Milivojeviç: Vizita e ‘Listës’ në SHBA, tregon se pa të nuk mund të bëhet asgjë

“Vizita e përfaqësuesve të Listës Serbe në Uashington dhe takimi atje me të dërguarin amerikan për dialogun Kosovë-Serbi, Gabriel Escobar, është një tregues shumë domethënës se administrata amerikane më së paku është ndërgjegjësuar se pa palën serbe nuk mund të ketë deeskalim të situatës në Kosovë” – Kështu vlerësoi diplomati i karrierës, serbi Zoran Milivojeviq.

Siç tha ai në deklaratën e tij për Tanjug, vizita e Listës Serbe ka dy dimensione. E para është se ka një interesim të madh nga pala amerikane për ngjarjet në Kosovë dhe se Uashingtoni po rrit mënyrën e reagimit dhe frekuencën në zgjidhjen e çështjeve në Kosovë dhe Maqedoni që janë në interes të tij.