Shkodër/ Qëlloi me armë nga kati i pestë i pallatit drejt një makine të parkuar, arrestohet pas 3 orësh autori

Një person ka qëlluar me armë zjarri gjatë natës në lagjen Rus të Shkodrës. Burime bëjnë me dije se autori ka qëlluar nga kati i pestë i pallatit në drejtim të një makine që ka qenë e parkuar poshtë. Pasi ka qëlluar me armë, autori Fasli Nuti është larguar nga pallati, por FNSH ka arritur që ta lokalizojë dhe ta arrestojë atë 3 orë pas ngjarjes. Ende nuk dihen motivet që mund ta kenë shtyrë Nutin që të qëllojë drejt kësaj makine.