Vetëm disa minuta në ditë, këto ushtrime ju zgjasin jetën

Tre minuta ushtrime janë të mjaftueshme për të zgjatur jetën tuaj deri në 30% më shumë.

Çfarë janë ‘mikro-stërvitjet’ dhe a janë ato e ardhmja e aktivitetit fizik?

Hulumtimet më të fundit thonë se stërvitjet e shkurtra mund të përmirësojnë në mënyrë drastike shëndetin tuaj.

“Tre minuta ushtrime mund të kenë një ndikim real në shëndetin e përgjithshëm dhe aftësinë tuaj fizike”.

Kjo mund të tingëllojë si një mashtrim i shpejtë, por një studim i fundit në The American Journal of Physiology: Endocrinology and Metabolism sugjeron që angazhimi për të lëvizur trupin tuaj për 3 minuta dy herë në orë mund të ketë përfitime pozitive shëndetësore.

Po sikur të mos keni tre minuta çdo gjysmë ore?

Nëse po kërkoni të ushtroheni në vitin 2022, mund të keni disa arsye për ta bërë këtë. Ju mund të dëshironi të humbisni peshë për t’u dukur ose ndjerë më mirë.

Sidoqoftë, shumë nga ju që po kërkoni të bëheni pak më të shëndetshëm, nuk gjeni dot kohën për vrapime të gjata apo seanca në palestër.

Për fat të mirë, ju nuk keni nevojë të ushtroheni për një kohë të gjatë për të filluar të korrni disa nga përfitimet kryesore dhe të kompensoni për mënyrën tuaj të mëparshme të jetesës.

Hulumtimi nga Universiteti Kaledonian i Glasgou ka zbuluar se tre minuta ushtrime të moderuara janë të mjaftueshme për të kompensuar një orë të kaluar ulur.

Ju mund të nisni duke u pajisur me një orë dore apo gjurmues të fitnesit për t’ju paralajmëruar për çdo orë që keni kaluar ulur apo me pak lëvizje, kështu që nuk do të humbisni kurrë një ‘mikro-stërvitje’.

Studiuesit zbuluan gjithashtu se ekzistojnë kombinime të shumta aktivitetesh të lidhura me një reduktim prej 30% të gjasave për një vdekje të hershme.

Ju mund të bëni 55 minuta ushtrime të dedikuara në ditë, me 4 orë aktivitet të lehtë fizik dhe 11 orë ulur.

Përndryshe, ju mund të merrni të njëjtin përfitim nga 13 minuta stërvitje intensive, 5.5 orë aktivitet të lehtë fizik dhe 10.3 orë ulur.

Së fundmi, ju mund të zgjidhni të bëni vetëm tre minuta stërvitje, 6 orë aktivitet të lehtë fizik dhe 9.7 orë ulur.

Tre minuta apo edhe 13 minuta mund të mos duken shumë, por kur kombinohen me ushtrime të lehta si ecja (qoftë jashtë apo edhe një rutinë në shtëpi), do të zvogëlojë rrezikun e një vdekjeje të hershme duke përmirësuar shëndetin kardiovaskular dhe do të zhbëjë dëmin e periudhave të gjata sedentare.

Pra, si të përfitoni sa më shumë nga një kohë shumë e shkurtër stërvitjeje?

Një mënyrë për ta bërë këtë është duke bërë ushtrime me intensitet të lartë për 20 sekonda, duke pushuar për 10 sekonda dhe duke bërë 8 raunde të tilla më pas.

Janë vetëm 4 minuta punë intensive. Ju mund ta bëni këtë me një makinë kanotazhi, një rutinë intenstive ose ndonjë nga makineritë më të mira të stërvitjes për të humbur peshë.

Ndërsa shembuj të aktivitetit të lehtë fizik përfshijnë ecjen e ngadaltë, një lojë bilardo, peshkim, punë të lehta shtëpiake si gatimi, pastrimi i pluhurit, hekurosja, palosja e rrobave, larja e enëve etj.