E fejuara i hyri në ‘BBV’/ Santiana e nervozuar ndaj Bucit: Më tradhtove…

Tensionet e brendshme në shtëpinë e Big Brother VIP Kosova kanë rezultuar në një përplasje të hapur mes dy banorëve, Santianës dhe Bucit, të cilët morën në dorë rastin për të diskutuar mbi ndryshimet e njëpasnjëshme në marrëdhënien e tyre.

Ngjarjet e fundit kanë lënë gjurmë dhe kanë bërë që Santiana të shprehë haptas zhgënjimin e saj nga veprimet e Bucit, të cilat i ka cilësuar si tradhti.

Gjatë një bisede të tensionuar, Santiana nuk kurseu fjalët për të treguar zhgënjimin që përjetoi ndaj Bucit.

“Ti më tradhtove Buc, unë nuk ta kisha bërë këtë gjë kurrë”, i tha ajo Bucit, duke nënkuptuar një pritje për një lloj lojaliteti që sipas saj nuk u respektua.

Ajo theksoi se i ishte dhënë mundësia Bucit të sqaronte gjërat me të fejuarën e tij, Veronën, dhe të bënte të qartë natyrën e marrëdhënies së tyre – por që kjo nuk ndodhi.

Ndërsa Buci, nga ana e tij, u përpoq të arsyetonte veprimet e tij, duke u përpjekur të shpjegojë dhe të gjejë një bazë të përbashkët në mes të keqkuptimeve që kishin ndodhur.

Mirëpo, duke pasur parasysh thellësinë e ndjenjave dhe pritjet e thyera, duket se argumentet e tij nuk arritën të bindin Santianën.