U godit nga rrufeja, merr flakë banesa dykatëshe, publikohen pamjet

Një shtëpi dykatëshe është përfshirë nga flakët në fshatin Larushk të Krujës.

Gjatë mesditës së sotme reshjet me intensitet të lartë janë shoqëruar dhe me shkarkesat e rrufeve, për pasoje një e tillë dyshohet se ka rënë në një banese në fshatin Larushk.

Menjëherë në vendngjarje kanë mbërritur zjarrfikësit e Krujës të cilët po punojnë për shuarjen e flakeve të zjarrit në banesë.

Fatmirësisht nuk ka patur të lënduar.

Për të zbardhur shkaqet e zjarrit pritet ekspertiza nga grupi hetimor.