Biden konsideron largimin nga gara? Ja kushti i tij për dorëheqjen nga përballja me Trump

Joe Biden zbuloi arsyen e vetme që do ta bënte atë të largohej nga gara presidenciale pasi gjithnjë e më shumë demokratë vijojnë thirrjet që të tërhiqet.

Ai tha se do të duhej që mjeku i tij personal t’i thoshte drejtpërdrejt se ai kishte një gjendje shëndetësore, e cila nuk do ta lejonte të garonte për Shtëpinë e Bardhë.

“Nëse do të kisha ndonjë gjendje mjekësore që do të shfaqej, nëse dikush, nëse mjeku do të vinte tek unë dhe do të më thoshte, ju keni këtë problem dhe atë problem”, tha Biden në një intervistë për BET neës.

Mjeku i presidentit, Dr. Kevin O’Connor, ka thënë se Biden, 81 vjeç, është i aftë mendërisht dhe fizikisht për të shërbyer si komandant i përgjithshëm.

Megjithatë demokratët kanë vënë në pikëpyetje aftësinë e Bidenit për të shërbyer që nga performanca e tij në debat kundër Donald Trump.

Biden ka ndryshuar në mënyrë të përsëritur kushtet se çfarë do të duhej që ai të tërhiqej.

Ai i tha ABC Neës se do ta braktiste vetëm nëse ‘Zoti i Plotfuqishëm’ do t’i thoshte të largohej nga gara.

Në intervistën e tij me Ed Gordon Biden të BET, për herë të parë tha se ai priste të ‘kalonte’ nga presidenca dhe ‘t’ia kalonte dikujt tjetër’ pas një mandati, por vendosi të kandidonte përsëri sepse besonte në ‘urtësinë’ e tij dhe përvoja do të ndihmonte në shërimin e vendit.’