Dy adoleshentë kanë humbur jetën, çfarë është “sfida e deodorantit”

Ice Bucket”, “Hot Chip” ose “Squat”. Në internet qarkullojnë shumë sfida që shpërndahen përmes videove në rrjetet sociale.

Së fundmi “sfida e rrezikshme e deodorantit” po bën bujë në internet në Gjermani. Instituti Federal për Vlerësimin e Riskut paralajmëron për rreziqet.

Ekzistojnë dy versione të sfidës. E para konsiston në thithjen dhe mbajtjen e deodorantit në gojë për sa më gjatë që të jetë e mundur ndërsa e dyta konsiston në aplikimin e sprajit në lëkurë derisa të digjet plotësisht. Mediat gjermane kanë raportuar për vdekje të adoleshentëve të lidhur me këtë konkurs.

Versioni i parë

Thithja e deodorantit është një sfidë veçanërisht e rrezikshme. Në varësi të përbërjes kimike të sprajit, disa përbërës në llak mund të hyjnë në trup në sasi masive dhe të dëmtojnë seriozisht zemrën dhe mushkëritë. Ndër rreziqet më të larta ishin rastet e humbjes së vetëdijes, dështimit të zemrës dhe paralizës së frymëmarrjes.

Kontakti
Versioni i dytë i garës është më i dhimbshmi. Të rinjtë lëndohen duke spërkatur deodorant në një zonë të lëkurës derisa dhimbja të mos jetë më e durueshme. Në raste ekstreme temperatura mund të bjerë në minus 30 gradë në pak sekonda, paralajmëroi Bfr (Instituti Federal për Vlerësimin e Riskut). Mund të rezultojnë dhimbje dhe dëmtime masive në lëkurë. Për më tepër, spërkatja afatgjatë mund të shkaktojë djegie të ftohta që rezultojnë në nekrozë të lëkurës dhe në rrethana të caktuara mund të jetë i nevojshëm transplantimi i lëkurës.

Apeli
“Dua që asnjë prind tjetër të mos varrosë fëmijën e tij për të njëjtën arsye”, deklaron nëna e një 15-vjeçari, i cili ndoshta ka ndërruar jetë për shkak të kësaj sfide. Tashmë në janar një tjetër vajzë gjermane kishte vdekur dhe babai i saj kishte bërë një apel për mediat.

“Prindërit duhet të rrisin menjëherë ndërgjegjësimin e fëmijëve të tyre për këtë temë, por nuk mendoj se heqja e plotë e celularëve të tyre mund të jetë një zgjidhje,” tha Rebecca Wasinski, edukatore në autoritetin e medias në North Rhine-Westphalia.