Kosova
‘Gur i keq për demokracinë…’/ Gashi: Sjellja e Kurtit, shkelje e Kushtetutës
Shefi i deputetëve të Lidhjes Demokratike të Kosovës, Arben Gashi ka reaguar pasi kryeministri i vendit, Albin Kurti nuk iu është përgjigjur pyetjeve të opozitës, pasi këta të fundit nuk po i votojnë marrëveshjet ndërkombëtare.
Gashi tha se veprimet e Kurtit janë shkelje e Kushtetutës. Sipas tij, sjellja e sotme e qeverisë është “gur i keq” për demokracinë e vendit.
“Sjellja e sotme e qeverisë është momentum i ri dhe një gur i keq për demokracinë në Kosovë”, ka thënë ai.
I pyetur nëse do të marr pjesë në seancat tjera, Gashi tha se deputetët do të jenë aty ku e kanë vendin, porse kjo e sotit ishte për shkak të sjelljes arrogante të qeverisë. Gashi ka ritheksuar sërish që qeveria nuk i ka numrat të qeverisë, dhe sa më parë duhet të gjejë një zgjidhje për këtë.
Mes tjerash, Gashi tha se është çështje e qeverisë nëse e zgjerojnë koalicionin për të gjetur zgjidhje nëse duan të qeverisin. Ai ka komentuar edhe deklaratën e kryeministrit Kurti kur pati thënë se nëse vendi shkon në zgjidhje, zhduket opozita.
Sot gjatë seancës, kryeministri Albin Kurti ka refuzuar të përgjigjet në pyetjet parlamentare të deputetëve të opozitës. Kurti i ka thënë opozitës, që nëse duan përgjigje nga ai, duhet t’i votojnë marrëveshjet ndërkombëtare të cilat janë duke u bartur nga seanca në seancë.
Pse priti deri në fund Berisha? Çfarë shpresonte?
SHKULEN DHEMBET e Serbisë/ BE-ja kërkon llogari për pasivizimin e adresave të shqiptarëve në Preshevë
Trump po planifikon ta emërojë Grenellin emisar special për Ukrainën – Reuters rikujton rolin e tij në negociatat Kosovë-Serbi
Dumani: Prokurorë të SPAK janë kërcënuar. Krimi i organizuar shqiptar, shumë i rrezikshëm
BALLKANI I THYER/ Trump, Rama dhe Vuçiç mund të përcaktojnë fatin e Rajonit
“Askush nuk e ndihmonte Martinin”, gazetari tregon rrëfimin e djalit të tij që pa krimin te “Fan Noli”
HARROHET BANJSKA DHE SERBIA/ Kurti flet për Ballkanin si oazë paqe
