Mbappe hesht kritikët me ‘dopietë’, i siguron Realit 3 pikët

U desh të vinte java e katërt, por Kylian Mbappe në La Liga u zhbllokua me ‘dopietë’, duke i dhënë Real Madrid fitoren 2-0 kundër Betisit. Pas kritikave të pafund, për shkak edhe të përplasjeve që fliten me Vinicius, Mbappe zhbllokoi shifrat në minutën e 67 pas asistit të Valverdes.

Në vijim braziliani Vinicius fitoi një penallti, por në ndryshim nga ndeshja kundër Las Palmasit këtë herë lejoi Mbappen ta godiste. Francezi nuk gaboi dhe vulosi rezultatin përfundimtar, që e dërgon Realin në vendin e 2 me 8 pikë, 4 më pak se Barcelona kryesuese.

Fitore të rëndësishme këtë javë në La Liga mori edhe Girona, që ia doli 0-2 në transfertën e vështirë kundër Sevillias. Golat e Martin në pjesën e parë dhe Ruiz në të dytën vulosën 3 pikët.