Shokon eksperti i kriminalistikës: Altin Çoku leu një të mitur me benzinë

Karamuço tha se ai e kishte kthyer Tiktok-un në burim të të ardhurash, aty ku shante dhe shantazhonte njerëz. Madje i ka shantazhuar një tjetër vajzë në Kurbin para disa vitesh, duke i lyer të vëllanë me benzinë nëse ajo nuk kryente marrëdhënie seksuale me të.

“Ky person është futur tek influencierët, të cilët fitojnë shumë para nga daljet për këtë arsyet shajnë e bëjnë gjithçka. Shpërthime, djegie makinash, rrëmbime për shkak të konflikteve të nisura në rrjete. Ky personazh e ka filluar karrierën në Kurbin merr një te mitur e hedh në një kazan plehrash i hedh benzinë dhe tenton ta djegë duke shantazhuar motrën e të miturit për të kryer marrëdhënie seksuale. Është dënuar me 16 vite në atë kohë po nuk di si ia ka hedhur. Ka një vepër të dyte penale shtrëngimi me anë të kanosjes nëpër rrjetet sociale. Ka një aksident automobilistik me humbje jete, nuk e di si ka dalë i pafajshëm. Dy tre ankesa që po verifikohen. Është person përsëritës problematik. Kur je i sëmurë mendor dhe kryen vepër penale, ligji parashikon shtrim të detyruar në spital psikiatrik. Këta njerëz nuk mund të lihen të lirë dhe nuk mund të jenë në përdorim të këtyre rrjeteve, po vrasin njerëz. Është dëgjuar duke kërcënuar për akte terrostite, për vrasje dhe askush nga organet e policisë nuk e ka mbajtur nën mbikëqyrke. Mund të ishte parandaluar duke pasur parasysh krimeve të mëparshme. Ne sot këto rrjete sociale i kemi jashtë kontrollit, vetë institucionet nuk kanë një strukturë për të kapur në kohë ngjarje të tillë që përbëjnë vepra penale.

Në rastin konkret, ishte shantazh për të përfituar para, ose shërbime seksuale. E ndjera ka qenë në nevojë të madhe, kushtet nuk kanë qenë të mira ishte në gjendje të rënduar psikologjike. Merrej me punë të rëndomta, këta shfrytëzojnë nevojat dhe të fusin në një qarkull që nuk del dot më dhe nuk kërkon dot as ndihmë”-u shpreh Karamuço.