I dashuri abuzonte me të bijën qëkur ishte tetë vjeç, çfarë zbuloi e dashura në telefonin e tij

Sipas Prokurorisë së Posaçme për Krimet ndaj të miturve të Athinës, ka qënë një denoncim prej të ëmës së viktimës e cila është shtetase shqiptare që çoi në zbardhjen e rastit të rëndë.

Prej verifikimeve rezultoi se autori hynte në banesën e viktimës me iniciale K.E 16 vjeç, duke shfrytëzuar lidhjen personale me të ëmën e saj

Sipas informacioneve, abuzimi nisi kur e mitura ishte në moshën 8 vjeçare.

E mitura u tregoi hetuesve se autori kryente akte seksuale me të që në moshën 8 vjeç, krim i vijuar deri para pak ditësh.

Sipas informacioneve, ai e kishte detyruar që t’i dërgonte foto intime të saj.

Ajo tha se kishte frikë ta denonconte pasi shqetësohej për sigurinë e saj dhe të mamasë.

Ka qenë e ëma e vajzës që zbuloi rastësisht fotot e vajzës së saj në telefonin e autorit dhe pasi verifikoi vërtetësinë e fakteve ,e denoncoi atë në polici.

Menjëherë ai u arrestua dhe pritet të përballet me vepra të dënueshme të parashikuara në 7 nene të Kodit Penal për krimet ndaj të miturve nën 14 vjeç. Ai do të dërgohet në gjykatë për masë sigurie paraditen e së hënës.