​Roma nis planin për emërimin e Jurgen Klopp si trajner

Jurgen Klopp i befasoi të gjithë duke njoftuar largimin e tij nga Liverpooli në verë dhe Roma thuhet se ka filluar të ëndërrojë për ardhjen e tij të mundshme në kryeqytetin italian.Trajneri 56-vjeçar gjerman i tha të premten se do të jepte dorëheqje në fund të sezonit, pasi i kishin mbaruar energjitë pas më shumë se tetë vitesh në këtë rol. Njoftimi i tij shkaktoi valë tronditëse në të gjithë bazën e tifozëve të Reds, duke i lënë shumë në mosbesim.Te Roma, situata është shumë e brishtë. Jose Mourinho u shkarkua në fillim të këtij muaji pas më shumë se dy vitesh në skuadër dhe është zëvendësuar nga Daniele De Rossi, i cili mund të largohet në verë nëse nuk bën vërtet përshtypje të mira në gjysmën e dytë të këtij sezoni.Siç raportohet nga “Il Messaggero”, pronarët e Romës, familja Fredkin, kanë filluar të mendojnë për emërimin e mundshëm të Klopp në verë, të vetëdijshëm se ai nuk do të jetë i lirë dhe se klubet në të gjithë Evropën do të duan të rrëmbejnë trajnerin gjerman.