa gruaja është dërguar në spitalin e Nicës.

“E kam kapur dhe dola nga shtëpia. Më pas erdhi ambulanca dhe më çoi në spital. Shkova për të pastruar shtëpinë dhe për pak rashë viktimë e përdhunimit”, shtoi ajo.

 

Continue Reading

Kronike

Romancë me vrasësin famëkeq shqiptar? Modelja e njohur del në dosjen e SPAK

Nuk është hera e parë që emrat e vajzave të njohura të showbiz-it shqiptar të dalin në dosje hetimore që lidhen me personazhe krimi të shumëkërkuar nga autoritetet. Këtë herë në “kurthin” e SPAK duket se ka rënë modelja dhe njëkohësisht ish-Miss Universe Albania, Trejsi.

Kjo për shkak se bukuroshja shqiptare e cila vitet e fundit ka jetuar mes Amerikës dhe Shqipërisë është përfolur për lidhje me Leonard Dukën, kreun e klanit Duka, megjithëse nuk e ka konfirmuar asnjëherë publikisht.

 

 

Megjithatë u desh një megaoperacion i Prokurorisë së Posaçme Anikorrupsion që e vërteta të dilte. Në dosjen hetimore thuhet se Duka i lë porosi një prej ushtarëve të tij, Drianto Bardhit që t’i nisë 500$ Trejsi Sejdinit, e cila ndodhej në New York. Paratë, sipas dosjes janë dërguar në emër të Drianto Bardhit dhe i ka pritur miku i modeles, fotografi Klevin Halili.

 

 

Në dosje zbardhet gjithashtu dhe një udhëtim që Trejsi Sejdini ka bërë me Leonard Dukën me të cilin ka  kaluar në pikën e kalimit kufitar Morinë, më 10 shkurt të vitit 2019.

Pjesë nga dosja:

81 I. Me date 10.07.2020 Leonard Duka komunikon me Drianto Bardhi te cilit i referohet me pseudonimin “bace”, i jep porosi qe te shkoj ne Eestern Union dhe t’i nis 500$ Trejsi Sejdini ne Nee York. Ne vazhdimesi Leonardi i shkruan qe parate t’i nise ne emrin e Klevin Halili. Drianto i dergon fotografi te dergeses qe ka kryer, ku dallohet emri i derguesit Drianto Bardhi dhe prites shtetasi Klevin Halili.

Referuar verifikimeve te kryera ne sistemin TIMS për shtetasen Trejsi Sejdini ka rezultuar qe kjo shtetase me date 10.02.2019 ka udhëtuar bashke me shtetasin Leonard Duka me automjetin me targa AA843VU duke kaluar ne piken e kalimit kufitar Morine.

Nga ana e Prokurorisë së Posaçme u kërkua ne burimet e hapura për shtetasen Trejsi Sejdini dhe shfaqen artikuj mediatik ne lidhje me faktin qe kjo shtetase është lidhje e shtetasit Leonard Duka.

Leonard Duka njihet si njeriu që ka urdhëruar dhe organizuar vrasjen e Santiago Malkos, krahut të djathtë të Ervis Martinajt. Trejsi Sejdinit i është sekuestruar dhe një automjet në atë kohë, që sot është vënë në dispozicion të Policisë Rrugore.

Continue Reading
Advertisement

TRENDING