‘Tapë’ në timon dhe kundërshtoi policinë, arrestohet i riu turk

Një 26-vjeçar nga Turqia është arrestuar nga Policia në Sarandë, pasi është konstatuar nga efektivët duke drejtuar automjetin, në gjendje të dehur.

Po ashtu, i riu turk ka kundërshtuar edhe efektivët e policisë gjatë kryerjes së detyrës.

Materialet procedurale i kaluan prokurorisë.

Njoftimi i policisë:

Seksioni i Policisë Rrugore në Sarandë arrestoi shtetasin turk Z. G., 26 vjeç, banues në Turqi, pasi është konstatuar nga shërbimet e Policisë, në aksin rrugor “Sarandë-Ksamil”, duke drejtuar automjetin, në gjendje të dehur, si dhe ka kundërshtuar punonjësit e Policisë, gjatë kryerjes së detyrës.

Materialet procedurale i kaluan prokurorive, për veprime të mëtejshme.