Sport
Bota e futbollit në zi, ndahet nga jeta fitues i Topit të Artë
Ndahet nga jeta në moshën 88-vjeçare Luis Suarez Miramontes, legjendë e futbollit dhe i vetmi spanjoll i lindur në Spanjë që ka fituar Topin e Artë.
Lajmi e dha i pari klubi i Interit, ku ai kaloi një pjesë të madhe të karrierës së tij.
Spanjolli, i cili la fillimisht gjurmë te Barcelona, luajti në Itali midis 1961 dhe 1973 me Interin dhe Sampdorian. Pikërisht në ekipin gjenoves përfundoi karrierën si futbollist, para se të niste si trajner.
“Një talent unik dhe një tifoz i madh i Interit. Numri 10 i Interit të Madh që i çoi ngjyrat tona në çatinë e Italisë, Evropës dhe botës. Nëse nuk dini çfarë të bëni, jepini topin Suárezit. Lamtumirë Luisito!”, ishte mesazhi i Interit në rrjetet sociale.
Spanjolli ishte një futbollist i Barcelonës për shtatë sezone dhe fitoi dy liga spanjolle, dy kupa spanjolle dhe Topin e Artë (1960).
Për plot nënte sezone veshi fanellën zikaltër, duke fituar tre tituj të Serisë A, dy Kupa Evropiane (Champions). Karrierën si futbollist e përfundoi te Sampdoria, para se të niste si trajner./SuperSport
Moti i keq përfshin edhe Turqinë, paralajmërime në 49 provinca
Zbardhet vrasja e Eduart Reçit, dyshohet se autori është polic
Vrasja e Martinit/ Policia: Po vlerësohet dëshmia e babait të Luis Meçes
Vrasja e 14-vjeçarit/ Rama akuza ndaj opozitës: E kthyen viktimën në mish
Zbulohet data e fillimit të edicionit të katërt të ‘BBV’, ja emrat që përfliten
Takimi i Ramës në Londër, qytetari: Na rrahën me shkopinj gome
Rama nga Londra: Të shpëtojnë opozitën nga pengmarrësit e diskretituar nga historia
